ዮናሳ ቲንቢቴ 1:4 - Geeshsha Maxaafa

⁴ Markabezi bishin GODAY abba bolla gote carko denththiin abba dambalay keehi darida gishshas markabezi meqqana gakkides.

ጋሞ ማጻፋ

⁴ ማርካቤዚ ቢሺን ጎዳይ ኣባ ቦላ ጎቴ ጫርኮ ዴንን ኣባ ዳምባላይ ኬሂ ዳሪዳ ጊሻስ ማርካቤዚ ሜቃና ጋኪዴስ።

ዮናሳ ቲንቢቴ 1:4 ပူးပေါင်းရင်းမြစ်များ

ዬ ማጻፋ 135:6

Saloninne sa7an, abbataninne ciimmata ubbaa giddonkka GODAY ba dosidayssa ubbaa ooththees.

ዬ ማጻፋ 135:7

Kareththa shaara sa7a gaxappe izi denththees; izi irara wolqqanth kiittees; ba minjji woththidasoppe carko kessi yeddees.

ዬ ማጻፋ 148:8

Wolqqanththinne shachchi, kenchchoynne gubbanay, iza azazo poliza gote carkoti ubbatikka iza galatite.

ኬሳ ማጻፋ 10:13

Musey ba oykkida guufaa Gibxe biitta bolla dhoqqu histti denththiin, he wode gallassinne qamma GODAY arshey mokkiza baggafe wolqqama carko biitta ubbaa bolla yeddides; gadey wontishin he carkoy boole ekki yides.

ኬሳ ማጻፋ 10:19

GODAYKKA arshey mokkiza baggara yida carkoza arshey wulliza baggara yida wolqqama carkon laammiin booleza tookki ekki efidi, Zo7o abbaan yeggides. Gibxe biitta kumeththaan issi booleykka attibeenna.

ኬሳ ማጻፋ 14:21

Hessafe guye Musey abbaa bollan ba kushe piddisides; GODAY he gallassa omars kumeth arshey mokkiza baggafe wolqqama carko yeddidi, abbaa shaakki shaakkidi mela biitta kessides. Haaththayka nam7an shaakettides.

ኬሳ ማጻፋ 15:10

Gido attiin neni istta ne peenon punniin, abbay istta kammides. Istti wolqqama haaththan biratay mitettiza mala mitettida.

ኤርማሳ ቲንቢቴ 51:16

Izi ba cenggurssa sissiza wode salon diza haaththati guummeettes; shaarata izi sa7a gaxappe ehees; irara wolqqanth kiittees; ba minjjasohoppeka carko kiittees.

ኣሞጼ ቲንቢቴ 4:13

Zumata ooththidaadey carkota medhdhidaadey ba qoppidayssa asas qonccisizay gallassa poo7o gede dhuman laammizay biitta bolla dhoqqasohon hemettizayssa sunththay GODAA Salo Xoossa.

ታይቦ ማጻፋ 11:31

Hessafe guye GODAY carko denththidi abba giddofe kuracho misatiza kafo asay dunkaani uttida heera ehides; histtidi he kafota biittafe pude nam7u wadha keena dhoqqu giidi piradhdhi yiidi asay dunkaani uttida heera yuushon issi gallassa oge keena gidizaason biitta bolla may7i uttida.