ኢዩኤሌ ቲንቢቴ 3:17 - Geeshsha Maxaafa

¹⁷ «Isra7eele asawu! He wode tani GODAA intte Xoossa gididayssa intte erana; tani geesh gidida ta zuma Xiyoone bolla de7ana; Yerusalaamey anjjettida katama gidana; hessafe guye hara allaga wottadaray izo worajjenna.

ጋሞ ማጻፋ

¹⁷ «ኢስራኤሌ ኣሳዉ! ሄ ዎዴ ታኒ ጎዳ ኢንቴ ጾሳ ጊዲዳይሳ ኢንቴ ኤራና፤ ታኒ ጌሽ ጊዲዳ ታ ዙማ ጺዮኔ ቦላ ዴኣና፤ ዬሩሳላሜይ ኣንጄቲዳ ካታማ ጊዳና፤ ሄሳፌ ጉዬ ሃራ ኣላጋ ዎታዳራይ ኢዞ ዎራጄና።

ኢዩኤሌ ቲንቢቴ 3:17 ပူးပေါင်းရင်းမြစ်များ

ኢዮቤ ማጻፋ 15:19

Biittaya isttas xalla imettadus; imaththatikka istta giddon walakettibeettenna.

ዬ ማጻፋ 76:2

Iza dunkaaney Saleemen dees; izas duussasoyka Xiyoone.

ዬ ማጻፋ 9:11

Xiyoonen kawoti uttida GODAAS galata mazamure yexxite; izi ooththida ooso dere ubbaas qonccen yootite.

ኢሳያሳ ቲንቢቴ 11:9

Geeshshi gidida ta zumaa bolla qohettenna woykko oonikka dhayenna; haaththi abba kumiza mala sa7a ubbay GODAA eron kumana.

ኢሳያሳ ቲንቢቴ 12:6

Intte giddon diza Isra7eele Geeshshay gita gidida gishshas Xiyoone asawu ilili giite; ufayssankka yexxite» gaandeta.

ኢሳያሳ ቲንቢቴ 35:8

Heen wogga ogey oosettana; izikka, «Geeshshateththa Oge» geetettana. Tunati he ogera beettenna; ogezi he ogera bizaytas xalla gidana; geellati he ogaara baana dandayettenna.

ኢሳያሳ ቲንቢቴ 4:3

Xiyoonen attidayti, Yerusalaamen dhayontta attidayti, Yerusalaamen shemppora paxa dishe xaafettida ubbatara, «Istti geeshshata» geetettana.

ኢሳያሳ ቲንቢቴ 46:13

Tani ta xilloteththaa ehon days; haaho gidenna. Ta atoteththay gam7enna; tani Xiyoone atoteth. Isra7eele bonchcho mayzana» gees.

ኢሳያሳ ቲንቢቴ 52:1

Hanne Xiyoone denda; denda; wolqqa may7a; geeshsha katamaye Yerusalaamee! Ne bonchcho may7o may7a; hayssafe guye qaxxarettonttaynne tunay ne giddo gelenna.

ኢሳያሳ ቲንቢቴ 56:7

tani ta geeshsha zumaa bolla istta ehana; ta woosa keeththa giddon ta istta ufayssana. Taas yarsho yarshizasoza bollan istti shiishshiza xuugettiza yarshonne hara yarshota ta ekkana; gaasoykka ta keeththay ubbaa asaa woosa keeth geetettana» gees.

ኤርማሳ ቲንቢቴ 31:23

Ubbaafe Wolqqama GODAA Isra7eele Xoossay, «Tani isttafe di7ettida miishshaa ta isttas zaariza wode istti Yuhuda biittaninne izi katamatan, ‹Nenoo xilloteththi aqiza geeshsha zumazoo! GODAY nena anjjo!› giza qaala zaari go7ettana.

ኤርማሳ ቲንቢቴ 31:40

Ahaynne bidinththi yegettiza shoobba ubbay arshey mokkiza Qediroone shoobbara biidi Para Penge gakkanaas diza tidhdhi gida dembay ubbay GODAAS dummatidaaz gidana; hessafe guye he katamaya shodettukunne laalettuku» gees.

ሂዚቄላ ቲንቢቴ 20:40

Ta geeshsha zumaa bolla, dhoqqu gida Isra7eele zuma bolla heen Isra7eele asay ubbay taas Ubbaa Haariza GODAAS goynnana. Tanikka heen inttena mokka ekkana; intte kaththa yarsho, intte bayra imotanne geeyida intte yarshota ubbaa tani heen koyays.

ሂዚቄላ ቲንቢቴ 37:6

Ta intte bolla shayata woththada, ashoykka intte bolla simmana mala ooththada, inttes shaya immana; ta inttena asho mayzana; bollarakka galban kammana; intte giddo peeno gelththana; intteka shemppora paxa daana; hessafe guye tani GODAA gididayssa intte erana› ga» gides.

ሂዚቄላ ቲንቢቴ 43:12

Xoossa Keeththaa wogay hayssa: Xoossa Keeththay keexettida dere hu7eynne iza yuushon diza heeray ubbay ubbaafe aadhdhida geeshsha gidana. Ee, Xoossa Keeththa wogay hayssa.

ሂዚቄላ ቲንቢቴ 44:9

Hessa gishshas Ubbaa Haariza GODAY: Isra7eele asa giddon diza allaga asi, ba wozinaninne ba ashon qaxxarettonttay, ooninne ta Xoossa Keeththa geloppo.

ሂዚቄላ ቲንቢቴ 48:35

Katama yuushoy mulera wadhdhiin 9,000 metire gidana. He wodeppe doommidi he katamay, ‹GODAY heen dees› geetetti xeygettana» gees.

ዳኔላ ቲንቢቴ 11:45

Izi ba kawoteththa dunkaaneza abbaafenne geeshsha zumaappe giddon tokkana; gido attiin hessi wuri haniinkka izas wurseth gidana; iza maaddanaykka beettenna» gides.

ዳኔላ ቲንቢቴ 9:16

Abeet GODAWU! Neni kase ooththida xillo oosoza gishshas gaada ne katama Yerusalaameppe, ne geeshsha zumaappe ne hanqoza zaara; nu nagaraanne nu aawata qoho gaason Yerusalaameynne ne derey nu yuushon diza deraa giddon qidhes attidos.

ኢዩኤሌ ቲንቢቴ 2:27

Isra7eele asatoo tani intte giddon dizayssanne GODAA intte Xoossi tana xalla gididayssanne taappe haray bayndayssa intte erana; hessafe guye ta dereza yeellay gakkenna» gides.

ሚኪያሳ ቲንቢቴ 4:7

Gundatappe attidaytanne qohettidayta ta istta mino dere kessana; he gallassayfe doommidi mernaa gakkanaas GODAY Xiyoone zuman istta bolla kawotana.

ናሆሜ ቲንቢቴ 1:15

Hekko mishiraachcho yootizayssi, saroteth awajjizayssi zumaa bollara yuussan dees. Yuhuda ne ba7aaleta bonchcha; ne adinettidayssa gaththa; hayssafe guye iitati ne dere worajjettenna; istti mulera dhayana.

ዛካራሳ ቲንቢቴ 8:3

GODAY, «Ta gede Xiyoonikko simmana; Yerusalaamenkka de7ana. Yerusalaameykka tumu katama geetettawus; izakka Ubbaafe Wolqqama GODAAS geeshsha zuma geetettana» gees.

ዮሃኒሳ ኣጁታ 21:27

Harassiza miishshi mulekka gede izin gelenna; tunateth ooththizaytinne wordo haasayzayti mulekka hee izikko gelettenna; hee izin gelanayta sunththi kase he dorsaza de7o maxaafan xaafettidayta xalla.