ኢዩኤሌ ቲንቢቴ 2:26 - Geeshsha Maxaafa

²⁶ Intte buro daro miidi kallana; inttes malalisiza miishshata ta ooththida gishshas intte tana GODAA intte Xoossaa galatana; hayssafe guye ta deraa yeellay gakkenna.

ጋሞ ማጻፋ

²⁶ ኢንቴ ቡሮ ዳሮ ሚዲ ካላና፤ ኢንቴስ ማላሊሲዛ ሚሻታ ታ ኦዳ ጊሻስ ኢንቴ ታና ጎዳ ኢንቴ ጾሳ ጋላታና፤ ሃይሳፌ ጉዬ ታ ዴራ ዬላይ ጋኬና።

ኢዩኤሌ ቲንቢቴ 2:26 ပူးပေါင်းရင်းမြစ်များ

ሜቴ ማጻፋ 33:11

Xoossi ba kiyateththan ubbaa kunththi taas immida gishshas koshshizaazi ubbay taas dees; ta nees immizayssa ekkarkkii» giidi Yaaqoobey minththi shoobbida gishshas Eesawey izi gidayssa ekkides.

ናሂሚያ ማጻፋ 9:25

Qasse lo7i gimbettida katamatanne aradda biitta, lo7o miish isttan kumida keeththata, haaththa ollatanne woyne atakiltey tokettiza gade, wogara miththatanne daro ayfe ayfiza miththata laattida; Miidinne uyidi modhdhida; neni ne kiyateththan immida lo7o miishshan wuri ufayettida.

ዬ ማጻፋ 103:5

Golle kafoththo neni ooraxana mala izi ne amo ubbaa lo7o miishshan kunththana.

ዬ ማጻፋ 116:7

Ta shemppoyee ane woppu ga; GODAY nees lo7o miish ooththides.

ዬ ማጻፋ 13:6

GODAWU! Ne kiyateththi taas darida gishshas tani nees yexxana.

ዬ ማጻፋ 22:26

Hiyeesati miidi kallana. GODAA koyzayti iza galatana. Istti mernaas ufayettana.

ዬ ማጻፋ 37:19

Iita woden suure asati yeellatettenna; kosha layth istti kalli maana.

ዬ ማጻፋ 67:5

Abeet Xoossawu! Asay nena galato; kawoteth ubbay nees galata shiishsho.

ዬ ማጻፋ 72:18

Malalisiza miish barkka ooththiza GODAY, Xoossay, Isra7eele Xoossay galatetto.

ሌሚሶ ማጻፋ 13:25

Xilloy kallanaashe gakkanaas mees; iitati gidikko gafida mala daana.

Siiqo Saba 5:1

«Taas siiqo michcho gidida ta mishirayee! Tani ta atakilte giddo geladis. Ta karbbenne ta shitto ciish maxadis; Eessa ukeththaa ililozara gaththa madis; Ta woyne ushshaa, ta maaththaa uyadis» gides. «Intteno siiqettizaytoo! Kallana gakkanaas miite; alana gakkanaaska uyite» gida.

ኢሳያሳ ቲንቢቴ 25:1

Abeet GODAWU! Neni ta Xoossaa. Tani nena dhoqqu dhoqqu histtana; ne sunththaaka sabbana. Gaasoykka benippe qofettidayssa malalisiza hano kumeththa ammaneteththan ooththadasa.

ኢሳያሳ ቲንቢቴ 29:22

Hessa gishshas Abrahaame wozzida GODAY Yaaqoobesos, «Yaaqoobey hayssafe guye yeellatenna; iza sinththika laamettenna.

ኢሳያሳ ቲንቢቴ 45:17

Isra7eeley gidikko GODAAN mernaa atoteth attana; intteka mernaas yeellatekketanne kawuyekketa.

ኢሳያሳ ቲንቢቴ 49:23

Kawoti nena dichchiza aawata gidana; istta machcheti nena dichchiza aayeta gidana; istti gufannidi nees goynnana; ne toho bollafe baanaakka laaccana; nekka tani GODAA gididayssa erana; tanan hidota ooththizayti yeellatettenna» gees.

ኢሳያሳ ቲንቢቴ 54:4

«Aykkoy baa babbofa; ne yeellatakka; hirgofa; ne kawuyaka; ne yelagateththa yeellaa neni dogana; ne am7eteththaa borokka hayssafe sinththan hassa7akka.

ኢሳያሳ ቲንቢቴ 55:2

Go7ontta kaththas ays intte miish dhaysseetii? inttena kalssontta miishshas ay ekkanaas intte wolqqa wurseetii? Siyite; ta gidaaz siyite; lo7o gididaaz miite; lo7o quman inttena ufayssite.

ሌዌታ ማጻፋ 25:19

Biittaya inttes gidana kath immana; intteka izippe kallana gakkanaas maana; saroteththanka de7ana.

ሌዌታ ማጻፋ 26:26

Intte kaththaa tani dhayssiza wode tammu maccassati wuri issi bashen uukkana; izokka maka miishshan geeddari geeddari ekkana; intteka miidi kalleketa.

ሌዌታ ማጻፋ 26:5

Intte kaththay keehi daro gidida gishshas intte buro shiisho bolla dishin woyne miththa ayfe qanxxiza wodey gakkana; intte woyne miththa ayfe qanxxidi shiishshi wursontta dishin kath zeriza wodey gakkana; intte kath kalli maana; intte biittankka saroteththan daana.

ሚኪያሳ ቲንቢቴ 6:14

Ne maanashin kallaka; ne qanththay coo mela daana; Ne shiishshanashin aykkoka nees shiiqenna; Ne shiishshidayssa tani mashshasinne tooras aaththa immana.

ሶፎናሳ ቲንቢቴ 3:11

Intte ta bolla polida qoho ubbaafe dendidayssan; he gallas yeellatekketa; ba otoreteththan ufayettizayta, hanno ha katamayppe ta diggana. Hessafe guye ta geeshsha zuman, intte ta bolla otoretteketa.

ዛካራሳ ቲንቢቴ 9:15

Ubbaafe Wolqqama GODAY isttas gondalle gidana; istti ba morkketa ubbaa dhayssana; istti yanbarshan olizayta yedhdhana; istti woyne ushshu uyida asa mala waassana; yarsho suuththi kere kumi yarshosoho bolla gukkiza mala istta morkketa suuththika gukkana.

ዛካራሳ ቲንቢቴ 9:17

Istti ay mala lo7onne puula as gidaneeshshaa! Kaththi naateththata woyne ushshi geela7ota anqarsana.

ኦሮሜ ኣሳስ 10:11

Geeshsha Maxaafay giza mala, «Izan ammanizay wurikka yeellatenna.»

ኦሮሜ ኣሳስ 5:5

He hidotay qasse nuna yeellachchenna. Xoossi nuus immida Xillo Ayanan ba siiqo nu wozinan gussida gishshas he hidotay nuna yeellan gaththenna.

ኦሮሜ ኣሳስ 9:33

Hessika, «Hekko as dhuphiza shuch istta kundisiza zaalla Xiyoone bolla ta woththana; izan ammanizaadey yeellatenna» geetettidi kase Geeshsha Maxaafan xaafettidayssa mala hanides.

ዛሬ ማጻፋ 11:15

GODAY intte mehetas maata darsana; inttes koshshiza kath immiin intte kallana.

ዛሬ ማጻፋ 12:12

Intte macca naytaranne intte attuma naytara, inttes ooththiza maccassataranne attumasatara, inttenara xinxxo gishetti ekkontta bantta bantta kataman katamaan diza Lewe qommotara GODAA intte Xoossaa sinththan intte ufayettana.

ዛሬ ማጻፋ 12:18

GODAA intte Xoossay dooridason intte macca naytaranne attuma naytara, intte macca aylletaranne attuma aylletara, hessaththoka intte katamatan diza Lewe qommotara issife GODAA intte Xoossaa sinththan miite; intte daaburdi shiishshida miish ubbaan GODAA intte Xoossaa sinththan heen ufayettana.

ዛሬ ማጻፋ 12:7

Heen GODAA intte Xoossaa sinththan intte maana; qasse intte intte wolqqan ooththi kessida ubbaaninne GODAA intte Xoossay inttena anjjida ubbaan intte intteso asaara ufayettana.

ዛሬ ማጻፋ 8:10

Intte miidi kallana; histtidi izi inttes immida lo7o biittay gishshas GODAA intte Xoossaa intte galatana.

1ጺምቶሳስ 6:17

Hayssa ha alamezan duretidayti otorettontta mala azaza; nu ufayettana mala wursika darssi tirfisidi nuus immiza Xoossaan attiin ammanththontta miishshaan ammanettontta mala asaas yoota.

1ዮሃኒሳ ኪታ 2:28

Ha7i ta naytoo! Izi qoncciza wode nuus xalateththi daana mala izi yiza wodekka nu iza sinththan yeellatontta mala intte izan de7ite.