ኢዩኤሌ ቲንቢቴ 2:11 - Geeshsha Maxaafa

¹¹ GODAY ba olanchchata sinththan dada mala guummana; iza olanchchati ay mala daroo! Iza azazo ooththizayti ay mala wolqqamaa! tumappeka GODAA gallassay keehi wolqqama; keehi babisiza he gallassaa danday eqqanay oonee?

ጋሞ ማጻፋ

¹¹ ጎዳይ ባ ኦላንቻታ ሲንን ዳዳ ማላ ጉማና፤ ኢዛ ኦላንቻቲ ኣይ ማላ ዳሮ! ኢዛ ኣዛዞ ኦዛይቲ ኣይ ማላ ዎልቃማ! ቱማፔካ ጎዳ ጋላሳይ ኬሂ ዎልቃማ፤ ኬሂ ባቢሲዛ ሄ ጋላሳ ዳንዳይ ኤቃናይ ኦኔ?

ኢዩኤሌ ቲንቢቴ 2:11 ပူးပေါင်းရင်းမြစ်များ

ዬ ማጻፋ 18:14

Ba wondafeza yiishshaa yeddides; ba morkketakka laallides; wolqqanththa poo7o kiittidi istta yedeththides.

ዬ ማጻፋ 46:6

Kawoteththati makkallan dendida; kawotikka kundida; izi ba qaala dhoqqu histti sissides; biittayka seerides.

ዬ ማጻፋ 68:18

GODAWU! Di7o ekkada pude ne duussas kezadasa; asa ubbaafe imota ekkadasa; haray attoshin makkallanchchatappeka ekkadasa;

ኢሳያሳ ቲንቢቴ 13:4

Daro derey wocamiza mala zumata bolla wocamiza wocamaa siyite! Kawoteththata giddon metottida derey gugumiza gugunththaa siyite! Ubbaafe Wolqqama GODAY olanchchata olas salfisides.

ኢሳያሳ ቲንቢቴ 42:13

GODAY ola qara mala kezana; olanchcha mala ho7etti dendana. Ceeqeteththa gayro sissana; ba morkketakka oli xoonana.

ኢሳያሳ ቲንቢቴ 7:18

He wode GODAY haako biittan diza Gibxe shaafappe udunxxeta, Asoore biittafe maththata wayqeththan xeygana.

ኤርማሳ ቲንቢቴ 25:30

Hessa gishshas GODAY Ermaasas, «Ha qaala ubbaa istta bolla tinbite yoota; ‹GODAY bollafe waassana; ba diza geeshsha sohoppe dadattiza ba gunththaa sissana; izi ba biitta bolla keehi waassana; woyne maxishe yexxiza mala sa7an diza ubbaa bolla izi guummana.

ኤርማሳ ቲንቢቴ 30:7

He gallassay ay mala daganththiza gallas gidanee! hessa mala gallassi deenna; he gallassay Yaaqoobe zereththatas meto gallas gidana; gido attiin istti he metozappe attana» gees.

ኤርማሳ ቲንቢቴ 50:34

Gido attiin istta wozzizay mino; iza sunththayka GODAA Ubbaafe Wolqqama Xoossaa; istti biittas shemppo immanaas keehi baaxetees; gido attiin Baabiloonen dizaytas shemppo dhayssees» gees.

ሂዚቄላ ቲንቢቴ 22:14

Tani nena qaxxayiza gallas ne wozinan ne murtta eqqanee? Woykko ne kushey he wode minnana dandayzee? Tani GODAY hayssa yootadis; izakka tani ooththana.

ኢዩኤሌ ቲንቢቴ 1:15

Aye ana! GODAA gallassi matides. Ubbaa dandayza Xoossay dhayssizaaz ehiza gallassi gakkides. He gallassays aayye ana!

ኢዩኤሌ ቲንቢቴ 1:6

Qooday baynda booley ola asa mala ta dereza bolla yides; iza achchay gaammo achcha mala; iza gaagina achchay macca gaammo gaagina achcha mala.

ኢዩኤሌ ቲንቢቴ 2:1

Xiyoonen zaye zayite; geeshsha zuma bolla waassite! GODAA yuussa gallassi gakkida gishshas biitta bolla dizay wurikka kokkoro.

ኢዩኤሌ ቲንቢቴ 2:2

He gallassay dhumanne tulala gallassa; shaaranne sakkanna dhuma gallassa; wontta poo7oy eeson zumata gakkiza mala wolqqama booley biitta ubbaan may7ana; hessa malay hayssafe kase hanibeenna; hayssafe guyenkka wodenkka hanenna.

ኢዩኤሌ ቲንቢቴ 2:25

Hayssafe kase wolqqama olanchcha misatiza ta yeddida uusho carkoththo shociza booleti, gumbarotinne gondoti, kase mida kaththaa gishshas ta inttes zaara immana.

ኢዩኤሌ ቲንቢቴ 2:31

Gita babisiza Godaa gallassay yaanaappe kasetidi arshey dhumana; aginaykka suuth aaththana.

ኢዩኤሌ ቲንቢቴ 3:14

Yo7o pirdiza zullen GODAY pirdiza gallassi gakkides; hessa gishshas daro derey heen shiiqi uttides.

ኢዩኤሌ ቲንቢቴ 3:16

GODAY Xiyoone zumaa bolla Yerusalaamen dishe babisiza ba qaala giiris sissana; saloynne sa7ay qaaxxana; GODAY gidikko ba dere Isra7eeles shiiqi attizaso gidana.

ኣሞጼ ቲንቢቴ 1:2

Amoxey, «GODAY Xiyooneppe ba qaala dhoqqu histti sissees; Yerusalaameppe giirees; mehey heemettizasoti melana; Qarmeloose zuman diza cililati shullana» gides.

ኣሞጼ ቲንቢቴ 5:18

Intteno GODAA gallas naagizaytoo! Inttes aayye ana! He gallassay dhumappe attiin poo7o gallas gidontta gishshas intte ays he gallassa koyeetii?

ኣሞጼ ቲንቢቴ 5:20

GODAY pirdiza gallassay inttes dhumappe attiin poo7o gidenna; he gallassay izan aykko poo7oykka baynda girdi gida dhuma gidana.

ኣብዲዩ ቲንቢቴ 1:15

«Ta Xoossay asa ubbaa bolla pirdiza wodey gakkida gishshas Eedoomee! Ne ooththida iita oosoy ne bolla simmana; hessa gishshas ne ooso mala ne ekkana.

ናሆሜ ቲንቢቴ 1:6

Iza hanqora eqettana dandayzay oonee? iza hanqo minoza tookkana dandayzay oonee? Iza hanqoy tama mala eexxides; zaallatikka iza sinththafe za7ida.

ሚልካሳ ቲንቢቴ 3:2

Izi yaana gallassa teqqana dandayzay oonee? Izi qoncciza gallas iza sinththan eqqanaas dandayanay oonee? Izi cooce tama mala woykko may7o meecciza saamuna mala;

ታይቦ ማጻፋ 24:23

Wurseththan Balaamey, «Xoossi hayssa ooththishin oonee shemppora paxa daanay?

1ታሶሎንቄ ኣሳስ 4:16

Goday ba hu7era gita azazon kiitanchchata halaqa giirissara Xoossa xurumba giirissan saloppe wodhdhana; kase Kirstoosa ammanidi hayqqidayti istti kaseti dendana.

ዮሃኒሳ ኣጁታ 18:8

Hessa gishshas izi bolla boshay wurikka issi gallas gakkana; hayqoy, muuzoteththinne gafay izo gakkana; iza taman xuugettana; izi bolla pirdiza Goday Xoossi izi mino» gishin tani siyadis.

ዮሃኒሳ ኣጁታ 6:17

Wolqqama hanqo gallassay gakkides; iza oonee dandayanay?» gida.