ኢዩኤሌ ቲንቢቴ 1:12 - Geeshsha Maxaafa

¹² Woyne miththatinne balase miththati shullida; oroomaanenne temire miththati, laadeynne hara ayfe ayfiza miththati wurikka melida; hessa gaason addafe ufayssi asappe haakkides.

ጋሞ ማጻፋ

¹² ዎይኔ ሚቲኔ ባላሴ ሚቲ ሹሊዳ፤ ኦሮማኔኔ ቴሚሬ ሚቲ፥ ላዴይኔ ሃራ ኣይፌ ኣይፊዛ ሚቲ ዉሪካ ሜሊዳ፤ ሄሳ ጋሶን ኣዳፌ ኡፋይሲ ኣሳፔ ሃኪዴስ።

ኢዩኤሌ ቲንቢቴ 1:12 ပူးပေါင်းရင်းမြစ်များ

ዬ ማጻፋ 4:7

Kaththinne woyne ushshu daro demmidi harati ufayettizayssafe aaththada neni ta wozina ufayssan kunththadasa.

ዬ ማጻፋ 92:12

Xilloti zamba mala daayana; qasse Libaanoose xiidda mala diccana.

Siiqo Saba 2:3

«Ta siiqoza tani naateththatara gaththa xeelliza wode, wora giddon diza appile misatees; tanikka keeha ufayettadis; tani iza kuwa garsan shempadis; mal7iza iza ayfezapeka ma kalladis.

Siiqo Saba 4:13

Ne aadhdha bizason mal7iza miththa ayfeti kumida; heytikka oroomaane atakiltesohota mala.

ኢሳያሳ ቲንቢቴ 16:10

Ufayssaynne ililisay ne atakiltey dizasoppe kichchides; woyne tokkizasohon yexxiza yeththay deenna; ilisikka attides. Woyne teera gum7izasohoy deenna; gum7izayta hombocaakka ta dhayssadis.

ኢሳያሳ ቲንቢቴ 24:11

Woyne ushsha gishshas dubbushan waasseettes; ufayssi ubbay ceecen laamettana; homboca kaassi biitta bollafe dhaydes.

ኢሳያሳ ቲንቢቴ 24:7

Woyne turay meliin woyne ushshi wurides; kase ufayettiza ubbay ceecides.

ኢሳያሳ ቲንቢቴ 9:3

Neni kawoteththaa darsadasa; isttas ufayssaa bolla ufays gujjadasa; asay kath shiishshishenne di7i ekkida miish gishettishe ufayettiza mala isttika ne sinththan ufayettana.

ኤርማሳ ቲንቢቴ 48:3

Horonaymeppe keziza dhayssa waasonne gita bashsha waaso giiris siyite;

ኤርማሳ ቲንቢቴ 48:33

Mo7aaben atakiltesoppenne goshsha gadeppe hashshu histtizaazinne ufayssi dhaydes; woyne ushshi gum7iin wodhdhontta mala melissadis; oonikka iza ililishe gum7enna; heen asa qaalay siyettikokka ililisa cenggurssa gidenna.

ኢዩኤሌ ቲንቢቴ 1:10

Goyidi zerida kaththay meli dhayiin woyne miththay tokettidi melida gishshas zaytey dhaydes; hessa gishshas biittaya yeekkawus.

ኢዩኤሌ ቲንቢቴ 1:16

Kaththi nu sinththafe dhaydes; ufayssinne ilisi nu Xoossa Keeththafe mule dhaydes.

ዮናሳ ቲንቢቴ 4:7

Gido attiin wonteththa gallas maalado Xoossay guxune kiittides; he guxuneya gosey xapho duuththiin goseya meladus.

ሃጌ ቲንቢቴ 2:19

Ha7i zereththas gidiza kath gootaran dhaykko, qasseka woyneynne balase miththi, oroomaaneynne wogara miththi ubbay hach gakkanaas ayfe ayfontta aggikokka, hachchife doommada tani inttena anjjana› gees» gides.

ሚልካሳ ቲንቢቴ 3:11

Ta intte gishshas intte biittan mokkiza kaththa qohiza miishshati intte kath montta mala ta hanqana; intte kaththayka meetettenna; intte gade giddon intte tokkida woyne miththay ayfey baynda coo mela deenna;

ታይቦ ማጻፋ 13:23

Istti heera aadhdhidi gede Eshkoole shoobba gakkida; heeppeka woyne miththa ayfera diza hagga qanxxi ekkidi he woyne miththaa ayfeppe issi wurco issaadey barkka tookkanaas dandayontta deexo gidida gishshas nam7u asati miththan aaththi tookkida; izara issife oroomaane miththa ayfenne balase miththa ayfe ekki yida.