ኢዮቤ ማጻፋ 1:3 - Geeshsha Maxaafa

³ Haaro baggarakka izas 7,000 dorsati, 3,000 gaamellati, 500 waaththa booratinne 500 hareti deettes; qasseka keehi daro aylleti deettes. Arshey mokkizaso baggara iza mala durenne gita asi haray deenna.

ጋሞ ማጻፋ

³ ሃሮ ባጋራካ ኢዛስ 7,000 ዶርሳቲ፥ 3,000 ጋሜላቲ፥ 500 ዋ ቦራቲኔ 500 ሃሬቲ ዴቴስ፤ ቃሴካ ኬሂ ዳሮ ኣይሌቲ ዴቴስ። ኣርሼይ ሞኪዛሶ ባጋራ ኢዛ ማላ ዱሬኔ ጊታ ኣሲ ሃራይ ዴና።

ኢዮቤ ማጻፋ 1:3 ပူးပေါင်းရင်းမြစ်များ

ሜቴ ማጻፋ 12:16

Histtiin izi geedon kawoy Abraame lo7o ayfen xeellidi Abraames dorsatanne boorata, adde haretanne macca hareta, adde aylletanne macca aylleta, gaamellatakka immides.

ሜቴ ማጻፋ 12:5

Abraamey ba machchiyo Soora, ba isha naa Looxe, Kaaraanen istti demmida aylletanne heen shiishshida bantta aqota ubbaa ekkidi Kanaane biitta bides.

ሜቴ ማጻፋ 13:6

Gido attiin isttas daro mehey diza gishshassinne istti issife daanaas isttas biittay xuummida gishshas issife daanaas dandaybeettenna.

ሜቴ ማጻፋ 24:35

GODAY ta godaa Abrahaame keehi anjjiin izi duretides; dors, miiz, bira, worqqa, attuma aylleta, macca aylleta, gaamellatanne, hareta izas immides.

ሜቴ ማጻፋ 25:6

Gido attiin izi buro paxa dishe ba garadetappe yelida naytas baas dizayssafe woytides. Woytidi ba naa Yisaaqappe istta shaakkidi arshey mokkiza baggara diza dere yeddides.

ሜቴ ማጻፋ 29:1

Hessafe guye Yaaqoobey dendi biidi arshey mokkiza baggara diza asata dere gakkides.

ሜቴ ማጻፋ 32:14

Izikka 200 macca deyshatanne nam7u tammu deysha orgeta, 200 macca dorsatanne 200 dharshota, 300 dhanththiza gaamellatanne istta maratara, 40 miizata, 10 korma boorata, 20 macca haretanne 10 wodalla hareta qori kessides.

ሜቴ ማጻፋ 34:23

Nuni hessaththo ooththiko istta miizay, istta aqoynne istta mehey wuri nuus deennee? Hessa gishshas ane nuni istti goyssa ero goos; isttika nunara daana» gida.

2ሳሜላ ማጻፋ 12:2

Durezas keehi daro dorsatinne miizati deettes.

1ካዎታ ማጻፋ 4:30

Solomoones diza aadho erateththay arshey mokkiza baggara dizayta aadho erateththafenne Gibxetas diza aadho erateththa ubbaafekka aadheththa.

2ካዎታ ማጻፋ 15:20

Minaheemi he miishshaa Isra7eele asay kesetti shiishshana mala ooththides; izi hessaththo ooththiday miishshaza Asoore kawos immana mala dure asay issoy issoy 50 saqile bira kessana mala wolqqaththides; hessa gishshas Asoore kawoy he deren gam7ontta ba dere simmi bides.

2ካዎታ ማጻፋ 3:4

He wode Mo7aabe kawo Meshay haarees; izi 100,000 laaqqatanne 100,000 dharshota iske Isra7eele kawos giirees.

1ታሪኬ ማጻፋ 27:30

Gaamellata bolla alaafeteththi Isma7eele as Obilas imettides. Hareta bolla alaafeteththi Meronoote as Yehidayes imettides.

2ታሪኬ ማጻፋ 26:10

Izas shaara menththoninne gadhan cora mehey diza gishshas heen naaganaas shakkota gimbides; daro haaththa ollatakka bookkides; izi qasse gosh dosiza gishshas shaara menththotaninne aradda gaden izas daro goshshanchchatinne woyne tokkizayti deettes.

2ታሪኬ ማጻፋ 32:29

Xoossay izas daro dureteth immida gishshas katamata keexxidi daro deysha, dorsa wudetanne daro meheta shiishshides.

ኢዮቤ ማጻፋ 1:10

Izi nees yayyizay neni izanne iza nayta, izas diza haaro ubbaa lo7eththa naagida gishshassa; izi ooththiza oosoza kumeth anjjida gishshassinne daro wude meheta ne izas immida gishshas gidennee?

ኢዮቤ ማጻፋ 1:4

Iyoobe attuma nayti issoy issoy bason taran taran diggisa giigsidi issife shiiqi ufayetteettes; heedzdzu michchetakka banttako xeygisidi isttara issife meettessinne uyeettes.

ኢዮቤ ማጻፋ 21:28

Intte, ‹Hayssa gita addaasoy awanee? Nagaranchchaza duussasoy awanee?› geeta.

ኢዮቤ ማጻፋ 29:25

Kase ta istti koyida mala ayssayskoshin; ba ola asa kaaleththiza kawo mala ta istta kaaleththadiskoshin; istti muuzottishin tani istta minththeththayssikoshin.

ኢዮቤ ማጻፋ 31:25

‹Taas diza aqoy darides; Tani dureteththafe dendidayssan daro miish demmadis› gaada ufayetta erikke.

ኢዮቤ ማጻፋ 31:37

Daannateththi diza asa mala Xoossa sinththan yayyontta eqqada ta ooththida ubbaa qonccisa yootanakkoshin.

ኢዮቤ ማጻፋ 42:10

Iyoobi ba heedzdzu laggetas woossidaappe guye Xoossi izi zaari durettana mala ooththides. Kase izas dizayssafe aaththidi dakko izas immides.

ኢዮቤ ማጻፋ 42:12

Xoossi Iyoobes wurseththa de7oza koyroyssafe aaththi anjjides. Hessa gishshas Iyoobes 14,000 dorsi, 6,000 gaamellati, 1,000 waaththa boorati, 1,000 macca hareti deettes.

ሌሚሶ ማጻፋ 10:22

GODAA anjjoy dure kessees; izi he dureteththan meto gujjenna.

ኤርማሳ ቲንቢቴ 49:28

Baabiloone kawo Nabukadanaxoorey oli xoonida Qeedaare kawoteththa gishshassinne Haxoore kawoteththa gishshas GODAY, «Dendidi Qeedaare olite! Arshey mokkiza baggara diza deraa dippi histtite.

ታይቦ ማጻፋ 23:7

Hessafe guye Balaamey haasaya doommidi, «Mo7aabe kawo Balaaqey arshey mokkiza baggara diza zumati diza Aaraameppe tana xeygi ehides; izi tana, ‹Haa yaada Isra7eele asaa taas doqqarkkii! Istti dhayana mala taas istta qanggarkkii!› gides.

ዳናታ ማጻፋ 6:3

Isra7eele asay kath zeriza wode ubbaan Midiyaame asay, Amaaleeqe asaynne arshey mokkiza baggara diza asay istta bolla worajji worajji meto gaththeettes.

ዳናታ ማጻፋ 6:5

Bantta mehetanne bantta dunkaaneta ekkidi booley yiza mala daridi yeettes; isttanne istta gaamellata qoodanaas dandayettenna; istta yuussayka biitta dhayssanaassa.

ዳናታ ማጻፋ 7:12

He wode boole mala corattida Midiyaame asay Amaaleeqe asaynne arshe kessa baggara diza asay ubbay shoobbaa giddon dunkaani uttides. Istta gaamellati abba doonan diza ace mala qoodappe daro.

ዳናታ ማጻፋ 8:10

Zebahaynne Xalmunay arshe kessa baggafe yida olanchchatappe attida 15,000 olanchchatara Qariqore geetettiza kataman deettes; hankko 120,000 gidiza ola massara oykkida olanchchati olan hayqqi wurida.

1ሳሜላ ማጻፋ 25:2

Ma7oone biittan Qarmeloosen aqotara diza issi dure asi dees; izas 1,000 deyshatinne iskey qanxxettiza 3,000 dorsati deettes.

1ሳሜላ ማጻፋ 27:9

Dawiti biittayo olida wode attumas gidiin maccas biittaa bolla ashshibeenna. Gido attiin dorsata, miizata, haretanne gaamellata hessaththoka may7otakka ekki Ankusekko simmi bides.