ዮሃኒሳ ሚሺራቾ 8:20 - Geeshsha Maxaafa

²⁰ Yesusi hessa isttas yootiday Xoossa Keeththa gibben miishshe woththiza saaxine achchan tamaarsishe yootides; gido attiin izas oykettiza wodey gakkontta gishshas oonikka iza oykkibeenna.

ጋሞ ማጻፋ

²⁰ ዬሱሲ ሄሳ ኢስታስ ዮቲዳይ ጾሳ ኬ ጊቤን ሚሼ ዎዛ ሳጺኔ ኣቻን ታማርሲሼ ዮቲዴስ፤ ጊዶ ኣቲን ኢዛስ ኦይኬቲዛ ዎዴይ ጋኮንታ ጊሻስ ኦኒካ ኢዛ ኦይኪቤና።

Gamo Geesha Maxxafa New Testamen

²⁰ Yesussay hessa isttas yootday Xoossa keethth gibben mishshe woththiza saxxine achchan tammarssishshe yootdes, shin izas oykeettza wodey gakontta gish oonnika iza oykiibeyna.

ዮሃኒሳ ሚሺራቾ 8:20 ပူးပေါင်းရင်းမြစ်များ

1ታሪኬ ማጻፋ 9:26

Penge naagiza zabeta halaqatappe oyddu Leweti Xoossa Keeththaa, iza giddon diza kifiletanne minjja keeththa aawateththan naageettes.

Maatosa 26:55

He wode Yesusi asaa, «Panga oykkiza asaththo mashshanne durqqa ekkidi tana oykkana yidetii? Wontiin wontiin Xoossa Keeththan uttada ta tamaarsishin kase oykkibeekketa shin.

Maatosa 27:6

Qeeseta halaqati biraa denththidi, «Suuththa waaga gidida gishshas Xoossa Keeththa miishshan gujjanaas bessenna» gida.

ማርቆሳ ሚሺራቾ 12:41

Yesusikka asay muxuwaata yeggizason uttidi daro asati immizayssa Xoossa Keeththa miishsha shiishshiza saaxinen yeggizayssa xeellides. Daro dureti daro miish yeggida.

ማርቆሳ ሚሺራቾ 12:43

Yesusi bana kaallizayta xeygidi, «Ta inttes tumu gays; saaxinezan yeggida ubbaafe hanna manqo am7eya aadheth yeggadus.

ሉቃሳ ሚሺራቾ 20:19

Xaafetinne qeeseta halaqati hessi leemisozi istta bolla haasayettidayssa eridi heerakka iza oykkanaas koyida shin derezas babbida.

ሉቃሳ ሚሺራቾ 21:1

Yesusi dhoqqu gi xeellishin dure asati Xoossa Keeththen muxuwaata izan shiishshizayssa giddon muxuwaata yeggishin be7ides.

ዮሃኒሳ ሚሺራቾ 10:39

Qasseka istti iza oykkanaas koyida shin izi istta kusheppe kessi ekki bides.

ዮሃኒሳ ሚሺራቾ 2:4

Yesusikka izo, «Aayee! Taas nenara aazi dizee? Ta wodey gakkibeenna» gides.

ዮሃኒሳ ሚሺራቾ 7:14

Ba7aalezi wurana bagga gakkishin Yesusi Xoossa Keeththe biidi tamaarso oykkides.

ዮሃኒሳ ሚሺራቾ 7:30

He wode iza oykkanaas koyida; gido attiin buro wodey gakkibeenna gishshas oonikka iza oykkibeenna.

ዮሃኒሳ ሚሺራቾ 7:44

Isttafe issi issi asati iza oykkana koyida; gido attiin oonikka iza oykkibeenna.

ዮሃኒሳ ሚሺራቾ 7:8

Ha7i intte ba7aalezaso biite; taas wodey gakkontta gishshas hayssa ha ba7aalezaso ta biikke» gides.

ዮሃኒሳ ሚሺራቾ 8:2

Wonteththa gallas maalado wonttara Xoossa Keeththe simmi yides. Dereykka wuri izakko yiin izi uttidi istta tamaarso oykkides.

ዮሃኒሳ ሚሺራቾ 8:59

Ayhudati heerakka iza caddanaas wuri shuch denththida; gido attiin Yesusi istta matappe qotettidi Xoossa Keeththafe kezi bides.