ዮሃኒሳ ሚሺራቾ 7:37 - Geeshsha Maxaafa

³⁷ Gita ba7aaleza wurseththa gallas Yesusi dendi eqqidi ba qaala dhoqqu histtidi, «Haath saamettidaadey diikko haa taakko yiidi uyo.

ጋሞ ማጻፋ

³⁷ ጊታ ባኣሌዛ ዉርሴ ጋላስ ዬሱሲ ዴንዲ ኤቂዲ ባ ቃላ ቁ ሂስቲዲ፥ «ሃ ሳሜቲዳዴይ ዲኮ ሃ ታኮ ዪዲ ኡዮ።

Gamo Geesha Maxxafa New Testamen

³⁷ Ba77eleeza wurithetha gita gaalas Yesussay dendidii eqqidne ba qaala dhoqu histtdii “hethth sammottda urray dikoo ha taakko yidi uuyoo.

ዮሃኒሳ ሚሺራቾ 7:37 ပူးပေါင်းရင်းမြစ်များ

ናሂሚያ ማጻፋ 8:18

Ba7aalezi doomettida gallassafe bi wurana gallas gakkanaas Izray Xoossa woga maxaafappe ubba wode gallas gallas issi issi kifile asaas nababides; Ba7aalezakka laappun gallas gakkanaas bonchchida; Osppunththo gallas wogazi azaziza mala ba7aaleza wurseththan moyzo ba7aale ooththida.

ዬ ማጻፋ 143:6

Tani ta kusheza neekko miccays; mela biittay haath koyza mala ta shemppoya nena saamettadus.

ዬ ማጻፋ 42:2

«Ta shemppoya tani baada Xoossa sinth beyanay awudeeshshaa?» gaada Xoossa, de7o Xoossa saamettadus.

ዬ ማጻፋ 63:1

Abeet Xoossawu! Neni ta Xoossa; ta nena wozinappe koyays; ta ashoykka nena amottees. Haaththi baynda mela biittay haath koyza mala ta asateththay nena saamettees.

ሌሚሶ ማጻፋ 1:20

Aadho erateththaya oge bolla de7ashe xeygawus; dubbushan ba qaala dhoqqu histtada waassawus.

ሌሚሶ ማጻፋ 8:1

Siyite! Aadho erateththaya ba qaala doqqu histta xeygekkee? Akeekaykka ba cenggurssaa dhoqqu histta sissekee?

ሌሚሶ ማጻፋ 8:17

Tana siiqizayta tani siiqays; minni koyzayti tana demmana.

ሌሚሶ ማጻፋ 8:3

Gimbeza lanqen katamata geliza pengen eqqada ba qaala dhoqqu histtada,

ሌሚሶ ማጻፋ 9:3

Histtada asaa xeyganaas ba macca aylleta kiittadus. Iza katamayppe dhoqqa soon eqqada xeygadus;

Siiqo Saba 5:1

«Taas siiqo michcho gidida ta mishirayee! Tani ta atakilte giddo geladis. Ta karbbenne ta shitto ciish maxadis; Eessa ukeththaa ililozara gaththa madis; Ta woyne ushshaa, ta maaththaa uyadis» gides. «Intteno siiqettizaytoo! Kallana gakkanaas miite; alana gakkanaaska uyite» gida.

ኢሳያሳ ቲንቢቴ 12:3

Paththiza ta pulttotappe haath ufayssan duuqqandeta.

ኢሳያሳ ቲንቢቴ 40:2

Yerusalaameskka shugo qaalara yootite; izis awajjite; iza aylleteththan ooththiza wodey wurides; izi nagara waagay cigettides; iza ba nagara ubbaa gishshas GODAAPPE nam7u kushe qixaate ekkadus» gees.

ኢሳያሳ ቲንቢቴ 40:6

Cenggurssi tana, «Waassa!» gides. Tanikka, «Ay ga waassoo?» gadis. Izikka, «Asi ubbay maata mala; iza bonchcho ubbayka demba ciishsha mala.

ኢሳያሳ ቲንቢቴ 44:3

Tani saamettida biittan haath gussana; mela biittankka shaafa gogisana. Tani ta Ayana ne zereththa bolla, ta anjjo nees naa naa bolla gussana.

ኢሳያሳ ቲንቢቴ 55:1

GODAY, «Intteno saamettidaytoo ubbayka haa yiite! Haaththaako haa yiite; Intteno miishshi bayndaytoo shammite; miite. Haa yiite; miishshi bayndanne qanxxontta woyne ushshinne maath shammite.

ኢሳያሳ ቲንቢቴ 55:3

Intte hayth doydi haa taakko shiiqite; intte shemppora paxa daana mala ta gizaa ezgi siyite; kase ta Dawitera caaqqida mino siiqon inttenarakka mernaa caaqo caaqettana.

ኢሳያሳ ቲንቢቴ 58:1

GODAY, «Ne qaalaa dhoqqu histta waassa; aykkoka ashshofa. Ne cenggurssa zaye mala sissa. Ta deraas istta makkallateththa, Yaaqoobe keeththa asaasikka istta nagaraa yoota.

ኤርማሳ ቲንቢቴ 16:19

Taas minoteththinne miixa gidada meto gallas ta shiiqa attizaso gidida GODAWU! Kawoteththati sa7a gaxaappe neekko yiidi, «Kase nu aawati bana aykkoka maaddontta eeqa xoossatas goynnida.

ኤርማሳ ቲንቢቴ 2:2

«Ba! Baada waassa; Yerusalaame asaa hayththan sissa; GODAY, ‹Neni naateteththan ay keena ammanettidaakko, qasse neni buro mishiran dashe tana ay keena siiqidaakko, zereththi zerettontta bazzo biittan ne wostta kaallidaakko ta akeekays.

ሂዚቄላ ቲንቢቴ 47:9

Ha shaafay goggidi biza sohon diza, shom7ushom7u giza medheteththati ubbay paxa daana; qasse he shaafay hee goggidi abba haaththaa ooraxissidi xillisiza gishshas, qoodan daro corattida moleti heen daana. Hessafe dendidayssan he shaafay goggizason dizay ubbay paxa daana.

ሌዌታ ማጻፋ 23:36

Laappun gallassatan issaan issaan GODAAS xuugettiza yarsho shiishshite; osppunththa gallas qasseka GODAA goynnanaas shiiqite; GODAAS xuugettiza kaththa yarsho yarshite; he gallassay intte shiiqoza wursiza gallas gidida gishshas he gallas aykkoka ooththofte.

ሌዌታ ማጻፋ 23:39

«Intte kath shiishshidaappe guye laappunththa aginay gelida tammanne ichchashanththa gallas koyrora hayssa ufayssa ba7aaleza GODAA sinththan laappun gallas gakkanaas bonchchite; koyro gallassinne osppunththa gallassay inttes dumma shemppo gallas gido.

ሚኪያሳ ቲንቢቴ 6:9

Xoossas baboy aadhdhida erateththa; Siyite! Xoossi katamayo hizgi xeygees, «Iza hanqo guufeza qopite; hessaka giigsiday oonakko wozinan woththite.»

ዛካራሳ ቲንቢቴ 9:15

Ubbaafe Wolqqama GODAY isttas gondalle gidana; istti ba morkketa ubbaa dhayssana; istti yanbarshan olizayta yedhdhana; istti woyne ushshu uyida asa mala waassana; yarsho suuththi kere kumi yarshosoho bolla gukkiza mala istta morkketa suuththika gukkana.

ታይቦ ማጻፋ 29:35

« ‹Osppunththa gallas issi bolla goynnanaas shiiqite; he gallas ay oosokka ooththofte.

Maatosa 11:28

«Toohoy deexxidaytoo, daaburdaytoo, intte wurikka taakko haa yiite; tanikka inttes shempo immana.

Maatosa 3:3

«Godaa oge ooththite; wogga ogezakka lo7eththite gishe bazzo biittan waassiza qaala» geetettidi kase nabe Isayaasan yootettidayssi Yohannisa gishshassa.

Maatosa 5:6

Xilloteth gafizaytinne saamettizayti anjjettidayta; ays giikko istti kallana.

ዮሃኒሳ ሚሺራቾ 1:23

Izikka, «Nabe Isayaasi yootida mala tani, ‹Xoossa oge suurisite› gishe bazzo biittan waassizaade qaala giirissa» gides.

ዮሃኒሳ ሚሺራቾ 14:6

Yesusikka izas, «Ogeynne, tumay, de7oykka tana; ta baggara gidikkofe attiin oonikka Aawaakko baana asi deenna.

ዮሃኒሳ ሚሺራቾ 4:10

Yesusikka izis, «Xoossa imotaynne nena, ‹Tana haaththe ushsha› gizaadey izi oonakkonne ne erizaakko ne iza woossanaas bessees. Izikka nees de7o haaththe immanakkoshin» gides.

ዮሃኒሳ ሚሺራቾ 4:11

Izakka izas, «Godoo! Nees haaththe duuqqiza miishshi deenna; haaththaa ollayka daro ciimma; histtiin ne de7o haath awappe demmanee?

ዮሃኒሳ ሚሺራቾ 4:14

Ta immiza haaththe uyizaadey gidikko mernaas mulekka saamettenna; gaasoykka ta immiza haath uyizaades mernaa de7os pulttiza pultto haaththe gidana» gides.

ዮሃኒሳ ሚሺራቾ 5:40

Gido attiin intte de7o demmanaas taakko ha yaana koyekketa.

ዮሃኒሳ ሚሺራቾ 6:35

Yesusikka isttas, «De7o qumay tana; taakko yiza asi mulekka gafettenna; tana ammanizaadey aydekka saamettenna.

ዮሃኒሳ ሚሺራቾ 6:37

Ta Aaway taas immizay wurikka taakko yaana; taakko yizaade ta kare gooddike.

ዮሃኒሳ ሚሺራቾ 6:55

Gaasoykka ta ashoy tumu quma; ta suuththika tumu ushsha.

ዮሃኒሳ ሚሺራቾ 7:28

Hessa gishshas Yesusi Xoossa Keeththan tamaarsishe ba qaala dhoqqu histtidi, «Intte tana tumu ereeta; ta awappe yidaakko intte ereeta. Qasse tani ta shenen yabeekke; tana kiittidayssi izi tumanchcha; gido attiin intte qasse iza erekketa.

1ቆሮንቶሴ ኣሳስ 10:21

Xala7e ushshinne Godaa ushshu intte issife gaththi uyana dandayekketa; Godaa maaddafenne Xala7e maaddafe gaththi maana dandayekketa.

1ቆሮንቶሴ ኣሳስ 10:4

Wurikka issi ayana ushshu uyida; istti uyidaykka bana kaalliza ayana zaallafe pulttidayssafe; he zaallayka Kirstoosa.

1ቆሮንቶሴ ኣሳስ 11:25

Hessaththoka kawoppe guye ushshaa denththidi, «Hayssi ushshay ta suuththan haniza ooraththa caaqo; hessa gishshas ushshaafe intte uyiza wode hayssa tana qoppana mala ooththite» gides.

1ቆሮንቶሴ ኣሳስ 12:13

Ayhuda asata gidiinkka Girike asata gidiinkka, aylle gidiinkka woykko goqa asata gidiinkka nu wurikka issino gidanaas issi Ayanan xammaqettidos; nu wurikka ha issi Ayanappe uyidos.

ኤፌሶኔ ኣሳስ 5:18

Ayanay kumidayta gidite attiin maththosiza ushshan maththottofte; hessi coo mela miishsha laaleththa.

ዮሃኒሳ ኣጁታ 21:6

Hessafe guye taas, «Polettides! Alfaynne Oomegay; Koyroynne Wurseththi tana; saamettidaades tani de7o pultto haath miishshe qanxxisontta izas coo mela immana.

ዮሃኒሳ ኣጁታ 22:1

Hessafe guye he kiitanchchazi Xoossa algafenne Dorsaza algaafe keziza mastoote mala xillo qizhzhi gida de7o haaththa shaafa tana bessides.

ዮሃኒሳ ኣጁታ 22:17

Xillo Ayanaynne iza mishiraya, «Haa ya!» geettes; hessa siyizaadeyka, «Ne haa ya!» go. Saamettidaadeyka haa yo; koyidaadey de7o haaththe aykko waagakka qanxxontta coo mela uyo.