ዮሃኒሳ ሚሺራቾ 5:39 - Geeshsha Maxaafa

³⁹ Inttes Geeshsha Maxaafatappe mernaa de7o demmanaas misatiin maxaafata pilggeeta; maxaafatikka ta gishshas markkatteettes.

ጋሞ ማጻፋ

³⁹ ኢንቴስ ጌሻ ማጻፋታፔ ሜርና ዴኦ ዴማናስ ሚሳቲን ማጻፋታ ፒልጌታ፤ ማጻፋቲካ ታ ጊሻስ ማርካቴቴስ።

Gamo Geesha Maxxafa New Testamen

³⁹ Intes geesha Maxxaafatape medhina deyoo demanas milatin maxaxafata piqqilista, maxxaafatikka ta gish markkatetes.

ዮሃኒሳ ሚሺራቾ 5:39 ပူးပေါင်းရင်းမြစ်များ

ዬ ማጻፋ 1:2

Hessa mala asi GODAA wogan ufayettees; iza wogaa gallassinne qamma qoppees.

ዬ ማጻፋ 119:11

Tani ne bolla nagara ooththontta mala ne qaala ta wozinan qottadis.

ዬ ማጻፋ 133:3

Qasseka Hermoone zumatappe duge Xiyoone Zumbullata bolla xokkiza xaaza mala; GODAY hessan anjjonne de7o mernaas azazides.

ዬ ማጻፋ 16:11

Neni tana de7o oge bessaasa; ne matan kumeththa ufayssi, nees ushachchan mernaa ufayssi dees.

ዬ ማጻፋ 21:4

Neni de7o izas immana mala nena woossides; nekka izas de7onne adussa layth immadasa.

ዬ ማጻፋ 36:9

Ays giikko de7o pulttoy ne achchan dees; ne poo7on nuni poo7o be7oos.

ሌሚሶ ማጻፋ 6:23

Ays giikko ha azazoti nees xomppe; timirtetikka poo7o; qasse seeraykka de7okko efiza oge.

ኢሳያሳ ቲንቢቴ 34:16

GODAA maxaafan xeellite; nababite. Haytappe issoyka paccenna; issoy issoy baas waaththa lagge dhayenna; hayssi ha azazozi iza doonappe kezides; iza ayanay istta issi bolla shiishshana.

ኢሳያሳ ቲንቢቴ 8:20

Wogaakkonne markkateththa qaalaakko biite! Istti hayssa mala qaala inttes yootontta aggiko wontta poo7oy isttas poo7enna.

ኤርማሳ ቲንቢቴ 8:9

Aadho eranchchati yeellatana; istti kawuyananne woximaden oykettana. GODAA qaalara istti eqettichchiin isttas aaza erateththi dizee?

ዳኔላ ቲንቢቴ 12:2

Istti hayqqiin biittay midayti wurikka dendana; istta garsafe baggayti mernaa de7os, baggayti mernaa kawushshassinne waayes dendana.

Maatosa 22:29

Yesusikka isttas zaaridi, «Geeshsha Maxaafatanne Xoossa wolqqa intte erontta gishshas baletteeta.

ማርቆሳ ሚሺራቾ 10:3

Izikka isttas, «Musey inttena ay gi azazidee?» giidi zaari oychchides.

ማርቆሳ ሚሺራቾ 12:10

Geeshsha Maxaafan, ‹Shuchcha keeththe keexxizayti hanenna giidi wora yeggida shuchchay keeththa gulas bolla hu7e gidides; hessaka Goday ooththides. Hessika nu ayfes malalisizaaz geetettidi xaafettidayssa nababibeekketii?› » gides.

ሉቃሳ ሚሺራቾ 16:29

«Abrahaamey izas zaaridi, ‹Museynne nabeti heen istta achchan diza gishshas isttafe siyetto› gides.

ሉቃሳ ሚሺራቾ 16:31

«Abrahaameykka zaaridi, ‹Museynne nabeti gizayssa siyontta ixxiko hayqqida asaappe issaadey dendidaakkoka istti ammanettenna› » gides.

ሉቃሳ ሚሺራቾ 24:25

Izikka isttas, «Intteno wozinan woththonttaytoo! Intte wozinay kase nabeti yootidayssa ammananaappe takkidaytoo!

ሉቃሳ ሚሺራቾ 24:27

Museppenne nabetappe doommidi Geeshsha Maxaafatan iza gishshas xaafettidayssa isttas lo7eththi yootides.

ሉቃሳ ሚሺራቾ 24:44

Izikka, «Inttenara ta diza wode, ‹Muse wogan nabetaninne yeththa Maxaafatan ta gishshas xaafettidayssi wurikka polettanaas bessees› gaada ta inttes yootida ta qaalay hayssako» gides.

ዮሃኒሳ ሚሺራቾ 1:45

Piliphoosi Natina7eele demmidi, «Musey woga maxaafan qasse nabetikka buroppe hananayssa yootiza ba maxaafatan iza gishshas xaafida addeza nu demmidos. Izikka Yooseefe naa Naazirete Yesusaakko!» gides.

ዮሃኒሳ ሚሺራቾ 5:32

Gido attiin ta gishshas markkattizaadey haray dees; izikka ta gishshas markkattizaade markkateththay tumu gididayssa ta erays.

ዮሃኒሳ ሚሺራቾ 5:36

Taas gidikko Yohannisa markkateththafe aadhdhiza markkay dees. Ta markkayka ta Aaway taas immida ooso. Hessika ta ooththiza oosoy ta Aaway tana kiittidayssa taas markkattees.

ዮሃኒሳ ሚሺራቾ 5:40

Gido attiin intte de7o demmanaas taakko ha yaana koyekketa.

ዮሃኒሳ ሚሺራቾ 5:46

Musey ta gishshas xaafidayssa ammanidaakko intte tana ammanana.

ዮሃኒሳ ሚሺራቾ 7:52

Isttika, «Nekka Galila asee? Galilappe nabey dendonttayssa pilggada gakka era» gida.

ሃዋሬታ ኦሶ 13:27

Yerusalaame asatinne istta halaqati Yesusa eribeettenna; gido attiin istti iza bolla pirdida; hessankka sambatan sambatan nababettiza kase nabeta qaalay iza bolla polettides.

ሃዋሬታ ኦሶ 17:11

Beeriya asay Tasolonqe asaappe aadhdhidi akeekara diza asa. Gaasoykka hayssi yo7ozi tumeesha? gi giidi Geeshsha Maxaafata qaalaa wontiin wontiin pilggi xeellidi ufayssan ekkides.

ሃዋሬታ ኦሶ 26:27

Kawo Agirphaa! Nabeta ammanaasa gidikkii? Ne ammanizayssa ta erays» gi zaarides.

ኦሮሜ ኣሳስ 1:2

He mishiraachcho qaalaa gishshas kase nabeta baggara Geeshsha Maxaafatan ufayssi imettides.

ኦሮሜ ኣሳስ 3:2

Awarakka gidiin go7ay daro; harappe koyro Xoossa qaalay hadara Ayhudatas imettides.

ዛሬ ማጻፋ 18:15

GODAA intte Xoossay intte zareppe ta mala nabe denththana; intte izi inttes yootizayssa siyidi azazettite.

ዛሬ ማጻፋ 18:18

Tani istta zareta giddofe isttas ne mala nabe denththana; izi haasayana qaala ta izas immana; ta azazizayssa ubbaa izi inttes yootana.

ዛሬ ማጻፋ 29:29

Xuura yo7oti GODAA nu Xoossassa; gido attiin nuni ha woga qaalaa naagana mala qonccida yo7oti mernaas nuussinne nu naytassa.

ዛሬ ማጻፋ 32:47

Ha qaalay inttes de7oppe attiin coo mela qaalaa gidenna; ha qaala naagikko intte Yordaanoose pinnidi laattana biittankka adussa layth intte de7ana» gides.

ቆላሲያሴ ኣሳስ 3:16

Kirstoosa qaalay inttenan kumeth gido; intte intte garsan aadho erateththan tamaartenne zorettite; mazamureninne saban Ayana yeththan galatara gaththi intte wozinara Xoossas yexxite.

Ibirawe 11:16

Ha7i hessafe aadhdhiza pude salon diza dere laamoteettes; hessa gishshas Xoossi isttas salon katama giigsida gishshas, «Istta Xoossaa» geetetti xeygettanaas yeellatibeenna.

Ibirawe 11:35

maccassatas hayqqidayti paxida; baggayti qasse hessafe aadhdhiza hayqoppe denth demmanaas giidi hayqoppe ateth leqqidi hayqos bana aaththi immida; waayeppe attanaas koyibeettenna.

ኢያሶ ማጻፋ 1:8

Hayssi woga Maxaafay ne doonappe shaakettofo; iza giddon dizayssa ne lo7eththa naagettada polana mala gallas gidiin omars zaara zaara qoppa; ne hessaththo ooththiko ne qoppida ubbay nees suurananne hanana.

ዮሃኒሳ ኣጁታ 19:10

Tanikka he kiitanchchazas goynnanaas iza toho bolla ta gufannadis shin izi tana, «Agga! Hessaththo ooththofa! Tanikka nenara Yesus Kirstoosa markkateth oykkida ishatara issife ooththizaade; neni Xoossas goynna! Yesusa markkay tinbite Ayana» gides.