ዮሃኒሳ ሚሺራቾ 20:17 - Geeshsha Maxaafa

¹⁷ Yesusi qasse, «Ta buro pude ta Aawaakko kezabeekke; tana bochchofa; gido attiin ne ha7i ta ishataakko baada, ‹Tani ta Aawakkonne intte Aawaakko, ta Xoossaakonne intte Xoossaako kezana gides› gaada isttas yoota» gides.

ጋሞ ማጻፋ

¹⁷ ዬሱሲ ቃሴ፥ «ታ ቡሮ ፑዴ ታ ኣዋኮ ኬዛቤኬ፤ ታና ቦቾፋ፤ ጊዶ ኣቲን ኔ ሃኢ ታ ኢሻታኮ ባዳ፥ ‹ታኒ ታ ኣዋኮኔ ኢንቴ ኣዋኮ፥ ታ ጾሳኮኔ ኢንቴ ጾሳኮ ኬዛና ጊዴስ› ጋዳ ኢስታስ ዮታ» ጊዴስ።

Gamo Geesha Maxxafa New Testamen

¹⁷ Yesussay qass “Ta buroo pude ta aawako kezzabeykke tana oykoofa, gido attin ne ha7i ta ishatakko bada “Ta ta aawakone inte aawako, ta xoossakone inte xoossako kezana gides gada isttas yoota” gides.

ዮሃኒሳ ሚሺራቾ 20:17 ပူးပေါင်းရင်းမြစ်များ

2ካዎታ ማጻፋ 4:29

Elssa7i Giyaazes, «Histtiko neni ne gith minththa gixxada hayssa ta guufeza ekkada woxxa; oge bolla ase demmikokka sarokkofa; oonikka nena saro giikko zaara sarokkofa; hayssa ta guufeza efada naaza sinththan woththa» gides.

2ካዎታ ማጻፋ 7:9

Istti bantta garsan issoy issaa, «Hayssi nu ooththidayssi lo7o gidenna; hayssi gallassay mishiraachcho yootiza gallassa; nuni gidikko nuus xalla histtidos. Hayssafe wonttana gakkanaas nu co7u giikko nu mooranchcha gidoos; hessa gishshas ane kawoso eeson biidi hayssa yootoos» gida.

ዬ ማጻፋ 22:22

Tani ne sunththa ta ishatas yootana; istti shiiqidasonkka ta nena galatana.

ዬ ማጻፋ 43:4

He wode tani tana ufayssiza Xoossako baana; nees yarsho yarshizasoza baada nees goynnana; Abeet Godaa ta Xoossawu! Tani diiththan nena sabbana.

ዬ ማጻፋ 48:14

Intte, «Meri mernaas ha Xoossay nu Xoossa; nu hayqqana gakkanaas izi nuna kaaleththana» giidi yootite.

ዬ ማጻፋ 68:18

GODAWU! Di7o ekkada pude ne duussas kezadasa; asa ubbaafe imota ekkadasa; haray attoshin makkallanchchatappeka ekkadasa;

ዬ ማጻፋ 89:26

Dawiti tana, ‹Neni ta aawaa; ta Xoossanne tana ashshiza wogga zaalla› gi xeygana.

ኢሳያሳ ቲንቢቴ 41:10

Tani nenara diza gishshas yayyofa; tani ne Xoossa gidida gishshas dagammofa. Tani nena minththananne maaddana. Ta xilloteththa ushachcha kushen zemppisa oykkana.

ኤርማሳ ቲንቢቴ 31:33

«Gido attiin tani GODAY he wodeppe guye Isra7eele deraara ta caaqettana caaqoy hayssa; tani ta woga istta wozinan xaafa woththana; tanikka isttas Xoossa gidana; isttika ta dere gidana.

ኤርማሳ ቲንቢቴ 32:38

Istti ta dere gidana; tanikka istta Xoos gidana.

ሂዚቄላ ቲንቢቴ 36:28

Tani kase intte aawatas immida biittan intte daana; intte ta dere gidana; tanikka intte Xoossaa gidana.

ሂዚቄላ ቲንቢቴ 37:27

Ta duussasoy isttakon gidana; ta istta Xoossa gidana; isttika ta dere gidana.

Maatosa 12:50

Salon diza ta Aawa shene ooththizayti wurikka taas isha, michchonne aayo» gides.

Maatosa 25:40

Kawoykka zaaridi, ‹Ta inttes tumu gays; hayta laafa gidida ta ishatappe issaades ooththidayssi intte taas ooththida mala› gaana.

Maatosa 28:7

Ha7ikka eleli biidi iza kaallizaytas, ‹Hayqoppe dendides. Inttefe kasetidi Galila bees; intte iza heen demmana› giidi yootite. Hi7a ta inttes yootadis» gides.

ማርቆሳ ሚሺራቾ 12:26

Hayqqidayta denththa gishshas gidikko Muse maxaafan hessika qeeri wora giddon eexxiza tama giddofe Xoossi, ‹Tani Abrahaame Xoossaa; Yisaaqa Xoossaa; Yaaqoobe Xoossaa› gizayssa nababibeekketii?

ማርቆሳ ሚሺራቾ 16:19

Godaa Yesusi hessa yootidaappe guye pude salo dendi biidi Xoossa ushachchan uttides.

ሉቃሳ ሚሺራቾ 10:4

Korojo woykko qaraxiite woykko caamma ekkofte; oge bolla oonakka saro goopite.

ዮሃኒሳ ሚሺራቾ 13:1

He wodeykka Ayhudata Paaziga ba7aaleppe kase Yesusi hayssa alameza yeddidi ba Aawaakko baana saatey gakkidayssa erides; hayssa alamezan diza ba baggata ubbaa siiqides. Wurseththi gakkanaaska dosides.

ዮሃኒሳ ሚሺራቾ 13:3

Yesusi Aaway izas godateth wursi immidayssanne izi Xoossa achchafe kezidi yidayssa, qasse simmidi Xoossako baanayssa erees.

ዮሃኒሳ ሚሺራቾ 14:2

Ta Aawaa achchan daro duussasoy dees; hessa gidonttaakko, ‹Inttes daanaso giigsanaas ta baana› gaana shin.

ዮሃኒሳ ሚሺራቾ 14:28

« ‹Ta baana; baadakka intteko simma yaana› gaada ta inttes kase yootidayssa siyideta; intte tana dosizaakko tani ta Aawaakko bizayssi inttena ufayssanakkoshin. Gaasoykka Aaway taappe aadhdhees.

ዮሃኒሳ ሚሺራቾ 14:6

Yesusikka izas, «Ogeynne, tumay, de7oykka tana; ta baggara gidikkofe attiin oonikka Aawaakko baana asi deenna.

ዮሃኒሳ ሚሺራቾ 16:28

Tani Aawaa achchafe kezada hayssa ha alame yadissinne qasseka ha alameza aggada Aawaakko simma baana» gides.

ዮሃኒሳ ሚሺራቾ 17:11

Hayssafe guye tani hayssa alame bolla diikke; istti gidikko ha alameza bolla deettes; ha7i ta neekko bays; ta Aawa Geeshshazoo! Hayta ne taas immidayta istti nu mala ba giddon issino gidana mala ne taas immida ne sunththaan istta naaga.

ዮሃኒሳ ሚሺራቾ 17:25

Xillo gidida ta Aawawu! Nena alamey eribeenna; ta gidikko nena erays; haytikka ne tana kiittidayssa erida.

ዮሃኒሳ ሚሺራቾ 17:5

Ta Aawawu! Alamey medhettanaappe kase taas nenara diza bonchchon ha7ikka tana ne achchan bonchcharkkii!

ዮሃኒሳ ሚሺራቾ 20:27

Hessafe guye Toomaasa, «Ne biradhdhe haa ehada ta kusheta beya. Ne kushe haa ehada ta millen gelththa ammana attiin ammanonttaade gidoppa» gides.

ዮሃኒሳ ሚሺራቾ 7:33

He wode Yesusi, «Ta inttenara guuththa wode daashshana; hessafe guye tana kiittidayssako ta simma baana.

ኦሮሜ ኣሳስ 8:29

Xoossi kaseppe ba erizayta istti iza naaza misatana mala kasekka doori woththides; hessika daro ba ishata giddofe izi bayra gidanaassa.

2ቆሮንቶሴ ኣሳስ 6:18

Ta inttes Aawa gidana; intteka taas attuma naytanne macca nayta gidandeta» gees Ubbaa dandayza Goday.

ጋላቲያ ኣሳስ 3:26

Intte wurikka Yesus Kirstoosa ammanon Xoossa nayta.

Ibirawe 11:16

Ha7i hessafe aadhdhiza pude salon diza dere laamoteettes; hessa gishshas Xoossi isttas salon katama giigsida gishshas, «Istta Xoossaa» geetetti xeygettanaas yeellatibeenna.

Ibirawe 8:10

«Hessafe guye Isra7eele asaara ta caaqettana qaalay hayssa mala gees Goday. Tani ta wogaa istta wozinan woththana; istta wozina bollaka xaafana. Ta istta Xoos gidana; isttika ta dere gidana.

1ጴጽሮሳ ኪታ 1:3

Yesus Kirstoosi hayqoppe dendida gishshas nuus de7o gidida hidota immidayssi ba gita maaroteththan nuna baas ooraththa nayta histtida nu Godaa Yesus Kirstoosa Aaway Xoossi galatetto.

1ዮሃኒሳ ኪታ 3:2

Ta ishatoo! Nuni ha7i Xoossa nayta; buro nu ay hananaakko ha7i qonccibeenna; Kirstoosi qoncciza wode nu iza beyanayssanne izakka misatanayssa nu eroos.

ዮሃኒሳ ኣጁታ 21:3

Algazappe, «Hekko Xoossa aqosoy asara dees; izi isttara daana; isttika iza dereta gidana; Xoossi ba bonchchon isttara issife gidana; izi istta Xoos gidana.

ዮሃኒሳ ኣጁታ 21:7

Xoonidaadey hayssa laattana; tanikka izaades Xoos gidana; izikka taas naa gidana.