ዮሃኒሳ ሚሺራቾ 17:3 - Geeshsha Maxaafa

³ Mernaa de7oykka ne xalla tumu Xoossanne ne kiittida Yesus Kirstoosa ero guussa.

ጋሞ ማጻፋ

³ ሜርና ዴኦይካ ኔ ጻላ ቱሙ ጾሳኔ ኔ ኪቲዳ ዬሱስ ኪርስቶሳ ኤሮ ጉሳ።

Gamo Geesha Maxxafa New Testamen

³ Medhdhina deyooyka ne xalala tumu xoossu ne kiittda Yesuss Kiristtoosa erro guusa.

ዮሃኒሳ ሚሺራቾ 17:3 ပူးပေါင်းရင်းမြစ်များ

1ታሪኬ ማጻፋ 28:9

«Ta naa Solomoone, ne aawaa Xoossaa era! Neni kumeththa wozinaninne lo7o qofan izas ooththa; GODAY wozina ubbaa pilggi xeellees; giddo qofa ubbaa izi erees; neni iza koykko izi nees beettana; gido attiin ne iza aggizaa gidikko izikka nena mernaas aggaagana.

2ታሪኬ ማጻፋ 15:3

Isra7eele asay tumu Xoossi, tamaarsi qeeseynne wogay baynda daro wode de7ides.

ዬ ማጻፋ 9:10

Ne sunththa erizayti nenan ammanetteettes; ays giikko GODAWU! Neni nena koyzayta yegga aggabeekka.

ሌሚሶ ማጻፋ 8:35

Tana demmiday de7o demmees; GODAAPPE izi saba demmees.

ኢሳያሳ ቲንቢቴ 48:16

«Taakko haa shiiqidi hayssa siyite; tani koyroppe doommadakka geeman haasayabeekke; izi polettishin ta heen days» gees. Ha7ikka Ubbaa Haariza GODAYNNE iza Ayanay tana kiittida.

ኢሳያሳ ቲንቢቴ 53:11

Iza shemppoy waayettidaappe guye izi de7o poo7o be7ananne ufayettana. Ta xillo ayllezi ba erateththan darota xillisana; istta moorokka tookkana.

ኢሳያሳ ቲንቢቴ 61:1

Ubbaa Haariza GODAA Ayanay ta bolla dees; hiyeesatas mishiraachcho yootana mala, GODAY tana tiydes. Izi tana wozinay meqqidayta koolana mala, di7ettidayta la7a kessana mala, qashettidaytas birsheth awajjana mala kiittides.

ኤርማሳ ቲንቢቴ 10:10

Gido attiin GODAY tumu Xoossa; izi de7o Xoossanne mernaa Kawo. Izi hanqettiza wode biittay qaaxxees; kawoteththatikka iza yiillo dandayettenna.

ሆሴኤ ቲንቢቴ 6:3

Ane nuni GODAA eroos! Nu iza lo7eththi eranaas ane minettoos! Izi wontta poo7o mala nuus qonccana; biitta kalssiza assura ira malanne balgo ira mala izi nuukko yaana» gees.

ማርቆሳ ሚሺራቾ 9:37

«Hayta guuththa naytappe issaade ta sunththan mokki ekkizaadey tanakka mokki ekkees; tana mokki ekkizaadey wuri tana xalala gidontta tana kiittidayssaka mokki ekkees» gides.

ሉቃሳ ሚሺራቾ 9:48

«Ha guuththa naaza ta sunththan ekkizaadey oonikka diikko tana ekkees; tana ekkizaadeyka tana kiittidayssa ekkees; inttefe ubbatappe guuxxizaadey izi ubbaafe aadhdhees» gides.

ዮሃኒሳ ሚሺራቾ 10:36

histtiin, ‹Ta Xoossa naa› gida gishshas Aaway ba shaakki dummasidayssanne haa duge alame kiittidayssa intte, ‹Ne cayadasa› giidi tana wordora aazas mooteetii?

ዮሃኒሳ ሚሺራቾ 11:42

Ne ubba gallas ta gizaaz siyizayssa ta erays; gido attiin ta hessa giday hayssan eqqida asati ne tana kiittidayssa ammanana malassa» gides.

ዮሃኒሳ ሚሺራቾ 14:26

Aaway ta sunththan yeddana minththeththiza Xillo Ayanay qasse haniza ubbaa inttena tamaarsana; ta inttes yootoyssaka ubbaa intte wozinan woththana mala maaddana.

ዮሃኒሳ ሚሺራቾ 17:18

Ne tana ha alame kiittoyssaththo tanikka istta alame bolla kiittadis.

ዮሃኒሳ ሚሺራቾ 17:21

Ta woossizay istti wurikka issino gidana malassa. Ta Aawawu! Qasseka ne tanan diza mala isttika nunan gidana malanne ne tana kiittidayssa ha alamey ammanana mala ta nena woossays.

ዮሃኒሳ ሚሺራቾ 17:23

Ta nena woossizay ta isttan; nekka tanan gidida mala isttika kumeth issino gidana malassa. Qasseka neni tana kiittida malanne tana ne siiqida mala isttaka ne siiqidayssa alame asay eranaassa.

ዮሃኒሳ ሚሺራቾ 17:25

Xillo gidida ta Aawawu! Nena alamey eribeenna; ta gidikko nena erays; haytikka ne tana kiittidayssa erida.

ዮሃኒሳ ሚሺራቾ 17:8

Ne taas immida qaalatakka ta isttas immadis; isttika ekkida; ta ne achchafe yidayssa istti tumappe erida; ne tana kiittidayssaka istti ammanida.

ዮሃኒሳ ሚሺራቾ 3:17

Xoossi ba naaza duge alame kiittiday alame asay izan ammanidi attana malassa attiin izi alame asaa bolla pirdanaas gidenna.

ዮሃኒሳ ሚሺራቾ 3:34

Xoossi kiittidaadey Xoossa qaala yootees. Xoossika izaades ba Ayana makki immenna.

ዮሃኒሳ ሚሺራቾ 5:44

Intte intte giddon issoy issaafe bonchcho koyzaytoo! Issi Xoossafe beettiza bonchcho koyonttayto intte waanidi tana ammanana dandayeetii?

ዮሃኒሳ ሚሺራቾ 6:57

De7o Aaway tana kiittida malanne tanikka izan de7on diza mala hessaththoka ta asho mizaadey wuri tanan de7on daana.

ዮሃኒሳ ሚሺራቾ 7:29

Ta gidikko iza achchafe yida gishshassinne izi tana kiittida gishshas ta iza erays» gides.

ዮሃኒሳ ሚሺራቾ 8:19

Isttika, «Ne Aaway awan dizee?» giidi iza oychchida. Yesusikka isttas, «Tana gidiin ta aawaakka gidiin intte erekketa; intte tana erizaakko ta Aawaakka eranakkoshin» giidi isttas zaarides.

1ቆሮንቶሴ ኣሳስ 15:34

Wozinama gidite; nagara ooththofte; Xoos eronttayti issi issi asati intte garsan diza gishshas ta hessa inttena yeellachchanaas gays.

1ቆሮንቶሴ ኣሳስ 8:4

Hessa gishshas eeqas yarshettida asho muussa gishshas ta inttes gizay hayssa alamezan eeqay hada gididayssanne issi Xoossaafe attiin hara Xoossi bayndayssa nu eroos.

2ቆሮንቶሴ ኣሳስ 4:6

Kirstoosa sinththan Xoossi ba bonchcho erateththa poo7o nuus immanaas, «Poo7oy dhuman poo7o» gida Xoossi ba poo7o nu wozinan poo7isides.

ፒሊጲሲዮሴ ኣሳስ 3:10

Kirstoosanne izi hayqqi dendida denththaa wolqqa ta erana mala iza waayekka ta izara gishettana malanne hayqonkka ta iza misatana mala amottays.

ፒሊጲሲዮሴ ኣሳስ 3:8

Hessafekka ta Godaa Yesus Kirstoosa eroppe aadhdhizay haray aykkoyka bayndayssa ta ammaniza gishshas ubbaaka go7ay baynda miishsha mala qoodadis; tani iza gishshas gaada ubbaaka aggadis; ta Kirstoosa demmana gaada ubba miishshaakka wora wodhdhida iita miishsha mala qoodadis.

1ታሶሎንቄ ኣሳስ 1:9

Intte nuna wostti mokki ekkidaakkonne de7on diza tumu Xoossaas ooththanaas intte eeqatappe Xoossaako waani simmidaakko asay intte gishshas haasayees.

2ታሶሎንቄ ኣሳስ 1:8

He wode Xoos erontta asatanne Godaa Yesus Kirstoosa Mishiraachcho qaalaas azazettontta asata bolla izi ba halo kessana.

Ibirawe 3:1

Hessa gishshas saloppe xeyssi inttena gakkiin ammaniza nu ishatoo! Nu ammanos Hawaarenne qeeseta halaqa gidida Yesusa qopite.

2ጴጽሮሳ ኪታ 1:2

Xoossaanne nu Godaa Yesusa eron kiyateththinne saroy inttes gido.

2ጴጽሮሳ ኪታ 1:3

Ba bonchchoninne ba kiyateththan nuna xeygidayssa nuni iza erida gishshas iza Xoossateththaa wolqqay de7ossinne Xoos goynnanaas nuus koshshizaaz ubbaa immides.

2ጴጽሮሳ ኪታ 1:8

Hayti inttes dari dizaaz gidikko heyti inttena intte Godaa Yesus Kirstoosa eron go7aynne ayfey bayndayta gidontta mala naagana.

1ዮሃኒሳ ኪታ 1:2

De7oykka qonccides; nunikka nu ayfera be7idi markkattoos. Izas iza Aawaa achchan dizayssanne nuuska qonccida mernaa de7o gishshas nu inttes yootoos.

1ዮሃኒሳ ኪታ 1:3

Intteska nunara issifeteththi daana mala nuni be7idayssanne siyidayssa inttes yootoos; nu issifeteththayka Aawaranne iza Naa Yesus Kirstoosara.

1ዮሃኒሳ ኪታ 2:23

Naaza kaddizaades oonaska Aaway deenna; Naaza ekkizaades ubbaas izas Aaway dees.

1ዮሃኒሳ ኪታ 4:6

Nuni gidikko Xoossa bagga; Xoos erizay nu gizayssa siyanashin Xoossa bagga gidonttaadey gidikko nu gizayssa siyenna. Tumu Ayananne wordo ayana nu shaakki erizay hayssanna.

1ዮሃኒሳ ኪታ 5:20

Xoossa Nay yidayssanne nuni tuma Xoossaa erana mala akeeka izi nuus immidayssa nu eroos; nunikka tumu gidida iza Naaza Yesus Kirstoosan doos; Izikka tumu Xoossanne mernaa de7o.