ዮሃኒሳ ሚሺራቾ 17:21 - Geeshsha Maxaafa

²¹ Ta woossizay istti wurikka issino gidana malassa. Ta Aawawu! Qasseka ne tanan diza mala isttika nunan gidana malanne ne tana kiittidayssa ha alamey ammanana mala ta nena woossays.

ጋሞ ማጻፋ

²¹ ታ ዎሲዛይ ኢስቲ ዉሪካ ኢሲኖ ጊዳና ማላሳ። ታ ኣዋዉ! ቃሴካ ኔ ታናን ዲዛ ማላ ኢስቲካ ኑናን ጊዳና ማላኔ ኔ ታና ኪቲዳይሳ ሃ ኣላሜይ ኣማናና ማላ ታ ኔና ዎሳይስ።

Gamo Geesha Maxxafa New Testamen

²¹ Ta wossizay istti wurikka issino gidana malasiko, ta aawawu qasseka ne tanan diza mala nunan gidana malane ne tana kittidaysa ha derey ne ammanana mala wossays.

ዮሃኒሳ ሚሺራቾ 17:21 ပူးပေါင်းရင်းမြစ်များ

ኤርማሳ ቲንቢቴ 32:39

Isttassinne isttafe guye istta naytas lo7o gidana malanne istti taas ubba wode yayyana mala tani isttas issi wozinanne issi qofa immana.

ሶፎናሳ ቲንቢቴ 3:9

He wode asay ubbay GODAA sunth xeygana malanne sigan izas haggazana mala ta istta doona geeshshana.

ዛካራሳ ቲንቢቴ 14:9

He wode GODAY biitta ubbaa bolla kawotana; he wode GODAY issaa xalla; iza sunththayka issaa gidana.

ማርቆሳ ሚሺራቾ 3:24

Ba giddon shaakoy diza kawoteththi minnanaas dandayenna.

ዮሃኒሳ ሚሺራቾ 10:16

Hayssa ha dorsa yiren gelonttayti taas hara dorsati deettes; ta isttaka haa ehanaas taas bessees; isttika ta qaala siyananne issi mehe gidana. Heemmizayssika issaade gidana.

ዮሃኒሳ ሚሺራቾ 10:30

Taninne ta aaway nu issino» gides.

ዮሃኒሳ ሚሺራቾ 10:38

Ta izaththo ooththizaa gidikko intte tana ammanontta aggikokka ta Aaway tanan dizayssa tanikka izan dizayssa intte erana malanne yuushshi qoppana mala izi ooththida malaataan ammanite» gides.

ዮሃኒሳ ሚሺራቾ 11:42

Ne ubba gallas ta gizaaz siyizayssa ta erays; gido attiin ta hessa giday hayssan eqqida asati ne tana kiittidayssa ammanana malassa» gides.

ዮሃኒሳ ሚሺራቾ 13:32

Xoossi iza gaason bonchchettizaa gidikko Xoossika iza bonchchana; heerakka gam7ontta bonchchana.

ዮሃኒሳ ሚሺራቾ 13:35

Intte intte giddon siiqettiko intte tana kaallizayta gididayssa asi wuri erana» gides.

ዮሃኒሳ ሚሺራቾ 17:11

Hayssafe guye tani hayssa alame bolla diikke; istti gidikko ha alameza bolla deettes; ha7i ta neekko bays; ta Aawa Geeshshazoo! Hayta ne taas immidayta istti nu mala ba giddon issino gidana mala ne taas immida ne sunththaan istta naaga.

ዮሃኒሳ ሚሺራቾ 17:18

Ne tana ha alame kiittoyssaththo tanikka istta alame bolla kiittadis.

ዮሃኒሳ ሚሺራቾ 17:20

«Istta qaala markkateththan tana ammananayta gishshassara ta nena woossays attiin ta nena istta gishshas xalla woossike.

ዮሃኒሳ ሚሺራቾ 17:25

Xillo gidida ta Aawawu! Nena alamey eribeenna; ta gidikko nena erays; haytikka ne tana kiittidayssa erida.

ዮሃኒሳ ሚሺራቾ 17:3

Mernaa de7oykka ne xalla tumu Xoossanne ne kiittida Yesus Kirstoosa ero guussa.

ዮሃኒሳ ሚሺራቾ 17:8

Ne taas immida qaalatakka ta isttas immadis; isttika ekkida; ta ne achchafe yidayssa istti tumappe erida; ne tana kiittidayssaka istti ammanida.

ዮሃኒሳ ሚሺራቾ 3:17

Xoossi ba naaza duge alame kiittiday alame asay izan ammanidi attana malassa attiin izi alame asaa bolla pirdanaas gidenna.

ዮሃኒሳ ሚሺራቾ 5:23

Izi hessaththo ooththiday asay wuri Aawa bonchchana malanne qasseka naazakka bonchchana malassa. Naaza bonchchonttay naaza kiittida Aawaakka bonchchenna.

ሃዋሬታ ኦሶ 2:46

Gallas gallas Xoossa Keeththan issife shiiqeettes; ba keeththankka quma issife ufayssaninne suure wozinan issifeteththan meettes.

ሃዋሬታ ኦሶ 4:32

Ammanizayti wurikka issi wozinaninne issi qofan gaaggi deettes. Isttas dizay wuri issi bolla dees attiin baas dizaaz, «Hayssi taas buzo miishsha» gizaadey deenna.

ኦሮሜ ኣሳስ 12:5

hessaththoka nuni darota gidi uttidi Kirstoosan issi asho; nuni issoy issaas asho.

1ቆሮንቶሴ ኣሳስ 1:10

Ta ishatoo! Intte garsan shaaketeththi dontta mala inttes issi wozinaynne issi qofay daana malanne intte intte garsan issino gidana mala Godaa Yesus Kirstoosa sunththan ta inttena woossays.

1ቆሮንቶሴ ኣሳስ 12:12

Issi asateththa bolla daro billiteti diikkoka asateththay issino; gido attiin billiteti daro gidikkoka asateththay issino xalla; Kirstoosikka hessa mala.

1ቆሮንቶሴ ኣሳስ 6:17

Gido attiin Godaara issino gidizaadey izara issi Ayana gidees.

ጋላቲያ ኣሳስ 3:28

Intte wurikka Yesus Kirstoosan issino attiin Ayhudanne Girike, Ayllenne goqa, maccanne adde giza dummateththi deenna; intte wurikka Yesus Kirstoosan issino.

ፒሊጲሲዮሴ ኣሳስ 1:27

Kirstoosa Mishiraachcho qaalaas bessiza mala diite; hessaththo haankka ta inttena baada be7idaakko woykko haahon daada intte gishshas ta siyizaakko intte Mishiraachcho qaalaa ammanos issife olettishe issi Ayanan intte minni eqqanayssa ta erays.

1ዮሃኒሳ ኪታ 1:3

Intteska nunara issifeteththi daana mala nuni be7idayssanne siyidayssa inttes yootoos; nu issifeteththayka Aawaranne iza Naa Yesus Kirstoosara.

1ዮሃኒሳ ኪታ 5:7

Hessa gishshas izas heedzdzu markkati deettes.