ዮሃኒሳ ሚሺራቾ 14:27 - Geeshsha Maxaafa

²⁷ «Ta inttes saroteth aggada bays; ta saroteththika ta inttes immana; ta inttes immiza saroteththi alamey immiza saroteththa mala deenna; intte wozinay hirgofonne babbofo.

ጋሞ ማጻፋ

²⁷ «ታ ኢንቴስ ሳሮቴ ኣጋዳ ባይስ፤ ታ ሳሮቴካ ታ ኢንቴስ ኢማና፤ ታ ኢንቴስ ኢሚዛ ሳሮቴ ኣላሜይ ኢሚዛ ሳሮቴ ማላ ዴና፤ ኢንቴ ዎዚናይ ሂርጎፎኔ ባቦፎ።

Gamo Geesha Maxxafa New Testamen

²⁷ Ta intes sarooteth aggada bays, ta sarootethika ta intes immana, ta intes immiza sarootethi derey immiza sarooteththa mala gidena, inte wozinay hirggofoone baboofo.

ዮሃኒሳ ሚሺራቾ 14:27 ပူးပေါင်းရင်းမြစ်များ

2ታሪኬ ማጻፋ 20:30

Xoossay Iyoosaafixes ubbaa baggara shemppo immida gishshas iza kawoteththay woppa demmides.

ኢዮቤ ማጻፋ 34:29

Xoossi co7u giikko oonee iza bolla pirdanay? Izi ba zokko zaarikko oonee iza beyanay?

ዬ ማጻፋ 11:1

GODAY tani baqata attizaso; histtiin intte tana ays, «Neni kafo mala pude zuma bolla baqata» geetii?

ዬ ማጻፋ 112:7

Iita miishshi iza daganththenna; ays giikko iza wozinay hirgenna; GODAAN ammaneettes.

ዬ ማጻፋ 27:1

GODAY taas poo7onne tana ashshizayssa; histtiin tani oonas yayyanee? GODAY ta shemppoys attiza miixa; histtiin tani oonas babbanee?

ዬ ማጻፋ 28:3

Ba wozinan iita qoppishe ba laggetara saroteth haasayza iita ooththizaytara tana isttara gaththa efoppa.

ዬ ማጻፋ 29:11

GODAY ba deraas wolqqa immees. Ba asaakka saroteththan anjjees.

ዬ ማጻፋ 56:11

tani he Xoossan ammanettiza gishshas babbike; asi tana ay ooththanee?

ዬ ማጻፋ 56:3

Tana babisiza wode ta nenan ammanettays.

ዬ ማጻፋ 72:2

Histtiko izi ne deraas xilloteththan pirdana; naaqettidaytasikka suure pirdana.

ዬ ማጻፋ 72:7

Izi diza layth ubbaan xilloy ciiyana; aginay dhayana gakkanaas biitta bolla saroteththi darana.

ዬ ማጻፋ 85:10

Siiqoynne tumateththi issife sigetteettes; Xilloteththinne saroteththi issife idimetteettes.

ዬ ማጻፋ 91:5

Neni omarsan daganththiza miishshas, woykko gallas xongettiza yiishshas,

ሌሚሶ ማጻፋ 3:25

Akeekontta gakkiza metonne iitata bolla gakkiza dhayssas babbaka.

ኢሳያሳ ቲንቢቴ 12:2

‹Be7ite, Xoossay ta atoteththa; tani izan ammanettiza gishshas babbike; GODAY, Xoossay taas minoteththinne yeththa; ta atoteththay iza› gaandasa.

ኢሳያሳ ቲንቢቴ 41:10

Tani nenara diza gishshas yayyofa; tani ne Xoossa gidida gishshas dagammofa. Tani nena minththananne maaddana. Ta xilloteththa ushachcha kushen zemppisa oykkana.

ኢሳያሳ ቲንቢቴ 41:14

Nenoo guxunezoo Yaaqoobe, nenoo qeeri Isra7eele, ‹Yayyofa tani nena maaddana› gees. Nena wozzizay Isra7eele Geeshshaza.

ኢሳያሳ ቲንቢቴ 54:13

Ne attuma nayti ubbay GODAAPPE tamaardayta gidana; ne nayta saroteththika darana.

ኢሳያሳ ቲንቢቴ 55:12

Intte ufayssan kezana; saron moyzettana. Zumatinne zumbullati intte sinththan ililisara yexxana; demban diza miththati ubbayka bantta kushe baqqana.

ኢሳያሳ ቲንቢቴ 57:19

Isra7eele biittan yeekkizayta doonan ta galata woththana. Mataninne haahon dizaytas saroynne woppay gido. Tani istta paththana» gees.

ኢሳያሳ ቲንቢቴ 9:6

Hekko nuus nay yelettides! Attuma naykka nuus imettides! Halaqateththi iza hashe bolla gidana; iza sunththi, «Malalisiza zoranchcha, Wolqqama Xoossa, Mernaa Aawa, Saroteththa Halaqa» geetettana.

ኤርማሳ ቲንቢቴ 1:8

Tani nena ashshanaas nenara diza gishshas ne isttas yayyofa; tani GODAY hayssa nees yootays» gides.

ኤርማሳ ዚላስ 3:17

Ta shemppoys saroteththi dhaydes; ufayssi izi aazakkonne ta baladis.

ሂዚቄላ ቲንቢቴ 2:6

Haysso asa nawu! Isttas woykko istta qaalas babbofa! Agunththinne kindichchoy ne yuushon diikkoka qasse masimasota giddon ne uttikokka babbofa. Istti makkallanchcha zare gidikkoka istti nena gizayssas babbofa; isttas dagammofa.

ዳኔላ ቲንቢቴ 4:1

Kawo Nabukadanaxoorey alame bolla dumma dumma deretas, dumma dumma kawoteththatassinne dumma dumma qaalan haasayza asatas ubbaas, Saroy inttes gido!

ዳኔላ ቲንቢቴ 6:25

Hessafe guye kawo Daariyoosi alame bolla diza deraas, kawoteththatassinne dumma dumma qaalan haasayza as ubbaas hayssafe kaalliza kiitaa xaafi kiittides; «Saroy inttes gido!

ዛካራሳ ቲንቢቴ 6:13

Izi GODAA keeththa keexxana; izi kawo mala bonchcho may7ana; ba kawoteththaa araatan uttidi haarana; qasseka izi ba araatan uttidi qeeseteththan ooththana; he nam7atikka saroteththaninne sigan ooththana» gees ga yoota.

ታይቦ ማጻፋ 6:26

GODAY nena ba maaroteththa ayfen xeello; ba saroteththka izi nees immo› gaada yoota.»

Maatosa 10:26

«Hessa gishshas isttas babbofte; geemettiday qonccontta qotettiday geesh kezontta attenna.

ሉቃሳ ሚሺራቾ 1:79

Hessika dhuman dizaytassinne hayqo kuwa giddon dizaytaska poo7isana malanne nu tohotakka saroteththa oge kaaleththanaassa» gides.

ሉቃሳ ሚሺራቾ 10:5

«Intte oona keeththika gelizaa gidikko koyrottidi, ‹Keeththa aso saro!› giite.

ሉቃሳ ሚሺራቾ 12:4

«Ta laggetoo! Ta inttes gizay asho xalla wodhanaappe attiin hara aykkoka ooththanaas dandayonttaytas babbofte.

ሉቃሳ ሚሺራቾ 2:14

«Bolla salon Xoossas bonchchoy gido; saroteththika biitta bollan izi dosiza asaa ubbaas gido» gida.

ዮሃኒሳ ሚሺራቾ 14:1

Kaaleththidikka Yesusi, «Intte wozinay metotoppo; Xoos ammanite; tanakka ammanite.

ዮሃኒሳ ሚሺራቾ 16:33

Ta hayssa inttes yootizay intte tanan de7iin inttes saroteththi daana mala gaada yootays. Intte ha alamen dishin inttes waayey dees; gido attiin aykkoy baa; ta alame xoonadis» gides.

ዮሃኒሳ ሚሺራቾ 20:19

He gallas wogga omars Yesusa kaallizayti Ayhudata daannatas babbidi kare ba bolla gordidi keeththaa giddon shiiqon dishin karey doyettontta Yesusi iza kaallizayti shiiqi diza keeththaa gelides; istta giddon eqqidi, «Saroy inttes gido!» gides.

ዮሃኒሳ ሚሺራቾ 20:21

Hessafe guye qasseka Yesusi istta, «Inttes saroy gido! Ta Aaway tana kiittida mala tanikka inttena kiittays» gides.

ዮሃኒሳ ሚሺራቾ 20:26

Osppun gallassafe guye iza kaallizayti qasseka istti soon dishin, Toomaasikka isttara issife dishin; kareykka gordan dishin Yesusi yiidi istta giddon eqqidi, «Saroy inttes gido!» gides.

ሃዋሬታ ኦሶ 10:36

Xoossi ubbaas Godaa gidida Yesus Kirstoosa baggara Isra7eele asas kiittida saroteththa Mishiraachcho kiitay hayssa.

ሃዋሬታ ኦሶ 18:9

Goday qammaara ajjuutan Phawuloosa, «Babbofa; yoota; co7u gooppa;

ኦሮሜ ኣሳስ 1:7

Xoossan dosettidaytanne geeshshata gidanaas xeygettida Oroome biittan diza inttes ubbaas nu Aawaa Xoossaafenne nu Godaa Yesus Kirstoosappe kiyateththinne saroteththi inttes gido.

ኦሮሜ ኣሳስ 15:13

Intte izan ammaniza gishshas hidota Xoossi inttenan ufayssinne saroteth kunththo; hessika Xillo Ayana wolqqa hidotay inttes daranaassa.

ኦሮሜ ኣሳስ 5:1

Histtiko nuni ammanon xillida gishshas nu Godaa Yesus Kirstoosa baggara nuus Xoossara saroteththi dees.

ኦሮሜ ኣሳስ 5:10

Nu Xoossas morkketa gidi dishin iza naaza hayqon izara giigidayta gidikko nu izara giigidaappe guye iza naaza de7o baggara nuni paxidayssi waani keehi darennee!

ኦሮሜ ኣሳስ 8:6

Ashos xalla qofay hayqo gidishin Ayana yo7os qofay gidikko de7onne saroteththa.

1ቆሮንቶሴ ኣሳስ 1:3

nu Aawa Xoossafenne Godaa Yesus Kirstoosappe kiyateththinne saroy inttes gido.

ጋላቲያ ኣሳስ 1:3

nu Aawaa Xoossaafe Godaa Yesus Kirstoosappe Xoossa kiyateththinne saroy inttes gido.

ጋላቲያ ኣሳስ 5:22

Ayana ayfey gidikko siiqo, ufays, saroteth, dandaya, kiyateth, lo7eteth, ammaneteth,

ጋላቲያ ኣሳስ 6:16

Hayssa ha azazoza kaalliza ubbatassinne Xoossa dere gidida Isra7eele asatas saroteththinne maareteththi gido.

ፒሊጲሲዮሴ ኣሳስ 4:7

Asa qofappe bollara diza Xoossa saroteththi intte wozinanne intte qofaa wursi Yesus Kirstoosan naagees.

ቆላሲያሴ ኣሳስ 1:2

Qolasiyaasen diza Kirstoosan dummatidaytassinne ammanettida ishatas nu Aawaa Xoossaafe saroteththinne kiyateththi inttes gido.

ቆላሲያሴ ኣሳስ 1:20

Masqale bolla izappe gukkida suuththaan saroteth medhdhidi sa7a bolla gidiin salo bolla dizayssa ubbaa iza baggara banara maqayinththides.

ቆላሲያሴ ኣሳስ 3:15

Intte wurikka issi asho gididi saroteththas xeygettida Kirstoosa saroteththi intte wozinan kawoto; intte galatizayta gidite.

2ታሶሎንቄ ኣሳስ 1:2

Xoossaa Aawappenne Godaa Yesus Kirstoosappe kiyateththinne saroteththi inttes gido.

2ታሶሎንቄ ኣሳስ 3:16

Saroteththaa Goday izi ba baggara yo7o ubbaan inttes saroteth immo; Goday inttenara ubbaara gido.

2ጺምቶሳስ 1:7

Xoossi nuus nuni nu hu7e haaranaas Xoossa wolqqa eranaassinne siiqettana Ayana immides attiin babo ayana immibeenna.

Ibirawe 13:20

Dorsata heenththanchchay wogga Godaa Yesus Kirstoosa ba mernaa caaqo qaala suuththan iza hayqoppe denththida saroteththa Xoossi,

Ibirawe 7:2

Abrahaameykka baas diza ubbaafe tammu kusheppe issi kushe izas immides. Koyro iza sunththaas birsheththi, «Xillo kawo» guussa. Kaallidi qasse, «Saaleme kawo» guussi, «Saroteththa kawo» guussa.

ዮሃኒሳ ኣጁታ 1:4

Iisiyan diza laappun Woosa Keeththatas kasekka dizayssafe, ha7ikka dizayssafenne burokka yaana Xoossaafe iza alga sinththan diza laappun ayanatappe hessaththoka hayqoppe denththan bayra gididayssafe, ha biitta kawotas kawonne ammanettida markka gididayssafe, nuna siiqizayssafenne ba suuththan nuna nu nagaraappe geeshshida Yesus Kirstoosappe kiyateththinne saroteththi inttes gido.

ዮሃኒሳ ኣጁታ 2:10

Buro sinththafe ne bolla gakkana metos babbofa; intte paacettana mala inttefe issi issi asata daabulosi qasho keeth gelththana. Tammu gallas gakkanaas intte waaye beyanashin ne hayqqana gakkanaas ammanettidaade gida; tani nees mernaa de7o akilile histta immana.

ዮሃኒሳ ኣጁታ 21:8

Gido attiin hankko baboti, isttas ammanettonttayti, tunati, asa shemppo wodhizayti, laymatizayti, bitizayti, eeqas goynnizayti, wordotizayti, heyta ubbata qaaday diinen eexxiza tama abbaa giddon gidana; hessika nam7anththo hayqo» gides.