ዮሃኒሳ ሚሺራቾ 14:20 - Geeshsha Maxaafa

²⁰ Tani ta Aawaan diza mala intteka tanan dizayssanne tanikka inttenan dizayssa intte he wode erandeta.

ጋሞ ማጻፋ

²⁰ ታኒ ታ ኣዋን ዲዛ ማላ ኢንቴካ ታናን ዲዛይሳኔ ታኒካ ኢንቴናን ዲዛይሳ ኢንቴ ሄ ዎዴ ኤራንዴታ።

Gamo Geesha Maxxafa New Testamen

²⁰ Tani ta aawan diza mala inteka tanan dizaysane taka intenan dizaysa inte he wode erranddista.

ዮሃኒሳ ሚሺራቾ 14:20 ပူးပေါင်းရင်းမြစ်များ

ዮሃኒሳ ሚሺራቾ 10:38

Ta izaththo ooththizaa gidikko intte tana ammanontta aggikokka ta Aaway tanan dizayssa tanikka izan dizayssa intte erana malanne yuushshi qoppana mala izi ooththida malaataan ammanite» gides.

ዮሃኒሳ ሚሺራቾ 14:10

Tani ta Aawaan, ta Aawaykka tanan dizayssa ammanikkii? Ta inttes yootiza qaala yootizay ta shene mala deenna; gido attiin oosoza ubbaa ooththizay tanan diza ta Aawaa.

ዮሃኒሳ ሚሺራቾ 14:11

Tani Aawaan diza mala, Aawaykka tanan dizayssa intte ammanite; akkay giikko ta ooththiza oosota gishshassika tana ammanite.

ዮሃኒሳ ሚሺራቾ 16:23

«Intte he wode taappe aykkoka woosseketa; ta inttes tumu gays; ta sunththan ta aawaa woossiko izi inttes ubbaaka immana.

ዮሃኒሳ ሚሺራቾ 16:26

He wode intte ta sunththan woossana; tanikka, ‹Aawaa intte gishshas woossana› giikke.

ዮሃኒሳ ሚሺራቾ 17:11

Hayssafe guye tani hayssa alame bolla diikke; istti gidikko ha alameza bolla deettes; ha7i ta neekko bays; ta Aawa Geeshshazoo! Hayta ne taas immidayta istti nu mala ba giddon issino gidana mala ne taas immida ne sunththaan istta naaga.

ዮሃኒሳ ሚሺራቾ 17:26

Ne tana siiqida siiqoy isttan gidana malanne tanikka isttan gidana mala isttika nena erana mala ooththadis. Qasseka istti erana mala ta ooththana» gides.

ዮሃኒሳ ሚሺራቾ 17:7

Ne taas immidayssi wurikka neeppe gididayssa istti ha7i erida.

ዮሃኒሳ ሚሺራቾ 6:56

Ta asho mizaynne ta suuth uyizay wuri tanan daana; tanikka izaaden daana.

ኦሮሜ ኣሳስ 16:7

Tanara issife qashettida Andiraqonenne Yuniyaase saro giite; heytantti Hawaareta garsan lo7o sunththara dizaytanne Kirstoosa taappe kase ammanidayta.

ኦሮሜ ኣሳስ 8:1

Hessa gishshas Yesus Kirstoosa ammanizayta bolla pirday deenna.

1ቆሮንቶሴ ኣሳስ 1:30

Inttena qasse Xoossi Yesus Kirstoosara issifeteththi daana mala ooththides; hessa gishshas Xoossi Yesus Kirstoosa nu erateth, nu xilloteth, nu geeshshateththinne nuna ashshizaade gidana mala ooththides.

2ቆሮንቶሴ ኣሳስ 12:2

Kirstoosas gidida issaade ta erays; he addezi tammanne oyddu layththafe kase heedzdzanththo salo eketti bides. (Izi ekettiday ba ashora gidiin woykko ashora gidontta aggiin ta erikke shin Xoossi gidikko erees.)

2ቆሮንቶሴ ኣሳስ 13:5

Intte ammanon minni dizaakkonne eranaas ane intterkka inttena paacci xeellite; Yesus Kirstoosi inttenan dizayssa shaakki eribeekketii? Hessaththo hanontta aggiko intte paacen kundideta guussa.

2ቆሮንቶሴ ኣሳስ 5:17

Hessa gishshas oonikka Kirstoosa bagga gidikko izi ooraththa medheteththa; kase ceega medheteththi aadhdhides; izi kichchoosan hara ooraththa medheteththi gelides.

2ቆሮንቶሴ ኣሳስ 5:19

Hessika Xoossi Kirstoosa baggara hankko alame asaa wursika banara maqayinththides guussa; istta qohozakka qoodibeenna; nuni as Godaara maqayinththana qaala nuuska immides.

ጋላቲያ ኣሳስ 2:20

Tani Kirstoosara kaqettadis; hayssafe guye tani taas diikke; gido attiin Kirstoosi ta giddon dees; ha7ikka ta ashon diza duussay tana dosidi bana ta gishshas aaththi immida Xoossa Naa bolla diza ammanon diza duussa.

ኤፌሶኔ ኣሳስ 2:10

Hessika Xoossi kase koyro giigsi woththida lo7o ooso nuni ooththana mala Yesus Kirstoosa baggara nuni nam7anththo medhettidaytanne Xoossa medheteththata.

ቆላሲያሴ ኣሳስ 1:19

Hessika haniday kumeththa Xoossateththay iza Naazan de7ana mala Xoossaa Aawaa shene gidida gishshassa.

ቆላሲያሴ ኣሳስ 1:27

Xoossi ba asaas qonccisanaas koyida xuuray iza bonchcho dureteththi ayzaabe gidida intte giddon ay mala gitakko bessanaassa; izikka iza bonchcho hidota gidida intte giddon diza Kirstoosa.

ቆላሲያሴ ኣሳስ 2:9

Gaasoykka kumeththa Xoossateththay iza asateththan dees.

1ዮሃኒሳ ኪታ 4:12

Xoos be7ida asi oonikka baa; nuni nu giddon siiqettizaa gidikko Xoossi nunan daana; iza siiqoykka nunan polettana.