ዮሃኒሳ ሚሺራቾ 12:36 - Geeshsha Maxaafa

³⁶ Intte poo7o nayta gidana mala poo7oy dishin poo7on ammanite» gides. Yesusi hessa gidaappe guye biidi istta ayfeppe geemmides.

ጋሞ ማጻፋ

³⁶ ኢንቴ ፖኦ ናይታ ጊዳና ማላ ፖኦይ ዲሺን ፖኦን ኣማኒቴ» ጊዴስ። ዬሱሲ ሄሳ ጊዳፔ ጉዬ ቢዲ ኢስታ ኣይፌፔ ጌሚዴስ።

Gamo Geesha Maxxafa New Testamen

³⁶ Inte poo7o nayta gidana mala poo7oy dishin poo7on ammanite” Yesussay hessa gidape guye bidi istta ayfepe gemmides.

ዮሃኒሳ ሚሺራቾ 12:36 ပူးပေါင်းရင်းမြစ်များ

ኢሳያሳ ቲንቢቴ 60:1

GODAY, «Ne poo7oy yida gishshas dendada poo7isa; GODAA bonchchoy ne bolla poo7ides.

Maatosa 21:17

Istta yeggi aggidi he katamaappe kezidi Bitaaniya geetettizaso biidi heen aqides.

Maatosa 5:14

Intte alames poo7o. Zuma bolla diza katamaya qotettanaas dandayakku.

ሉቃሳ ሚሺራቾ 16:8

«Godazikka shocechchiza alaafezi ooththida cinccateththaa gishshas iza nashshides; hayssabha alameza nayti bana misatizaytara diza gaagoteththan poo7o naytappe aadhdhida cinccata.

ዮሃኒሳ ሚሺራቾ 1:7

Iza markkateththan asi wuri ammanana mala Poo7os markka gidi yides.

ዮሃኒሳ ሚሺራቾ 11:54

Hessa gishshas Yesusi he gallassafe haa simmiin Ayhudata giddon qonccera simerettibeenna. Gido attiin duge bazzo biitta matan diza Efreeme geetettiza katamay dizaso biidi bana kaallizaytara heen takkides.

ዮሃኒሳ ሚሺራቾ 12:37

Yesusi isttas hessa mala malaata istta sinththan ooththiinkka Ayhudati izan ammanibeettenna.

ዮሃኒሳ ሚሺራቾ 12:46

Tana ammanizay wuri dhuman dontta mala tani poo7o gidada hayssa ha alameza yadis.

ዮሃኒሳ ሚሺራቾ 3:21

Tumu ooththizaadey gidikko poo7oy dizaso yees. Izi poo7oy dizaso yiza gaasoykka Xoossa azazo mala izi ooththida oosoy qonccana malassa» gides.

ዮሃኒሳ ሚሺራቾ 8:12

Qasse Yesusi, «Tani alames poo7o. Tana kaallizaadey wuri de7o poo7o demmana. Dhuman simerettenna» giidi isttas yootides.

ዮሃኒሳ ሚሺራቾ 8:59

Ayhudati heerakka iza caddanaas wuri shuch denththida; gido attiin Yesusi istta matappe qotettidi Xoossa Keeththafe kezi bides.

ኤፌሶኔ ኣሳስ 5:8

Kase intte dhuma shin Godaan ha7i intte poo7o; intte poo7o nayta mala diite.

1ታሶሎንቄ ኣሳስ 5:5

Intte wurikka poo7o nayta; nuni dhuma woykko qamma baggata gidokko.

1ታሶሎንቄ ኣሳስ 5:8

Nuni gidikko gallassa asata gidida gishshas ammanonne siiqo, tiran may7iza xurure may7o mala may7idi atoteththa hidota hu7en woththiza birata qoobe mala hu7en woththidi ane nunateththaa haaridi de7oos.