ኤርማሳ ቲንቢቴ 7:9 - Geeshsha Maxaafa

⁹ GODAY, «Intte kaysoteeta, as wodheeta, laymateeta, wordo caaqqi markkatteeta, Ba7aale eeqa xoossas yarsho yarsheeta, hayssafe kase intte erontta eeqa xoossatas goynneeta.

ጋሞ ማጻፋ

⁹ ጎዳይ፥ «ኢንቴ ካይሶቴታ፥ ኣስ ዎታ፥ ላይማቴታ፥ ዎርዶ ጫቂ ማርካቴታ፥ ባኣሌ ኤቃ ጾሳስ ያርሾ ያርሼታ፥ ሃይሳፌ ካሴ ኢንቴ ኤሮንታ ኤቃ ጾሳታስ ጎይኔታ።

ኤርማሳ ቲንቢቴ 7:9 ပူးပေါင်းရင်းမြစ်များ

1ካዎታ ማጻፋ 18:21

Eelaasi shiiqida asaakko biidi, «Intte ayde gakkanaas nam7u qofan daanee? GODAY Xoossa gidikko iza kaallite! Woykko Ba7aaley Xoossa gidikko iza kaallite» gides. Derezi gidikko issi qaalakka qaattibeenna.

ኬሳ ማጻፋ 20:3

«Taappe attiin hara eeqa xoossatas goynnofa.

ኢሳያሳ ቲንቢቴ 1:13

Hayssafe guye hayssa misatiza hada yarsho nam7anththo shiishshofte; intte cuwasiza exaaney tana shaattees; agina xeeron, sambata gallassataninne intte goynos shiiqiza gallassatan intte bonchchiza ba7aaleti iitateththan kumida gishshas tani heyta gencca aadhdhanaas dandaykke.

ኢሳያሳ ቲንቢቴ 58:2

Istti tana hach hach koyeettes; ta ogeza eranaas laamotiza misateettes. Suure miish ooththida kawoteththa malanne ba Xoossaa azazo yeggi aggontta dere mala, istti tana suure pirda oychcheettes; Xoossi isttako shiiqanayssa istti dosiza misatees» gees.

ኤርማሳ ቲንቢቴ 1:16

«Yuhuda asay tana aggidi, hara eeqa xoossatas exaane cuwasida gishshas, ba kushen ooththi kessidayta goynnida gishshas ta deraa bolla pirdaa awajjadis.

ኤርማሳ ቲንቢቴ 11:13

Intteno Yuhuda asatoo! Intte xoossati intte katamata keena cora. Qasse Ba7aale geetettiza he yeellachchiza xoossas exaane cuwasanaas intte essida yarshizasohoti Yerusalaame ogeta keena cora› gees.

ኤርማሳ ቲንቢቴ 11:17

«Isra7eele asatinne Yuhuda asati Ba7aales exaane cuwasidi tana yiillosida gishshas inttena tokkida Ubbaafe Wolqqama GODAY intte bolla iita miish ehanaas awajjadis» gides.

ኤርማሳ ቲንቢቴ 13:10

Ta qaala siyontta ixxidi, bantta wozina muumeteththa kaallidi, eeqa xoossatas ooththanaassinne goynnanaas biza ha iita asay hayssa danccoza mala mulekka go7onttayssa gidana.

ኤርማሳ ቲንቢቴ 18:15

Ta derey gidikko tana balides; istti go7ontta xoossatas exaane cuwaseettes; bantta ogera biidi dhuphettida; beni ogeppe kare kezida; baasettontta diza kundukurcco ogera bida.

ኤርማሳ ቲንቢቴ 19:4

Gaasoykka asay tana aggidi hayssa ha sohoza eeqa goynnizasoho kessides; istti gidiin woykko kase istta aawati, woykko Yuhuda kawoti erontta eeqa xoossatas yarshida; hayssa ha sohozan xillo suuth gussida.

ኤርማሳ ቲንቢቴ 32:29

Katamayo oliza Baabilooneti yiidi katamay giddo gelana; izokka taman xuuggana; tana hanqeththanaas asay bantta keeththa pooqe pooqe bolla Ba7aales exaane cu7asidasohotanne eeqa xoossatas ushsha yarsho shiishshida keeththata ubbaa istti xuuggana» gees.

ኤርማሳ ቲንቢቴ 44:3

Hessi haniday istti ooththida iita ooso gishshassa; istta gidiin, inttena woykko intte aawata gidiin, ba erontta hara eeqa xoossatas exaane cuwaseththaninne isttas goynon tana hanqeththida.

ኤርማሳ ቲንቢቴ 44:8

Intte daanaas gelida ha Gibxe biittan hara eeqa xoossatas exaane cuwaseththan intte intte kushen medhdhida miishshatan tana ays hanqeththeetii? Biitta bolla diza kawoteththata ubbaa giddon qanggeththassinne qidhes malata gidana mala intterkka inttena dhayssana koyeetii?

ኤርማሳ ቲንቢቴ 44:9

Kase intte aawati, Yuhuda kawotinne istta machcheti, qasse intteninne intte machcheti Yuhuda katamataninne Yerusalaame ogetan ooththida iitateththaa ubbaa dogidetii?

ኤርማሳ ቲንቢቴ 48:35

Dhoqqasohota bolla yarshizaytanne bantta eeqa xoossatas exaane cuwasizayta tani Mo7aabe biittafe dhayssana.

ኤርማሳ ቲንቢቴ 5:2

Gido attiin isttas, ‹GODAY beyiin› gi caaqqikokka istti tumappe wordo caaqqeettes» gees.

ኤርማሳ ቲንቢቴ 5:7

GODAY, «Tani intte nagara ays atto goo? Intte nayti tana aggida; eeqa xoossatankka caaqqida; Tani istta kalssa mizadis; istti gidikko laymatidanne layma keeth bida.

ኤርማሳ ቲንቢቴ 7:6

bete yida asatanne yi7ota, am7eta intte qohontta aggiko, hayssa ha biitta bolla xillo suuth gussontta aggiko, inttena qohiza eeqa xoossata intte kaallontta aggiko,

ሂዚቄላ ቲንቢቴ 18:18

Gido attiin iza aaway asa maata naaqqida gishshas, ba ishappe wolqqara bonqqi ekkida gishshas, deraa giddon bessontta miish ooththida gishshas izi ba nagaran hayqqana.

ሂዚቄላ ቲንቢቴ 20:30

Hessa gishshas, «Ubbaa Haariza GODAY Isra7eele asaas, ‹Intte aawati ooththida mala inttenikka inttenateththaa tuniseetii? Tunida istta eeqa misleta amoteththan ays xuugeteetii?

ሂዚቄላ ቲንቢቴ 23:39

Istti bantta nayta eeqa xoossatas yarshida gallas ta keeththaa gelidi tunisida. Istti ta keeththan hessa mala ooththida.

ሂዚቄላ ቲንቢቴ 5:11

Hessa gishshas Ubbaa Haariza GODAY, tani De7o Xoossa gididayssan caaqqays: neni ta Keeththa tuna misletaninne harassiza ne ooso ubbaan tunisida gishshas ta nena buuca dhayssana; ta nena qadheta ayfen xeellikenne maarikke.

ሆሴኤ ቲንቢቴ 2:13

Ba7aale geetettiza eeqa xoossas exaane cuwasanaassinne lo7o geexe woththada iza ba laggeththota kaallada tana aggida gishshas ta izo qaxxayana.

ሆሴኤ ቲንቢቴ 6:9

Pangati ase wodhanaas zamadiza mala qeesetikka zuppetidi hessaththo ooththeettes. Gede Seekeeme efiza oge bollaka naagi naagi as wodheettes; yeellachchiza iita miish ooththeettes.

ኣሞጼ ቲንቢቴ 4:5

Intte ooththanaas koyzay hessa gidida gishshas irshoy izan diza uketh galata yarsho shiishshite; intte hessa intte shene mala shiishshiza gishshas izan ceeqettite» gees.

ሶፎናሳ ቲንቢቴ 1:5

Fooqe bolla kezidi salo medheteththatas goynnizayta, GODAAS goynnishenne iza sunththan caaqqishe simmi wodhidi qasse Milkkoome sunththan caaqqizayta,

ሚልካሳ ቲንቢቴ 3:5

«Hessa gishshas ta intteko pirdana yaana; muurennizayta, laymatizayta, wordo markka markkattizayta, wordo caaqo caaqqizayta, ooso oosisidi miishsha diggizayta, am7etanne yi7o nayta dechchizayta, bete asatas pirda tuccizayta, taas babbonttayta bolla markkattanaas ta ellesays» gees Ubbaafe Wolqqama GODAA Xoossay.

ኦሮሜ ኣሳስ 2:2

Hayta malaata ooththiza asata bolla Xoossa pirday likke gididayssa nu eroos.

ዛሬ ማጻፋ 32:17

Hayssafe kase ba eronttaytas, Xoos gidontta daydanththatas, mata wode yida xoossatas, beni istta aawati isttas goynnontta eeqatas, istti yarsho shiishshida.

ዮሃኒሳ ኣጁታ 21:8

Gido attiin hankko baboti, isttas ammanettonttayti, tunati, asa shemppo wodhizayti, laymatizayti, bitizayti, eeqas goynnizayti, wordotizayti, heyta ubbata qaaday diinen eexxiza tama abbaa giddon gidana; hessika nam7anththo hayqo» gides.

ዮሃኒሳ ኣጁታ 22:15

Kana mala coo hoththu hoththizayti, bita bitizayti, laymatizayti, shemppo wodhizayti, eeqas goynnizayti, wordo siiqizaytinne wordo ooththizayti wurikka he katamayppe karen attana.

ዳናታ ማጻፋ 5:8

Isra7eele asay allaga xoossata doorida wode, biittan olay dendides; oyddu tammu shii Isra7eele olanchchata giddon issi gondalley woykko issi tooray beettibeenna.