ኤርማሳ ቲንቢቴ 51:37 - Geeshsha Maxaafa

³⁷ Baabilooney laaleththi doorettizaso gidana; worakanati kaa7izaso gidana; dagamassinne qidhes malata gidana; oonikka izin deenna.

ጋሞ ማጻፋ

³⁷ ባቢሎኔይ ላሌ ዶሬቲዛሶ ጊዳና፤ ዎራካናቲ ካኢዛሶ ጊዳና፤ ዳጋማሲኔ ቂስ ማላታ ጊዳና፤ ኦኒካ ኢዚን ዴና።

ኤርማሳ ቲንቢቴ 51:37 ပူးပေါင်းရင်းမြစ်များ

2ታሪኬ ማጻፋ 29:8

Hessa gishshas GODAA hanqoy Yuhuda bollanne Yerusalaame bolla wodhdhides; intte intte ayfen be7idayssaththo GODAY istta dagamas, miichchassinne qidhes aaththi immides.

ኢሳያሳ ቲንቢቴ 14:23

Tani Baabiloone quxarsa aqosonne care kessana; bashsha peyxan tani izo pitta dhayssana» gees.

ኤርማሳ ቲንቢቴ 18:16

Istta biittay bulanne mernaas kadhettidaaz gidana; heera aadhdhiza ubbay malalettana; ba hu7ekka qidhishe qaaththana.

ኤርማሳ ቲንቢቴ 19:8

Tani ha katamayo mulera dhayssana; miichchaska kessana; izi matara aadhdhiza asay ubbay hanno pala! gi qidhi kaa7ana.

ኤርማሳ ቲንቢቴ 25:12

«Laappun tammu layththay polettidaappe guye Baabiloone kawo, iza deraanne iza biittaa mooro gishshas tani qaxxayana; istta biittaaka mernaas bula ooththana.

ኤርማሳ ቲንቢቴ 25:18

Hach hanidayssa mala istti bula, asi harasettizayta, kadhizaytanne qanggettidayta gidana mala Yerusalaamenne Yuhuda katama asata, istta kawotanne istta shuumeta ubbaa,

ኤርማሳ ቲንቢቴ 25:9

tani pudeha bagga deraa ubbaanne ta aylle gidida Baabiloone kawo Nabukadanaxoore xeygana. Histtada istta ha biitta bolla, ha biittan diza asaa bollanne heeran diza kawoteththata ubbaa bolla ehana; tani inttena mulera dhayssana; qasse mernaas asi kadhizanne qidhiza bula kessana.

ኤርማሳ ቲንቢቴ 29:18

Tani istta mashshan, koshaninne iita hargen yedeththana; histtada tani istta sa7a kawoteththata ubbaa sinththan kadhessinne qidhes kessana; qasse tani istta yedeththa yeddida deraa giddon qanggeththassinne dagamas, boressinne kadhes malata gidana.

ኤርማሳ ቲንቢቴ 49:17

GODAY, «Eedoomey dagamas malata gidana; heera aadhdhiza as ubbay izi bolla gakkida bash be7idi malalettishe qidhana.

ኤርማሳ ቲንቢቴ 49:33

«Haxoorey worakanata duussaso gidana; mernaas bula gidana; oonikka heen de7enna; ay asikka izin uttenna» gees.

ኤርማሳ ቲንቢቴ 51:29

Baabiloone oonikka dontta bazzo biitta histtanaas GODAY qoppida qofay polettana wodey gakkida gishshas biittay kokkorees; metonkka poporqqu gees.

ኤርማሳ ቲንቢቴ 9:11

GODAY, «Yerusalaame katama tani budhetti kayzidasonne worakanati kaa7izaso ooththana. Yuhuda katamatakka asi bayndaso bula kessana» gees.

ሚኪያሳ ቲንቢቴ 6:16

Kawo Omire wogaanne kawo Akaabe keeththa wogaa ne ubbaa shiishsha oykkadasa; nekka istta haysi7e kaalladasa. Hessa gishshas nena dhayssas, ne derezakka tani qidhes aaththa immana; derey ne bolla qidhi kaa7ana.

ናሆሜ ቲንቢቴ 3:6

Tani ne bolla buura olana; ta nena kadhana; qidheska aaththa immana.

ሶፎናሳ ቲንቢቴ 2:15

Kase ufayssan diza katamaya hanno; izakka ba wozinan, «Ta xalla days; taappe haray oonikka deenna» gidaara histtiin ha7i waanada wora do7ati guurizaso bazzo biitta gida attadee? Izi achchara aadhdhi biza ubbay izo qidhishe ba kushe wuxxees.

ዮሃኒሳ ኣጁታ 18:2

Izi dhoqqa qaalan, «Gita Baabiloona kundadus! Kundadus! kundadus! Daydanththa duussaso gidadus! Tuna ayanatas aqoso gidadus! Harassiza iita kafotas shemposo, iitanne harassiza do7ataska aqoso gidadus.