ኤርማሳ ቲንቢቴ 50:15 - Geeshsha Maxaafa

¹⁵ Ubbaa baggarakka izi bolla maggulite! Iza inttes kushe immana; izi miixatinne gimbetti laalettana; hayssi GODAY halo kessiza oge gidida gishshas intte izi bolla halo kessite; iza harata bolla ooththida mala intte izi bolla ooththite.

ጋሞ ማጻፋ

¹⁵ ኡባ ባጋራካ ኢዚ ቦላ ማጉሊቴ! ኢዛ ኢንቴስ ኩሼ ኢማና፤ ኢዚ ሚጻቲኔ ጊምቤቲ ላሌታና፤ ሃይሲ ጎዳይ ሃሎ ኬሲዛ ኦጌ ጊዲዳ ጊሻስ ኢንቴ ኢዚ ቦላ ሃሎ ኬሲቴ፤ ኢዛ ሃራታ ቦላ ኦዳ ማላ ኢንቴ ኢዚ ቦላ ኦቴ።

ኤርማሳ ቲንቢቴ 50:15 ပူးပေါင်းရင်းမြစ်များ

1ታሪኬ ማጻፋ 29:24

Ola gadawati, erettida mino asatinne kawo Dawite nayti kawo Solomoones azazettanaas qaala gelida.

2ታሪኬ ማጻፋ 30:8

Intte GODAAS azazettiteppe attiin kase intte aawata mala wozina muume gidopite! Izi mernaas dummasida Keeththaa haa yiite. Keehi yashshiza iza hanqoy inttefe simmana mala GODAAS haggazite.

ዬ ማጻፋ 149:7

Istti hessan kawoteththata bolla halo kessana; asaakka qaxxayana.

ዬ ማጻፋ 94:1

Abeet GODAWU! Neni halo kessiza Xoossa; Abeet halo kessiza Xoossawu! Ne bonchcho qonccisa.

ኢሳያሳ ቲንቢቴ 59:17

Izi xilloteththa xurure mala tiran may7ides; atoteththaa birata qoobe mala ba hu7e bolla woththides. May7o garsara may7iza mala halo keso may7ides; may7o gophi may7iza mala qanaate bollara gophides.

ኢሳያሳ ቲንቢቴ 59:18

Istta ooso mala hanqo ba baalgaaratas, pirda ba morkketas izi qanxxana. Haruro biittatas istta ooso ooso mala immana.

ኢሳያሳ ቲንቢቴ 61:2

Dosettida GODAA layth, nu Xoossay halo kessiza gallassa awajjana malanne yeekkizayta ubbaa minththeththana mala tana kiittides.

ኢሳያሳ ቲንቢቴ 63:4

Tani halo kessana gallassay ta wozinan dees; ta wozzana gallassayka gakkides.

ኤርማሳ ቲንቢቴ 46:10

He gallassay GODAA Ubbaafe Wolqqama Xoossa gallassa; izi ba morkketa bolla halo kessiza gallassa; mashshay kallana gakkanaas maana; saamo alana gakkanaaska suuth uyana; GODAY Ubbaafe Wolqqama Xoossay pudeha baggan Efiraaxise Shaafa matan isttas yarsho giigsi woththides.

ኤርማሳ ቲንቢቴ 50:14

«Intteno yiishshan dukkizaytoo! Baabiloone olanaas izi yuushon salfte; nagara ooththida gishshas intte yiish issinokka ashshontta izi bolla yeddite.

ኤርማሳ ቲንቢቴ 50:25

GODAY ba ola massaraa woththiza minjja keeththaa doydes; ba hanqo ola massara kessides; GODAY Ubbaafe Wolqqama Xoossay Baabiloone biittan ooththiza oosoy dees.

ኤርማሳ ቲንቢቴ 50:44

Gaammoy Yordaanoose woratappe mehe heemmiza demban kezi wodhdhiza mala tanikka Baabilooney qoppontta dishin keza wodhdhana; izi biittafe ta izo gooddana; ta dooridayssa izi bolla shuumana; ta malay oonee? tanara eqettana dandayzay oonee? tanara eqettana dandayza heenththanchchay oonee?

ኤርማሳ ቲንቢቴ 51:11

«Toorata leefte; gondalletakka giigsite; GODAY Baabiloone dhayssana qoppida gishshas Meedoone kawota denththeththides; GODAY halo kessana; ba Keeththa gishshas halo kessana.

ኤርማሳ ቲንቢቴ 51:14

GODAY Ubbaafe Wolqqama Xoossay, «Booley biitta kumiza mala daro as ta ne bolla yeddana; heyti nena xoonida ufayssafe dendidayssan ne bolla ceeqettana» giidi ba sunththan caaqqides.

ኤርማሳ ቲንቢቴ 51:24

GODAY, «Xiyoone bolla istti ooththida iita ooso gishshas Baabiloonesinne izin diza ubbaas intte intte ayfen be7ishin istta ooso mala ta isttas immana» gees.

ኤርማሳ ቲንቢቴ 51:25

GODAY, «Hanne dhayssiza zumayee! biitta ubbaa dhayssizaaree! ta ne hu7e bolla days; tani ta kushe ne bolla denththana; ta nena aafo hu7eppe duge bululana; ta nena xuugettida zuma histtana.

ኤርማሳ ቲንቢቴ 51:30

Baabiloone olanchchati ola aggida; bantta miixan uttida; isttas wolqqay wurides; istti maccassa mala gidida; istta keeththatikka xuugettida; izi penge kolatati meqerettida.

ኤርማሳ ቲንቢቴ 51:36

Hessa gishshas GODAY, «Ne gishshas ta mootettana; ne halokka kessana; izi abbaanne pultto haaththata ta melissana.

ኤርማሳ ቲንቢቴ 51:44

Beele tani Baabiloonen qaxxayana; izi mittidayssaka ta cooshshana; hayssafe kawoteththay izakko goggenna; Baabiloone gimbey kundana.

ኤርማሳ ቲንቢቴ 51:58

GODAY Ubbaafe Wolqqama Xoossay, «Gubbay dalga gidida Baabiloone gimbetti laalettana; dhoqqu gida izi pengetikka taman xuugettana; asay hada daaburees; kawoteththata daaburay tamas xalla gidana» gees.

ኤርማሳ ቲንቢቴ 51:6

«Baabilooneppe baqati kezite! Elelidi intte shemppo ashshite; izi nagara gaason dhayopite; hayssi GODAY halo kessiza wode izi ooso mala izis immana.

ኤርማሳ ቲንቢቴ 51:64

Histtada, ‹Baabilooneykka ta izi bolla ehiza bashshaafe dendidayssan hayssaththo mitettana; nam7anththo simma denduku; izi asaykka kundana› ga» gees. Ermaasi haasayda qaalay hayssan polettides.

ኤርማሳ ዚላስ 5:6

Nuni kath kallanaas giidi Asoore asatassinne Gibxes kushe immidos.

ሂዚቄላ ቲንቢቴ 17:18

Kase izi caaqqida caaqoza kadhidinne kase ba gelida qaala laallidi ba kushe immidaappe guye haytantta ubbaa ooththida gishshas qaxxayettontta attenna› gees.

ሂዚቄላ ቲንቢቴ 21:22

Izi biidi gimbe penge laalliza durumata ehana mala, wodhanaas azazana mala, ceeqeteth sissana mala, gimbe pengeza laalliza durumata katamata pengen essana mala, biitta shiishshi doorana malanne miixata giigsana mala Yerusalaame saamay izas ushachcha kushen kezides.

ናሆሜ ቲንቢቴ 1:2

GODAY zil7ettizanne halo kessiza Xoossa; GODAY halo kessizanne hanqon kumida Xoossa. GODAY halo kessizaadenne pala miishshi izan kumidaade. GODAY ba baalgaarata bolla halo kessees; ba morkketa bolla ba hanqo ehees.

Maatosa 7:2

Intte pirdida mala intte bollaka pirdettana. Intte makkida miishshara inttes makettana.

ሉቃሳ ሚሺራቾ 21:22

Xaafettidayssi wuri polettanaas hanna halo kessiza wode.

ኦሮሜ ኣሳስ 12:19

Ta siiqotoo! Intte halo Xoossi kesso attiin intterkka halo kessofte. «Halo kessanay tana gees Goday» geetetti Geeshsha Maxaafan xaafettides.

ኦሮሜ ኣሳስ 3:5

Nu makkalla oosoy Xoossa xilloteth qonccen bessizayssa gidikko histtiin nu ay gaanee? Coo asa woga mala palamettanaas Xoossi ba hanqo nu bolla ehizayssi nuus bessenna gaaneyee? Hessaka ta gizay asaththo qofanna.

ዛሬ ማጻፋ 32:35

Istta morkketa bolla halo kessanay tana; ubbaasikka ta istta ooso ooso mala immana; isttas dhayo gallassi gakkida gishshas istti dhuphettana; eesonkka dhayana.»

ዛሬ ማጻፋ 32:41

Wawaci giza ta giththa mashshaa leefana; ta kushey pirdas oykkana; ta morkketa bolla halo kessana; tana ixxizaytas ta istta ooso mala isttas immana.

ዛሬ ማጻፋ 32:43

«Intteno kawoteththatoo! GODAY ba oosanchchata suuth accana; morkketa bolla halo kessana; bana ixxizayta qaxxayana; ba dereza nagara wursana; biittayokka tunateththafe geeshshana; hessa gishshas intte iza asaara issife ufayettite» giidi,

2ታሶሎንቄ ኣሳስ 1:8

He wode Xoos erontta asatanne Godaa Yesus Kirstoosa Mishiraachcho qaalaas azazettontta asata bolla izi ba halo kessana.

ያቆቤ ኪታ 2:13

Gaasoykka maaronttay wurikka maaroy baynda pirdettana; maaroy pirda Xoonees.

ኢያሶ ማጻፋ 6:20

Hessa gishshas zayey punettiin asay waassides; zayezi punettishin derezi ba qaala dhoqqu histtidi waassiin katamaa dirsay laalettides; hessafe guye asay wuri sitti giidi gede katamayo gelides.

ኢያሶ ማጻፋ 6:5

Hessafe guye zayey qanxxoy baynda punettizayssa siyida mala asay wuri ba qaala dhoqqu histti waasso; histtida mala katamay gimbey laalettana; asay wuri lawuhu gi ke7idi katamay giddo sitti gi gelana» gides.

ዮሃኒሳ ኣጁታ 16:6

Asay kase ammanizayta suuththinne nabeta suuth gussida gishshas ne istta suuth ushshadasa; hessika isttas bessees»

ዮሃኒሳ ኣጁታ 18:6

Iza immidaari gina izis kushe zaarite; izi ooso gishshas izis nam7u kushe ciggite; izis nam7u kushe iziyssafe aaththi walakkite.

ዮሃኒሳ ኣጁታ 19:2

Iza pirday tumanne adda; iza biittaa ba laymateththan tunisida wogga gita laymayo izi ba pirdan qaxxaydes; izo qaxxaydi ba oosanchchata suuththaa halo kessides» gishin ta siyadis.

1ሳሜላ ማጻፋ 15:33

Sameelikka, «Ne mashshay maccassata yeloy baynda ashshidayssaththo ne aayakka maccassata giddon yeloy bayndaaro gidana» gishe Agaage Gelgelan GODAA sinththan qanxxereththi yeggides.