ኤርማሳ ቲንቢቴ 50:14 - Geeshsha Maxaafa

¹⁴ «Intteno yiishshan dukkizaytoo! Baabiloone olanaas izi yuushon salfte; nagara ooththida gishshas intte yiish issinokka ashshontta izi bolla yeddite.

ጋሞ ማጻፋ

¹⁴ «ኢንቴኖ ዪሻን ዱኪዛይቶ! ባቢሎኔ ኦላናስ ኢዚ ዩሾን ሳልፍቴ፤ ናጋራ ኦዳ ጊሻስ ኢንቴ ዪሽ ኢሲኖካ ኣሾንታ ኢዚ ቦላ ዬዲቴ።

ኤርማሳ ቲንቢቴ 50:14 ပူးပေါင်းရင်းမြစ်များ

2ሳሜላ ማጻፋ 10:9

Iyo7aabeykka guyeranne sinththara olay bana giddoththidayssa be7idi Isra7eele garsan erettida olanchchatappe guuththata dooridi Aaraame olanchchata sinththan aaththi essides.

ዬ ማጻፋ 51:4

Ta nena xalla qohadis; qasseka ne sinththan iita ooththadis. Hessa gishshas ne qaxxayda qixaaten, ne ta bolla pirdida pirdankka ne xillo

ኢሳያሳ ቲንቢቴ 13:4

Daro derey wocamiza mala zumata bolla wocamiza wocamaa siyite! Kawoteththata giddon metottida derey gugumiza gugunththaa siyite! Ubbaafe Wolqqama GODAY olanchchata olas salfisides.

ኢሳያሳ ቲንቢቴ 5:28

Istta yiishshay hoxe; istta wondafeykka waaxetti uttides. Istta parata qinccafilley zaalla shuchcha mala; istta para-gaareta erzoykka gote mala.

ኤርማሳ ቲንቢቴ 46:9

Paratoo guppi kezite; para-gaaretoo adaraasite; gondalle oykkida Tophphiya asaynne Puuxe asay, wondafe waaxi oykkida mino gidida Luudime asati, intte mino olanchchati olas dendite.

ኤርማሳ ቲንቢቴ 49:14

GODAAPPE yida issi kiita siyadis; «Eedoome bolla worajjanaas shiiqite; olettanaas dendite!» gi yootiza qasttanney kawoteththatakko kiitettides.

ኤርማሳ ቲንቢቴ 49:35

Ubbaafe wolqqama GODAY, «Hekko izi wolqqateththas yoch gidida Elaame wondafeta ta menththana.

ኤርማሳ ቲንቢቴ 50:11

«Intteno ta xinxxo bonqqi ekkidaytoo! Intte ufayettida gishshassinne ufayssan maggulida gishshas, demban xikettiza ussa mala intte lifxettida gishshas, wodalla para mala intte caaggida gishshas,

ኤርማሳ ቲንቢቴ 50:29

«Wondafen olizayta Baabiloone bolla xeygite; issaadeyka kessi ekki bontta mala istta giddoththidi dunkaanite; GODAA Isra7eele geeshshaa kawushshida gishshas izi ooso mala izis zaarite; iza harata bolla ooththidayssaththo izi bolla ooththite.

ኤርማሳ ቲንቢቴ 50:42

Istti wondafetanne mashshata oykkida; istti maarontta menxe iitata, maarokka ooththettenna; istti parata toggishin istta giirissay abba dambala mala guummees; hanne Baabiloone macca nayee! olas giigettida olanchchata mala ne bolla yaana.

ኤርማሳ ቲንቢቴ 50:7

Demmida ubbay istta qohees; istta morkketi, ‹Nu bolla mooroy baa; hayssi metoy istta gakkiday bantta aawatas hidota gidida GODAA, tumappe isttas duussaso gidida GODAA qohida gishshassa› gida.

ኤርማሳ ቲንቢቴ 50:9

Tani pudeha baggafe wolqqama kawoteththata Baabiloone bolla denththeththana; isttika izi bolla salfana; histtidi izo heeppe oykkana; istta wondafey yeddontta loohida olanchchata mala.

ኤርማሳ ቲንቢቴ 51:2

Izo suragganaassinne izo dhayssanaas allagata ta Baabiloone bolla kiittana; iza metotida gallas izo dooddi oykkidi un7eththana.

ኤርማሳ ቲንቢቴ 51:27

«Biitta ubbaa bolla bandira denththite; kawoteththata giddon zaye punnite; kawoteththata izi bolla olas giigsite; Araraate, Minaanenne Ashkenaaze kawota olas izi bolla xeygi shiishshite; ola gadawa izi bolla shuumite; boole wude mala parata izi bolla yeddite.

ኤርማሳ ቲንቢቴ 51:3

Wondafe dukkizayti ba wondafe dukkanaas, ba ola may7o may7ana gakkanaas shemppo immofte; naateththa izi naytas qadhettofte; izi olanchchata mulera dhayssite.

ኢምባቆ ቲንቢቴ 2:17

Ne Libaanoose bolla ooththida geney nena mittana; neni medosata dhayssidayssi zaari nena daganththana; hessika ne asa suuth gussida gishshassinne dereta, katamatanne isttan dizayta ne ubbaa dhayssida gishshassa.

ኢምባቆ ቲንቢቴ 2:8

Ne daro dere miish bonqqida gishshas hankko bonqqettonttayti nena bonqqana; ne asa suuth gussadasa; deraa, katamanne izan dizayta wursa dhayssadasa.

ዮሃኒሳ ኣጁታ 17:5

Izi liiphe bolla, «Xuura, laymatizaytassinne biitta bolla tuna ooththizaytas aayo wogga Baabiloone» geetettiza sunththi xaafeti uttides.

1ሳሜላ ማጻፋ 17:20

Dawiti wonteththa gallas maaladora dorsata heemmiza asaas aggidi Isseyey iza azazida mala shinqeza ekki bides. Olanchchati olettanaas ceeqettishe soho soho oykkishin istti dunkaani uttidaso gakkides.