ኤርማሳ ቲንቢቴ 48:36 - Geeshsha Maxaafa

³⁶ «Ta wozinay Mo7aabessinne Qiire-Hereese asaas zayen yeekkiza asa mala yeekkees; gaasoykka istta dureteththi dhaydes.

ጋሞ ማጻፋ

³⁶ «ታ ዎዚናይ ሞኣቤሲኔ ቂሬ-ሄሬሴ ኣሳስ ዛዬን ዬኪዛ ኣሳ ማላ ዬኬስ፤ ጋሶይካ ኢስታ ዱሬቴ ይዴስ።

ኤርማሳ ቲንቢቴ 48:36 ပူးပေါင်းရင်းမြစ်များ

2ካዎታ ማጻፋ 3:25

Istta katamata mulera dhayssida; lo7o kaththa gadetikka shuchchan kamettana gakkanaas issoy issoy issi issi shuch gadezan yeggides; pulttotakka mulera tuccida; lo7o lo7o miththata ubbaaka qanxxi qanxxi yeggida; Qiire-Hereesete geetettizaara xalla ba shuchchara attadus; izo gidikkoka yanbarshan olettiza olanchchati giddoththidi olida.

ሌሚሶ ማጻፋ 11:4

Hanqo gallas dureteththi go7enna; gido attiin xilloteththi hayqoppe ashshees.

ሌሚሶ ማጻፋ 13:22

Lo7o asi baas naa nayta gakkanaas laatisees; nagaranchcha aqotay gidikko xillotas dagattees.

ሌሚሶ ማጻፋ 18:11

Dureta dureteththi isttas yuushoy gimbettida katama mala; istti bantta dureteththa ke7ettontta adussa gimbe mala qoodettees.

ኢሳያሳ ቲንቢቴ 15:5

Ta wozinay Mo7aabe gishshas yeekkides; izippe goodettida asati Zo7aare gakkanaas, Egilaate-Shalishiya gakkanaas baqatida; istti afunth gussishe pude Luhite kezida; qasse Horonayme efiza ogera bishe bantti dhayanayssas waassida.

ኢሳያሳ ቲንቢቴ 15:7

Hessa gishshas istti haarida aqotanne istti shiishshida haaro Ahaya shaafa tookki pinththeettes.

ኢሳያሳ ቲንቢቴ 16:11

Hessa gishshas ta wozinay Mo7aabe gishshas qadheta milas sissawus; Qiire-Hereeseta gishshas ta maraceya yeekkawus.

ኢሳያሳ ቲንቢቴ 63:15

Abeet GODAWU, dummatida, bonchchettidanne dhoqqu gida ne araataappe saloppe duge xeella; ne wolqqaynne ne mishettiza mishoy awanee? ne ashketeththaynne ne qadheteththi nuuppe haakkides.

ኤርማሳ ቲንቢቴ 17:11

Bessontta ogera aqota dagasiza asi ba phuqisontta ciye haphphiza kuracho mala. Iza layththay buro baggattishin izi aqota aggi baana; wurseththan iza eeyateththi qoncce kezana.

ኤርማሳ ቲንቢቴ 4:19

Waanoo tanii! Tani hayssa wostta dandayanee! Tana metides! Ta wozinay hirgees; tani co7u gaanaas dandaykke. Ays giikko tani zaye cenggurssinne ola cenggurs siyadis.

ኤርማሳ ቲንቢቴ 48:31

Hessa gishshas tani Mo7aabes yeekkays; Mo7aabe dere ubbaas, ‹Wuu! Wuy› gays; Qiire-Hereese asaasikka yeeho cenggurs sissays.