ኤርማሳ ቲንቢቴ 44:22 - Geeshsha Maxaafa

²² Intte ooththida iitanne harassiza ooso GODAY co7u gaanaas dandayontta gishshas hach intte be7iza mala intte biittay qanggeththas malata, asi baynda bazzo biitta gidides.

ጋሞ ማጻፋ

²² ኢንቴ ኦዳ ኢታኔ ሃራሲዛ ኦሶ ጎዳይ ጮኡ ጋናስ ዳንዳዮንታ ጊሻስ ሃች ኢንቴ ቤኢዛ ማላ ኢንቴ ቢታይ ቃንጌስ ማላታ፥ ኣሲ ባይንዳ ባዞ ቢታ ጊዲዴስ።

ኤርማሳ ቲንቢቴ 44:22 ပူးပေါင်းရင်းမြစ်များ

ሜቴ ማጻፋ 19:13

Ays giikko nuni hayssa katamaa dhayssana goos; ha deraa nagaray keehi daro gididayssa GODAY be7ida gishshas hayssa katamaa dhayssanaas nuna kiittides» gida.

ሜቴ ማጻፋ 6:3

GODAY, «Asi hayqqizaaza; iza layththayka 120 layththafe darenna; hessa gishshas ta Ayanay asa naa bolla mernaas deenna» gides.

2ካዎታ ማጻፋ 17:15

Iza maara, izi istta aawatara gelida caaqo qaalanne izi isttas minththi yootida qaalaa kadhida; hada gidida eeqa xoossata kaallida; banttaska hada gidida; GODAY isttas, «Istti ooththizayssa intte ooththofte» giidi azaziinkka istti bantta yuushon diza kawoteththata kaallida; istti ooththontta mala GODAY diggidayssa polida attiin aggibeettenna.

ኢሳያሳ ቲንቢቴ 1:24

Hessa gishshas GODAY, Ubbaafe Wolqqama GODAA Isra7eele Xoossay, «Tani ta morkketa bolla ta hanqo gussana; tana komizayta bollaka tani halo kessana.

ኢሳያሳ ቲንቢቴ 43:24

Neni taas lo7o sawiza exaane shammabeekka; modhdho yarshon tana kalssabeekka. Gido attiin ne nagara tooho tana toossadasa; qohon tana daaburissadasa.

ኢሳያሳ ቲንቢቴ 7:13

Isayaasi, «Intteno Dawite zaretoo, siyite! Intte asaa saleththizayssi guuxxiin Xoos saleththanaas dendidetii?

ኤርማሳ ቲንቢቴ 15:6

«Ne tana aggadasa; guye guye baasa; hessa gishshas tani ne bolla ta kushe denththada nena dhayssana; hayssafe guye nees qadhettike.

ኤርማሳ ቲንቢቴ 18:16

Istta biittay bulanne mernaas kadhettidaaz gidana; heera aadhdhiza ubbay malalettana; ba hu7ekka qidhishe qaaththana.

ኤርማሳ ቲንቢቴ 21:12

Intteno Dawite soo asawu! Intte ooththida iita ooso gaason eexxiin oonikka toyssana dandayontta tama mala ta hanqoy intte bolla eexxontta mala wonttan wonttan suure pirdite; bonqqettidayta un7eththizayta kusheppe ashshite› gees ga.

ኤርማሳ ቲንቢቴ 23:2

GODAA Isra7eele Xoossay ba asaa heemmiza heenththanchchatas, «Intte ta dorsata laallidi wora yeddida gishshassinne intte istta lo7eththi xeellontta aggida gishshas intte iitateththaas bessiza qixaate ta immana.

ኤርማሳ ቲንቢቴ 24:9

Biitta bolla kawoteththata ubbaa sinththan harassettizaytanne cayettidayta gidana; istta laalla yeddizaso ubbaan istti qidhes, leemisos, kadhessinne qanggeththas ta istta ooththana.

ኤርማሳ ቲንቢቴ 25:11

Ha biittay mulera bulanne kays gidana; ha kawoteththatikka Baabiloone kawos laappun tammu layth haarettana.

ኤርማሳ ቲንቢቴ 25:18

Hach hanidayssa mala istti bula, asi harasettizayta, kadhizaytanne qanggettidayta gidana mala Yerusalaamenne Yuhuda katama asata, istta kawotanne istta shuumeta ubbaa,

ኤርማሳ ቲንቢቴ 25:38

Gaammoy ba aqizasoppe yeggi biza mala un7eththizayssa mashshafenne GODAA hanqofe dendidayssan istta biittaya bula gidana.

ኤርማሳ ቲንቢቴ 26:6

tani ha Keeththaa Seelo mala ooththana; ha katamayokka sa7a bolla diza kawoteththa ubbaa sinththan qanggettidaaro histtana› gees ga» gides.

ኤርማሳ ቲንቢቴ 29:18

Tani istta mashshan, koshaninne iita hargen yedeththana; histtada tani istta sa7a kawoteththata ubbaa sinththan kadhessinne qidhes kessana; qasse tani istta yedeththa yeddida deraa giddon qanggeththassinne dagamas, boressinne kadhes malata gidana.

ኤርማሳ ቲንቢቴ 29:19

Gaasoykka ta oosanchcha nabeta bolla tani isttas zaara zaarada kiittida ta qaala istti siyontta ixxida. Intteka di7etti bidayti siyontta ixxideta› gees.

ኤርማሳ ቲንቢቴ 30:14

Intte laggeti ubbay inttena dogida; istti intte gishshas wudettettenna; tani inttena morkke shociza mala shocadis; menxe iita asa mala ta inttena qaxxayadis. Gaasoykka intte qohoy gita; intte nagaraykka daro.

ኤርማሳ ቲንቢቴ 34:22

Tani istta azazana; istti ha katamayo olana mala tani zaara ehana; isttika katamayo oli oykkananne taman xuuggana; tani Yuhuda katamata asi bayndaso bula kessana» gees.

ኤርማሳ ቲንቢቴ 4:4

Intteno Yuhuda asatoo, Yerusalaamen dizaytoo! GODAAS intte qaxxarettite; intte wozina iitateththaa diggite; histtontta aggiko intte ooththida iitateththaa gishshas ta hanqoy tama mala eexxi kezana; oonikka iza toyssanaas dandayenna» gees.

ኤርማሳ ቲንቢቴ 42:18

«Ubbaafe Wolqqama GODAA Isra7eele Xoossay, ‹Ta hanqoynne boshay Yerusalaamen dizayta bolla gukkida mala intte Gibxe geliza wode intte bollaka gukkana; intte dagamas, qidhes, qanggeththassinne palqqes malata gidandeta; ha biittaa zaari be7ekketa› gees.

ኤርማሳ ቲንቢቴ 44:12

Yuhudan casha attidayti Gibxe biidi heen daana qachchida ubbata tani denththa dhayssana; istti ubbay dhayana; Gibxe biittan mashshaninne koshan wurana; gitappe gashe gakkanaas diza ubbay mashshaninne koshan hayqqana; palqqes, dagamas, qanggeththassinne qidhes kezana.

ኤርማሳ ቲንቢቴ 44:2

Ubbaafe Wolqqama GODAA Isra7eele Xoossay, «Yerusalaame bollaninne Yuhuda katamata ubbaa bollan tani ehida bash ubbaa intte intte ayfera be7ideta; istti hach gakkanaas oonikka dontta bazzo biitta gidi attida.

ኤርማሳ ቲንቢቴ 44:6

Hessa gishshas Yuhuda katamata bollanne Yerusalaame ogeta bolla ta hanqoynne bashshi wodhdhidi tama mala eexxides; hach intte be7iza mala oonikka dontta mala laalettidaso gidides.

ኤርማሳ ቲንቢቴ 48:9

Mo7aabey piradhdha attana mala izis qefe immite; izi katamati aykkoy baynda bula gidana.

ኤርማሳ ቲንቢቴ 5:9

Tumuppe tani ha yo7ota gishshas istta qaxxayanaas bessennee? Tani ta hu7era hessa mala kawoteththa bolla halo kessana bessennee?» gees.

ሂዚቄላ ቲንቢቴ 39:23

Isra7eele asay taas ammanettontta ixxidi nagara ooththida gaason istti goodettidayssa kawoteththati erana. Hessa gishshas tani ta ayfeso isttafe genththadis; tani istta istta morkketas aaththa immadis; istti ubbay mashshan wurida.

ሂዚቄላ ቲንቢቴ 5:13

«Hessafe guye ta hanqoy dochchana; istta bolla boshaykka simmana; ta istta bolla halo kessiko taas woppu gaana; ta istta bolla bashsha gaththidaappe guye tani GODAY zil7etta haasaydayssa istti erana.

ዳኔላ ቲንቢቴ 9:11

Isra7eele asay ubbay nees azazettibeenna; ne wogaakka ubbaa menththidi kare kezides. «Nuni nena qohida gishshas ne oosanchchaza Muse wogaan xaafettida caaqozinne qanggeththazi nu bolla gakkides.

ዳኔላ ቲንቢቴ 9:12

‹Intte bollanne inttena kaaleththizayta bolla ta gita meto ehana› gaada kase ne yootidayssa ubbaa nu bolla poladasa; he wode Yerusalaame bolla gakkida qixaate malay haraso awanka gakkibeenna.

ኣሞጼ ቲንቢቴ 2:13

Be7ite daro kath deexetti caanettida gaarey garsara diza miish liiqisiza mala tanikka inttena liiqisana.

ሚልካሳ ቲንቢቴ 2:17

Intte coo hada haasayan GODAA saleththideta; «Nu iza aazan saleththidonii?» geeta; intte iza saleththiday, «Iita ooththizayti ubbay Xoossa sinththan lo7o; izikka isttan ufayettees» guussan woykko «Tuma pirdiza Xoossi awan dizee?» guussanna.

ኦሮሜ ኣሳስ 9:22

Xoossika ba hanqo bessanaassinne ba wolqqa erisanaas koyidi iza hanqo qonccisizayta, dhayanaas giigettidayta dhayssontta aggikochchi!