ኤርማሳ ቲንቢቴ 4:24 - Geeshsha Maxaafa

²⁴ Tani zumata xeellada istti kokkorishininne zumbullati ubbay yon7iyon7ishin be7adis.

ጋሞ ማጻፋ

²⁴ ታኒ ዙማታ ጼላዳ ኢስቲ ኮኮሪሺኒኔ ዙምቡላቲ ኡባይ ዮንኢዮንኢሺን ቤኣዲስ።

ኤርማሳ ቲንቢቴ 4:24 ပူးပေါင်းရင်းမြစ်များ

1ካዎታ ማጻፋ 19:11

GODAY izas, «Hessafe keza baada zumaa xeeran ta sinththan eqqa; GODAY heera aadhdhana» gides. Hessafe guye wolqqama carkoy zumata phalqereththides; zaallatakka kinchchereththi yeggides; GODAY gidikko he carkoza giddon deenna. He carkozappe simmiin biittay qaaxxides; GODAY he biitta qaaththaankka deenna.

ዬ ማጻፋ 18:7

Xoossi hanqettida gishshas biittay qaaxxides; zumata xaphoy kokkorides.

ዬ ማጻፋ 77:18

Ne dada gunththay gote carko giddon kooshimides; ne wolqqanththa phoolleththi sa7a poo7isides; biittayka qaaxxi kokkorides.

ዬ ማጻፋ 97:4

Iza wolqqanththi sa7a poo7isees; biittay hessa be7idi qaaxxees.

ኬሳ ማጻፋ 19:18

GODAY Siina zumaa bolla tamara wodhdhida gishshas gita cooceppe keziza mala cuway tullu gi kezidi zumaa kumeth kammides; zumazi kumeth keehi qaaxxides.

ኢሳያሳ ቲንቢቴ 13:13

Hessa gishshas tani Ubbaafe Wolqqama GODAY, ‹Tani ta hanqo qonccisiza wode salo qaaththana; sa7akka izi de7izason kokkorsana› gees.

ኢሳያሳ ቲንቢቴ 24:20

Biittay maththottida asa mala yiicotides; carkoy sugida gaabba mala gidadus. Biitta makkallateththay deexo gidida gishshas kundana; nam7anththoka simmi dendenna.

ኢሳያሳ ቲንቢቴ 5:25

GODAA hanqoy iza deraa bolla eexxi ke7ides; izi ba kushe denththidi istta shocides. Zumati qaaxxida; hayqqida asaa ahay oge bolla pitti yeggida buura mala gidides; histti pe7iinkka iza hanqoy simmibeenna; iza kushey ha7ikka dendida mala dees.

ኤርማሳ ቲንቢቴ 10:10

Gido attiin GODAY tumu Xoossa; izi de7o Xoossanne mernaa Kawo. Izi hanqettiza wode biittay qaaxxees; kawoteththatikka iza yiillo dandayettenna.

ኤርማሳ ቲንቢቴ 8:16

Morkketa para peenoy Daane katamappe siyettees; istta wodalla parata caashan biittay ubbay qaaxxees; biittayonne biittay bolla diza ubbaa, katamayonne izin diza ubbaa mittanaas yida» geettes.

ኤርማሳ ቲንቢቴ 9:10

Tani dhoqqa deretas yeekkananne waassana; bazzon heenththasohotas kayottana. Gaasoykka istti dhayda; heera issi asinne kanththenna. Mehe waasoy siyettenna; salo kafotinne do7ati baqatidi bichchida.

ሂዚቄላ ቲንቢቴ 38:20

Abba moleti, salo kafoti, wora do7ati, biitta bolla tiran gooshettiza ay medheteththatikka, hessaththo biitta bolla diza as ubbay ta sinththan kokkorana; zumati shiretti shiretti wodhdhana; aafoti woddana; dirsa gimbey ubbay laalettana.

ሚኪያሳ ቲንቢቴ 1:4

Muqaadday tama be7idi seeriza malanne haaththi aafora duge goggiza mala he wode zumati iza toho garsan seerana; shoobbatikka phalqetti wodhdhana.

ኢምባቆ ቲንቢቴ 3:10

Zumati nena be7idi mannida; Haaththaa dambalay aadhdhi bides; abbay ceeqettides; abbaa dambalakka pude denththides.

ኢምባቆ ቲንቢቴ 3:6

Izi eqqiin biittay qaaxxides; izi xeellidi asaa kokkorisides; Mernaas diza zumati laaleteth piski gida; Beniisofe diza zumatikka woddida; Iza ogey mernaassa.

ዮሃኒሳ ኣጁታ 6:14

Saloykka waraqata mala xaaxetti kichchides; zumatinne abba giddon diza gadeti wurikka ba dizasoppe dhayda.