ኤርማሳ ቲንቢቴ 39:4 - Geeshsha Maxaafa

⁴ Yuhuda Kawo Sedeqiyaasinne iza olanchchati ubbay Baabiloone olanchchata be7ida wode baqatida; omarsara kawoy dooza tokkizasoho baggara nam7u gimbetappe giddora katamaappe kezidi Yordaanoose zulle bida.

ጋሞ ማጻፋ

⁴ ዩሁዳ ካዎ ሴዴቂያሲኔ ኢዛ ኦላንቻቲ ኡባይ ባቢሎኔ ኦላንቻታ ቤኢዳ ዎዴ ባቃቲዳ፤ ኦማርሳራ ካዎይ ዶዛ ቶኪዛሶሆ ባጋራ ናምኡ ጊምቤታፔ ጊዶራ ካታማፔ ኬዚዲ ዮርዳኖሴ ዙሌ ቢዳ።

ኤርማሳ ቲንቢቴ 39:4 ပူးပေါင်းရင်းမြစ်များ

2ታሪኬ ማጻፋ 32:5

Hessafe guye Hizqiyaasi minni ooththidi laalettida dirsaa gimbeza ubbaa zaareththidi gimbides; histtidi iza bolla shakkota keexxides; he dirsaa gimbezappe kare baggara hara dirsa gimbides; qasse Dawite katama gimbey kundontta mala kare baggara keccides; daro ola massaratanne gondalleta ooththides.

ኢሳያሳ ቲንቢቴ 22:11

Kase gal7a eele haaththaa zaaridi, iza minjjizaso nam7u gimbetappe giddon giigsideta. Gido attiin intte hessa ooththiday oonakko eribeekketa; koyro halchchi ooththidayssa akeekibeekketa.

ኢሳያሳ ቲንቢቴ 22:3

Nena ayssizayti ubbay issife baqatida; wondafe denththontta dishe di7ettida; morkkey haahon dishin baqatida ubbatoo! Intte oykettidi issi bolla qashettideta.

ኢሳያሳ ቲንቢቴ 29:2

Gido attiin tani Ar7eele katamayo giddoththana; iza yeekkananne waassana; iza taas yarsho yarshizaso gidana.

ኤርማሳ ቲንቢቴ 32:4

Yuhuda kawo Sedeqiyaasi Baabiloone kawos aadhdhi imettana; kawoza sinththan eqqidi iza haasayssana; izikka ba ayfera be7ana attiin Baabilooneta kusheppe kessi ekki attenna.

ኤርማሳ ቲንቢቴ 32:5

Hessafe guye istti Sedeqiyaasa Baabiloone efana; histtiin tani iza bolla pirdana gakkanaas izi heen daana; intte Baabiloone asatara olettiko inttes giigenna› gees gaasa» giidi hessa gishshas qashissides.

ሂዚቄላ ቲንቢቴ 12:12

«Istta giddon diza halaqay omarsara baas diza miish shiishshi tookkidi kezana; izi baqati baana mala gimbey lukettana; biittaa be7ontta mala ba ayfeso kammana.

ሂዚቄላ ቲንቢቴ 12:4

Gallas istti xeellishin nees diza miish goodetti biza asa mala kessa; omarsika istti xeellishin di7etti biza asa mala keza.

ሌዌታ ማጻፋ 26:17

Tani intte bolla hanqon dendiza gishshas intte xoonettana; intte ixxiza intte morkketi inttena haarana; oonikka inttena gooddontta intte intterkka baqatana.

ሌዌታ ማጻፋ 26:36

« ‹Intte bete biittan dizayti wurikka carkoy qaaththiza qonashe giiris siyidi dagaman piradhdhi baqatana mala ta ooththana; morkkey olason gooddiin woxxiza mala intte woxxana; ay morkkeyka intte achchan baynda intte dhuphetti kundana.

ኣሞጼ ቲንቢቴ 2:14

Pilata asi kessi ekki attenna; minoykka ba minoteththan maadettenna; wolqqamaykka ba shemppo ashshenna.

ዛሬ ማጻፋ 28:25

GODAY ne morkketa sinththan neni xoonettana mala ooththana; neni istta bolla issi ogera baanashin isttafe attanaas laappunasora baqatana; biitta bolla diza kawoteththati ubbay ne bolla gakkizayssa be7idi hirgan kokkorana.