ኤርማሳ ቲንቢቴ 36:5 - Geeshsha Maxaafa

⁵ Hessafe guye Ermaasi Baarokes, «Tani GODAA Keeth gelontta mala digettida gishshas gelana dandaykke.

ጋሞ ማጻፋ

⁵ ሄሳፌ ጉዬ ኤርማሲ ባሮኬስ፥ «ታኒ ጎዳ ኬ ጌሎንታ ማላ ዲጌቲዳ ጊሻስ ጌላና ዳንዳይኬ።

ኤርማሳ ቲንቢቴ 36:5 ပူးပေါင်းရင်းမြစ်များ

ናሂሚያ ማጻፋ 6:10

He wode iza bolla iza keeththa karey gordettiin diza Mahexabi7eele naaza naa Dallaya naa Shamayakko badis; izikka «Nena wodhana omarsatappe issi omars yiza gishshas taninne neni Xoossa keeth geli nu bolla pengeta gordidi ane qotettoos» gides.

ዬ ማጻፋ 88:8

Neni ta laggeta taappe haassadasa; istti tana shuunettana mala ooththadasa; tana giddoththida; kessa ekkanawukka dandaykke.

ኤርማሳ ቲንቢቴ 20:2

nabe Ermaasa shocides; Xoossa Keeththaafe pude baggara diza Biniyaame gimbe penge bolla agrimooqen qachchides.

ኤርማሳ ቲንቢቴ 32:12

Histtada paramettida wule waraqataa ta aawa ishaa naa Hanaam7eele sinththan, paramida markkatta sinththaninne zabe naagiza keeththa zagon uttida ubbaa Ayhudata sinththan Ma7iseya naa, Neeriya naa Baarokes immadis.

ኤርማሳ ቲንቢቴ 32:2

He wode Baabiloone kawo olanchchati Yerusalaame giddoththida; nabe Ermaasi Yuhudan kawoteththa keeththa zagon diza zabeta keeththan gordetti uttides.

ኤርማሳ ቲንቢቴ 33:1

Ermaasi zabe naagizayta kifilen qashon dishin GODAA qaalay izakko nam7anththo yides.

ኤርማሳ ቲንቢቴ 37:15

Shuumetikka keehi hanqettidi Ermaasa wadhdhida; hessafe guye istti qasho keeth histtida xaafe Yoonataane keeththan efi qachchida.

ኤርማሳ ቲንቢቴ 38:28

Yerusalaamey oykettana gakkanaas Ermaasi zabeta zagon gam7ides.

ኤርማሳ ቲንቢቴ 38:6

Histtiin istti Ermaasa kawo keeththa naagiza zabeta dubbushan diza kawo naa Malkiya haaththaa ollan yeggida; istti iza wodorora duge ollaan woththida; he wode he ollazan urqqafe attiin haaththi deenna; Ermaasi he urqqaan mitettides.

ኤርማሳ ቲንቢቴ 40:4

Beya, ha7i ne qashetta uttida sansalata ne kusheppe birshadis; tanara Baabiloone biitta baana giikko aadhdha; ne dosizaa gidikko tanara Baabiloone yedhdha; tani nena qallayana; ne dosontta aggiko booppa; be7a dere ubbay ne sinththan dees; ne dosidaso ba» gides.

2ቆሮንቶሴ ኣሳስ 11:23

Heytantti Kirstoosa oosanchchatee? Tani qasse isttafe bollara Kirstoosas ooththizaade; ta hessaththo gizay gooshsha mala gidadakko! Tani isttafe daro wode ooson daaburadis; daro wode qashettadis; daro wode garafettadis; daro wode hayqos gakkadis.

ኤፌሶኔ ኣሳስ 3:1

Hessa gaason ta Phawuloosi inttes ammanonttayta gishshas Yesus Kirstoosi qachchidaade gidadis.

ኤፌሶኔ ኣሳስ 6:20

Tani Mishiraachcho qaalaa gishshas sansalatan qashettada kiitettidaade gididay hessassa; hessa gishshas ta yootanaas bessizayssa babbontta yootana mala taas woossite.

2ጺምቶሳስ 2:9

Hessa gaason iita ooththida asa mala qashettana gakkanaas waaye beyays; gido attiin Xoossa qaalay qashettenna.

Ibirawe 11:36

Issi issi asati asan kaa7ettida; garafettida; baggayti qasse qasho keeth gelida.