ኤርማሳ ቲንቢቴ 32:40 - Geeshsha Maxaafa

⁴⁰ Tani isttara mernaas gidiza caaqo caaqettana; tani isttas lo7o miish ooso aggike; istti taappe wora simmontta malanne istti taas yayyana mala ta ooththana.

ጋሞ ማጻፋ

⁴⁰ ታኒ ኢስታራ ሜርናስ ጊዲዛ ጫቆ ጫቄታና፤ ታኒ ኢስታስ ሎኦ ሚሽ ኦሶ ኣጊኬ፤ ኢስቲ ታፔ ዎራ ሲሞንታ ማላኔ ኢስቲ ታስ ያያና ማላ ታ ኦና።

ኤርማሳ ቲንቢቴ 32:40 ပူးပေါင်းရင်းမြစ်များ

2ሳሜላ ማጻፋ 23:4

izi shaaray bayndason, maalado xalqqey keziza wode diza poo7o mala; izi biitta bolla maata purccisiza xalqqe mala, iray bukki aadhdhishin ke7iza awa mala› gides.

ዬ ማጻፋ 80:19

Abeet Ubbaafe Wolqqama Xoossawu! Nuna zaara; nuni attana mala ne ayfeso nuus poo7isa.

ኢሳያሳ ቲንቢቴ 24:5

Biittay ba asaan tunadus; istti woga menththida; maaraa moorida; mernaa caaqo qaala menththida.

ኢሳያሳ ቲንቢቴ 55:3

Intte hayth doydi haa taakko shiiqite; intte shemppora paxa daana mala ta gizaa ezgi siyite; kase ta Dawitera caaqqida mino siiqon inttenarakka mernaa caaqo caaqettana.

ኢሳያሳ ቲንቢቴ 61:8

Tani GODAY suure pirda dosays; bonqqanne qoho ixxays. Ta ammaneteththan isttas bessizayssa immana; isttara mernaa caaqo qaala gelana.

ኤርማሳ ቲንቢቴ 24:7

Tani GODAA gididayssa eriza wozina isttas immana; istti bantta kumeththa wozinappe taakko simmana gishshas istti ta dere gidana; tanikka istta Xoos gidana.

ኤርማሳ ቲንቢቴ 31:34

Hayssafe guye oonikka ba lagge woykko ba isha, ‹GODAA era› giidi tamaarsenna; gaasoykka guuththafe doommidi gita gakkanaas istti ubbay tana erana; tanikka istta qoho atto gaana; istta nagarakka nam7anththo zaara qoppike» gees GODAY.

ኤርማሳ ቲንቢቴ 50:5

Istti Xiyoone efiza oge oychchana; bantta sinth hee zaarana; yiidi mulera dogettontta mernaa caaqo qaalan GODAARA oykettana.

ሂዚቄላ ቲንቢቴ 36:26

Tani inttes ooraththa wozina immana; ooraththa ayanakka intte ta giddon ayssana; qasse shuchcha wozina intte giddofe kessada asho wozina immana.

ሂዚቄላ ቲንቢቴ 36:27

Tani ta Ayana intte giddon ayssana; intte ta maaraa kaallana malanne ta wogaa minththi naagana mala ooththana.

ሂዚቄላ ቲንቢቴ 37:26

Tani isttara Saroteththa caaqo qaala gelana; he caaqo qaalaykka mernaas gidana. Tani istta minththana; corissana; ta Keeththaaka istta giddon mernaas woththana.

ሂዚቄላ ቲንቢቴ 39:29

Tani Ayana Isra7eele asaa bolla gussana gishshas hayssafe guye tani ta ayfeso isttafe genththike. Tani Ubbaa Haariza GODAY hayssa yootays› gees» gides.

ሚኪያሳ ቲንቢቴ 4:5

Hankko derey ba eeqa sunththan bees; nuni qasse mernaappe mernaa gakkanaas nu GODAA sunththan baana.

ዛሬ ማጻፋ 31:6

Inttes murttateththinne xalateththi de7o; isttas mulekka babboftenne dagammofte; GODAA intte Xoossay inttenara dees; izi inttena yeggi aggenna» gides.

ዛሬ ማጻፋ 31:8

GODAY nenara gididi izi nena kaaleththana; izi nena yeggenna; mulekka aggenna; hessa gishshas babbofa; hidotakka qanxxofa» gides.

Ibirawe 13:20

Dorsata heenththanchchay wogga Godaa Yesus Kirstoosa ba mernaa caaqo qaala suuththan iza hayqoppe denththida saroteththa Xoossi,

Ibirawe 4:1

Gede shemposo gelanaas imettida hidotay ha7ikka naagetti diza gishshas intte giddofe oonikka hessas bessonttaade gidontta mala ane naagettoos.

Ibirawe 7:24

Yesusi gidikko mernaas dizaade gidida gishshas iza qeeseteththi shaarettontta qeeseteththa.

ያቆቤ ኪታ 1:17

Lo7o imoteththinne kumeththa anjjoy wuri bolla salo poo7ota Aawappe wodhdheettes; iza achchan yaanne haa yuuyiza eeshoykka deenna.

1ጴጽሮሳ ኪታ 1:5

Intteka wurseththa gallassan buro qonccana atoteththaas ammano gaason Xoossa wolqqan naagettideta.