ኤርማሳ ቲንቢቴ 31:37 - Geeshsha Maxaafa

³⁷ GODAY, «Bollan diza salota gakki wadhdhanaas dandayettiko, woykko garsan diza biitta xapho gakki pilggi eranaas dandayettiko he wode tani Isra7eeley ooththida ooso ubbaa gishshas ta istta yegga aggana» gees.

ጋሞ ማጻፋ

³⁷ ጎዳይ፥ «ቦላን ዲዛ ሳሎታ ጋኪ ዋናስ ዳንዳዬቲኮ፥ ዎይኮ ጋርሳን ዲዛ ቢታ ጻጶ ጋኪ ፒልጊ ኤራናስ ዳንዳዬቲኮ ሄ ዎዴ ታኒ ኢስራኤሌይ ኦዳ ኦሶ ኡባ ጊሻስ ታ ኢስታ ዬጋ ኣጋና» ጌስ።

ኤርማሳ ቲንቢቴ 31:37 ပူးပေါင်းရင်းမြစ်များ

ኢዮቤ ማጻፋ 38:18

Sa7ay ay keena dalga gididaakko ne eray? Ane hayssa ubbaa erizaa gidikko ne taas yoota.

ዬ ማጻፋ 89:2

Tani ne mernaa siiqoy mernaas eqqidayssanne neni ne ammaneteththaa salon minththada essidayssa yootana.

ሌሚሶ ማጻፋ 30:4

Salo pude ke7idi duge wodhdhiday oonee? Carko ba kushen oykkiday, haath ba afalan yiiciday sa7a gaxa iza soon soon woththiday oonee? Ane erikko iza sunth taas yoota; Iza naaza sunththi oona geetettizee?

ኢሳያሳ ቲንቢቴ 40:12

Haaththata ba kushe kuphphen makkiday, salota tadhdhakiday, baana daachchon makki oykkiday, zumata ba meezaanen, zumbullatakka meezaanen woththiday oonee?

ኢሳያሳ ቲንቢቴ 54:9

«Hayssi taas Nohe wode haaththi biitta zaari dhayssontta mala ta caaqqoyssaththo ha7ikka ne bolla zaarada hanqettontta malanne seerontta mala ta caaqqadis.

ኢሳያሳ ቲንቢቴ 65:9

Tani Yaaqoobe zereththatappenne Yuhuda zereththafe ta zumata laattanayta ta ehana; doorettida ta derey istta laattana; ta ashkaratikka heen daana.

ኤርማሳ ቲንቢቴ 30:11

Tani inttena ashshanaas inttenara days; tani inttena kawoteththata giddon laalladis; he kawoteththata mulera dhayssana; gido attiin inttena mulera dhayssike; tani qixaatey baynda coo aggike; gidikkoka tani inttena ginara qaxxayana» gees GODAY.

ኤርማሳ ቲንቢቴ 33:22

Tani ta oosanchcha Dawite zaretanne ta sinththan haggaziza Lewe qommota qooday baynda salo xoolintteta malanne makkiin wurontta abba shaamintta mala darsana» gees.

ኤርማሳ ቲንቢቴ 46:28

Ta nenara diza gishshas ta oosanchcha Yaaqoobe babbofa. Ta nena izan laallida kawoteth ubbaa mulera dhayssikokka nena gidikko mulera dhayssike. Ta nees bessiza qixaate qaxxayana attiin mela aggike» gees GODAY.