ኤርማሳ ቲንቢቴ 31:30 - Geeshsha Maxaafa

³⁰ Gido attiin asay issoy issoy ba nagaran nagaran hayqqana; woyne teera qawu7e mida asa achchi ubbay zil7ana» gees GODAY.

ጋሞ ማጻፋ

³⁰ ጊዶ ኣቲን ኣሳይ ኢሶይ ኢሶይ ባ ናጋራን ናጋራን ሃይቃና፤ ዎይኔ ቴራ ቃዉኤ ሚዳ ኣሳ ኣቺ ኡባይ ዚልኣና» ጌስ ጎዳይ።

ኤርማሳ ቲንቢቴ 31:30 ပူးပေါင်းရင်းမြစ်များ

2ካዎታ ማጻፋ 14:6

Gido attiin Muse woga maxaafan GODAY, «Asi ba ooththida nagaran hayqqo attiin aawati bantta nayta nagaran, nayti bantta aawata nagaran hayqqofetto» giidi azazida gishshas kase shemppo wodhidayta nayta wodhibeenna.

ኢዮቤ ማጻፋ 21:20

Nagaranchchati bantti ooththida qohon bantta qixaate ekketto; ubbaa dandayza Xoossi ba hanqoza istta bolla eho.

ኢሳያሳ ቲንቢቴ 3:11

Iitatas aayye ana! Istta bolla iita miishshi yaana; ays giikko istti bantta ooso mala ekkana.

ሂዚቄላ ቲንቢቴ 18:20

Hayqqanaas bessizay nagara ooththida shemppo. Nay bana yelidayta nagaran qaxxayettenna; hessa malankka yelidayti ba nayta nagaran qaxxayettettenna. Xilloy ba xilloteththa ayfe maana; nagaranchchayka ba nagaraa gate ekkana.

ሂዚቄላ ቲንቢቴ 18:4

Be7ite asa ubbaa shemppoy taassa; yelidayta shemppoy taas gidida mala istta nayta shemppoyka taassa; nagara ooththida shemppoya hayqqana.

ሂዚቄላ ቲንቢቴ 3:24

Ayanay ta giddo gelidi tana ta tohon essides; histtidi tana, «Ba; ne soho gelada ne bolla penge gorda.

ሂዚቄላ ቲንቢቴ 33:13

Xillo as tumappe neni shemppora paxa daana giin izikka ba xilloteththan ammanettidi iita ooththiko iza xillo oosotappe issoyka qofettenna; izikka ba nagara gaason hayqqana.

ሂዚቄላ ቲንቢቴ 33:18

Xillo asi ba xilloteththa ooso aggidi iita miish ooththiko izi ba nagaran hayqqana.

ሂዚቄላ ቲንቢቴ 33:8

Tani iitaza, ‹Haysso iitazoo, neni tumappe hayqqana› tani gida wode, izi ba ogeppe simmana mala ne ooththontta aggiko he iita addezi ba nagaran hayqqana; neni gidikko iza suuththaa gishshas oyshettana.

ጋላቲያ ኣሳስ 6:5

Issi issi asi barkka ba tooho tookkanaas bessees.

ዛሬ ማጻፋ 24:16

Nayti moorida mooron yelidayti, qasse yelidayti moorida mooron istta nayti hayqon qaxxayettanaas bessenna; issoy issoy ba moorida mooroza gishshas hayqon qaxxayetto.

ያቆቤ ኪታ 1:15

Amoy qanththatidi nagara yelees; nagaraykka diccidaappe guye hayqo yelees.