ኤርማሳ ቲንቢቴ 31:10 - Geeshsha Maxaafa

¹⁰ «Intteno kawoteththatoo GODAA qaala siyite! Haahon diza abba gaxatankka, ‹Isra7eele laalliday izi istta zaari shiishshana; ba wudezakka heenththanchcha mala izi heemmana› giidi awajjite.

ጋሞ ማጻፋ

¹⁰ «ኢንቴኖ ካዎቴቶ ጎዳ ቃላ ሲዪቴ! ሃሆን ዲዛ ኣባ ጋጻታንካ፥ ‹ኢስራኤሌ ላሊዳይ ኢዚ ኢስታ ዛሪ ሺሻና፤ ባ ዉዴዛካ ሄንንቻ ማላ ኢዚ ሄማና› ጊዲ ኣዋጂቴ።

ኤርማሳ ቲንቢቴ 31:10 ပူးပေါင်းရင်းမြစ်များ

ሜቴ ማጻፋ 10:5

Haytanttafe abba doonan diza asay wuri ba biittan biittan, ba qaalan qaalan, ba qommon qommoninne, ba kawoteththan kawoteththan shaakettides.

ዬ ማጻፋ 147:2

GODAY Yerusalaame ooraxissana; Isra7eeleppe betidaytakka shiishshana.

ዬ ማጻፋ 23:1

GODAY ta heenththanchcha; taas aykkoyka paccenna.

ዬ ማጻፋ 72:10

Tarseese kawotinne harurota kawoti izas giira ehana. Saabanne Saaba kawoti izas kushe genththo ehana.

ሌሚሶ ማጻፋ 27:23

Ne dorsati de7iza hanota lo7eththada era; ne wudekka wozinappe heemma.

ኢሳያሳ ቲንቢቴ 24:14

Istti bantta qaalaa dhoqqu histtidi ufayssan yexxana; arshey wulliza baggafe GODAA gitateththa yootana.

ኢሳያሳ ቲንቢቴ 27:12

He gallas Efiraaxise shaafappe haaththi baynda Gibxe Shaafa gakkanaas GODAY ba kaththaa bukkana; intteno Isra7eele asatoo, intte issoy issoy shiiqana.

ኢሳያሳ ቲንቢቴ 40:1

Intte Xoossay, «Minththeththite! Ta dereza minththeththite!

ኢሳያሳ ቲንቢቴ 40:11

Izi ba wude heenththanchcha mala heemmees; ba laaqqatakka ba qesen tookkees; ba ki7onkka idimmees; dhanththizaytakka loddara kaaleththees.

ኢሳያሳ ቲንቢቴ 41:1

GODAY, «Intteno harurotoo, co7u giite; kawoteththati ba wolqqa ooraththetto; shiiqidi haasayetto; ane pirda shilota sinththan gayttoos.

ኢሳያሳ ቲንቢቴ 42:10

Intteno duge abban wodhdhizaytoo, heen diza ubbatoo! Intteno harurotoo! Heenkka diza ubbatoo! GODAASSI ooraththa mazamure yexxite; biittaa gaxaappe doommidi izas galata mazamure shiishshite.

ኢሳያሳ ቲንቢቴ 42:4

Izi biitta bolla suure pirda ehana gakkanaas daaburenna; hidotakka qanxxenna; haruroti iza wogan ammanettana» gees.

ኢሳያሳ ቲንቢቴ 48:20

Baabiloone biittafe kezite; Baabiloone asaappe baqatite! Hayssa ililisan erisite; awajjite; biitta gaxa gakkanaas yootite; «GODAY ba ashkaraa Yaaqoobe wozzides» giite.

ኢሳያሳ ቲንቢቴ 54:7

«Guuththa wode tani nena aggadis; gido attiin gita qadhetan ta nena zaara shiishshana.

ኢሳያሳ ቲንቢቴ 60:9

Tumukka haruroti tanan hidota ooththeettes; izi nena ba bonchcho mayzida gishshas, GODAA ne Xoossa bonchchos, Isra7eele Geeshshaas haakoppe ne attuma nayta, istta biraaranne worqqaara gaththi ehanaas Tarseese markabeti sinththati kezana.

ኢሳያሳ ቲንቢቴ 66:19

Tani istta giddon malata ooththana; isttafe attida issi issineta gede kawoteththatakko, Tarseese, Puuxe, wondafen olettiza erettida Luudetakko, Tubaalenne Yaawaane hessaththoka ta goobateththaa siyonttaytakkonne ta bonchcho beyonttaytakko haakon diza abba giddon diza harurotakko ta yeddana; ta bonchcho kawoteththata giddon yootana.

ኤርማሳ ቲንቢቴ 23:4

Tani lo7eththi heemmiza heenththanchchata isttas denththana; istti nam7anththo babbettennanne dagammettenna; isttafe issaadeyka dhayenna» gees.

ኤርማሳ ቲንቢቴ 25:22

Xiroosenne Sidoona abbafe he pinththa gaxan diza kawota,

ኤርማሳ ቲንቢቴ 3:15

«Hessafe guye tani ta wozina mala inttena erateththaninne akeekan heemmiza heenththanchchata inttes immana.

ኤርማሳ ቲንቢቴ 50:17

«Isra7eeley gaammoy gooddidi laallida wude mala gidides; koyro Asoore kawoy puuzerethi mides; guyeppe Baabiloone kawo Nabukadanaxoorey meqeththaa dhoggides» gees GODAY.

ኤርማሳ ቲንቢቴ 50:19

Gido attiin tani Isra7eele kase izi heemettizaso iza zaarana; Qarmelooseninne Baasaane deren izi heemettana; qasse izi Efreeme zumbullata bollanne Gala7aade zumbullata bolla kallanaashe gakkanaas maana» gees.

ሂዚቄላ ቲንቢቴ 11:16

«Hessa gishshas neni, ‹Ubbaa Haariza GODAY: tani istta haahon diza kawoteththata giddon yeddikokka, dereta giddon laallikokka, istti bida dere ubbaan guuththa wode tani isttara gidana› gides.

ሂዚቄላ ቲንቢቴ 20:34

Kawoteththata giddofe tani inttena kessana; intte laalettida biitta ubbaafe ta mino qeseninne micettida ta kushen hanqo gussashe intte laaletti bida dere ubbaafe ta inttena shiishshana.

ሂዚቄላ ቲንቢቴ 34:12

Heenththanchchay ba wudetara dishe laalettida wudeta koyza mala tanikka ta wudeta koyana; shaara gallassinne dhuma gallas istti laalettidaso ubbaafe ta istta shiishshana.

ሂዚቄላ ቲንቢቴ 37:24

« ‹Ta aylle Dawiti istta bolla kawotana; ubbaasikka issi heenththanchchay daana; istti ta wogaa kaallana; ta maaraakka minththi naagana.

ሂዚቄላ ቲንቢቴ 5:10

Hessafe dendidayssan ne giddon aawati bantta nayta, nayti bantta aawata maana; ta ne bolla pirda ehana; neeppe attidayta tani carkon laallana.

ሂዚቄላ ቲንቢቴ 5:2

Ne dooddiza wodey wurshin neni shaakkida binanaas issi kusheza Yerusalaame katama misle giddon xuugga; nam7anththo kusheza katamay yuushon giththa mashshan qanxxereththa yegga; attida heedzdzanththo kusheza carko bolla laalla; tani istta mashshan yedereththana.

ዳኔላ ቲንቢቴ 11:18

Hessafe guye abba achchan diza dereta bolla meto gaththidi istta haarana; gido attiin olanchchata halaqay iza otoreteththaa purshisana; izi ooththida ubbaa iza bolla zaarana.

ሌዌታ ማጻፋ 26:33

Ta intte bolla ola ehada inttena Ayzaabeta giddon laallana; tani ta mashsha kessada inttena gooddana; intte kawoteththay asi baynda biitta gidana; intte katamatikka laalettana.

ሚኪያሳ ቲንቢቴ 2:12

«Yaaqoobe! Tumappe ta inttena issiso shiishshana; Isra7eeletappe attidayta ta issi bolla ehana; yire giddon diza mehe malanne demban heemettiza mehe mala tani inttena issi bolla shiishshana; intte derey wuri as xalla gidana.

ሚኪያሳ ቲንቢቴ 4:6

GODAY, «Tani he gallas gundidayta shiishshana; bete bidaytanne muuzottana mala ta aaththa immidayta ubbaa issiso shiishshana.

ሚኪያሳ ቲንቢቴ 5:4

GODAA wolqqan GODAA ba Xoossa sunththa gitateththan minni eqqananne ba mehe izi heemmana; he wode iza wolqqateththay biitta gaxa gakkana gishshas asay giiga duus daana.

ሶፎናሳ ቲንቢቴ 2:11

GODAY he biitta eeqa xoossata ubbaa dhayssiza wode izi istta yashissizayssa gidana; Abba achchan diza dereti ubbay issoy issoy ba dizason dishe izas goynnana.

ሶፎናሳ ቲንቢቴ 3:19

He wode nena un7eththidayta ta qaxxayana. Wobbeta ta ashshana; laalettidaytakka ta shiishshana. Istti kawuyida dere ubbaan ta istta bonchchosinne sabas gaththana.

ዛካራሳ ቲንቢቴ 10:8

Tani istta wayqeththan xeygada issi bolla shiishshana; tumappe ta istta wozzana; kase mala ta istta darsana.

ዛካራሳ ቲንቢቴ 2:6

GODAY ba deraa, «Ta kase inttena oyddu bagga laalladis; ha7i gidikko pudeha baggafe baqati kezite; haa yiite.

ዛካራሳ ቲንቢቴ 9:16

He wode GODAY istta Xoossay ba deraa baas wude mehe histti ashshana; kallachcha bolla diza seeloy xolqiza mala isttika Xoossa deren phoollana.

ሉቃሳ ሚሺራቾ 12:32

«Intteno guuththa wude mehe mala gididaytoo! Kawoteth inttes immanaas intte Aawaas lo7o qofa gidida gishshas babbofte.

ዮሃኒሳ ሚሺራቾ 10:27

Ta dorsati ta qaala siyeettes. Tanikka istta erays; isttika tana kaalleettes.

ዮሃኒሳ ሚሺራቾ 11:52

Izi hayqqanay he dere asaas xalla gidontta kase laalettida Xoossa naytakka issi bolla shiishshanaassa.

ዛሬ ማጻፋ 30:4

Intte biitta gaxa gakkanaas laalettikokka heeppe GODAA intte Xoossay inttena issi bolla shiishshidi zaari ehana.

ዛሬ ማጻፋ 32:26

Tani istta ubbaa laallana; Hessafe guye istta hassa7ana asi deenna.