ኤርማሳ ቲንቢቴ 30:20 - Geeshsha Maxaafa

²⁰ Istta zereththay beni wode diza mala daana; istta maabaraykka ta sinththan minni eqqana; istta un7eththiza ubbaaka tani qaxxayana.

ጋሞ ማጻፋ

²⁰ ኢስታ ዜሬይ ቤኒ ዎዴ ዲዛ ማላ ዳና፤ ኢስታ ማባራይካ ታ ሲንን ሚኒ ኤቃና፤ ኢስታ ኡንኤዛ ኡባካ ታኒ ቃጻያና።

ኤርማሳ ቲንቢቴ 30:20 ပူးပေါင်းရင်းမြစ်များ

ዬ ማጻፋ 102:18

Buron yelettanay GODAA galatana mala hayssi yiza yeletas xaafetto.

ዬ ማጻፋ 102:28

Nees ooththizayta nayti saroteththan daana; istta zereththayka ne sinththan minni eqqana.

ኢሳያሳ ቲንቢቴ 49:26

Nena un7eththizayti banttarkka ba asho maana; woyne ushshan maththottiza mala banttarkka ba suuththan maththottana; hessafe guye asa zereth ubbay, tani GODAA, nena Ashshizayssa, nena wozzizayssanne Yaaqoobe Wolqqama gididayssa hessan erana» gees.

ኢሳያሳ ቲንቢቴ 51:22

Ba deraa ashshiza ne GODAY Ubbaafe wolqqama Xoossay, «Be7a; nena gandigarssiza ushshaa ne kusheppe ta ekkadis, ta hanqo xuu7aappe nam7anththo uyakka.

ኢሳያሳ ቲንቢቴ 54:14

Neni xilloteththan minna eqqana; gene ogera aysoy neeppe haakkana. Nena babisiza miishshi deenna; shiroteththi neeppe haakkana; ne matakka shiiqenna.

ኤርማሳ ቲንቢቴ 2:3

He wode Isra7eeley GODAAS geeshsha, koyro shiishshiza xeera kaththa mala; izo mittidayti mooranchcha gidida; istta bolla bashshi yides› » gees.

ኤርማሳ ቲንቢቴ 30:16

«Gido attiin inttena dippi histti mida ubbati hessaththo meetettana; intte morkke ubbatikka di7etti baana; inttena bonqqidayti bonqqettana; inttena boggizayti bogettana.

ኤርማሳ ቲንቢቴ 32:39

Isttassinne isttafe guye istta naytas lo7o gidana malanne istti taas ubba wode yayyana mala tani isttas issi wozinanne issi qofa immana.

ኤርማሳ ዚላስ 5:21

GODAWU! Neni nuna neekko zaara; nunikka neekko simmana! beni nu bonchchoza zaarada nuna ooraththa!

ዛካራሳ ቲንቢቴ 10:6

«Tani Yuhuda keeth minththana; ta isttas qadhettiza gishshas istti kase dizasota istta zaarana; tani GODAA istta Xoossa gidida gishshas ta istta woosa siyana; isttika hayssafe kase ta yegga erontta asa mala gidana.

ዛካራሳ ቲንቢቴ 10:8

Tani istta wayqeththan xeygada issi bolla shiishshana; tumappe ta istta wozzana; kase mala ta istta darsana.

ዛካራሳ ቲንቢቴ 8:5

Katamayn diza ogetan kaa7iza macca naytinne attuma nayti kumana» gees.