ኤርማሳ ቲንቢቴ 30:19 - Geeshsha Maxaafa

¹⁹ Isttafe galata mazamureynne ilili1sa cenggurssi siyettana; Tani istta darssana; istta qoodaykka paccenna; tani istta bonchchettida dere ooththana; istti kadhettidayta gidettenna.

ጋሞ ማጻፋ

¹⁹ ኢስታፌ ጋላታ ዬይኔ ኢሊሊሳ ጬንጉርሲ ሲዬታና፤ ታኒ ኢስታ ዳርሳና፤ ኢስታ ቆዳይካ ፓጬና፤ ታኒ ኢስታ ቦንቼቲዳ ዴሬ ኦና፤ ኢስቲ ካቲዳይታ ጊዴቴና።

ኤርማሳ ቲንቢቴ 30:19 ပူးပေါင်းရင်းမြစ်များ

ኢዝራ ማጻፋ 6:22

Xoossay Asoore kawo laammidi Isra7eele GODAY izan galatetiza Xoossa Keeththaa zaari keexxana mala istta ooson maaddida gishshas laappun gallas kumeth ukeththa ba7aale ufayssan bonchchida.

ናሂሚያ ማጻፋ 8:12

Asay ba siyida qaala lo7eththi erida gishshas baso biidi kath miidinne haath uyi ufayettidi baas diza kaththaafe haratas shaakki immides.

ናሂሚያ ማጻፋ 8:17

Di7eteththafe simmida asay wuri daase yeggidi iza giddon uttides; hessika Nawe naa Iyaaso wodeppe ha simmiin koyro hanides; hessa gishshas asay wuri issoy issoy keehi ufayettides.

ዬ ማጻፋ 53:6

Isra7eeles atoteththi Xiyooneppe yidaakko! Xoossi ba deraappe di7ettidayssa zaariza wode Yaaqoobe zareti ufayettana; Isra7eele asay ufayettana.

ኢሳያሳ ቲንቢቴ 12:1

He wode neni, «Abeet GODAWU, kase ne ta bolla hanqettadasa; ha7i gidikko neni ne hanqozappe simmada tana minththeththida gishshas ta nena sabbays.

ኢሳያሳ ቲንቢቴ 26:15

Abeet GODAWU! Neni kawoteththaa darsadasa; Neni deraa darsadasa. Neni bonchchettadasa; biittaa zawa ubbaaka aassadasa.

ኢሳያሳ ቲንቢቴ 27:6

Yaana gallassatan Yaaqoobey xapho yeddana; Isra7eeley aacananne ciiyana; histtiin istta ayfey sa7a kumana.

ኢሳያሳ ቲንቢቴ 35:10

GODAY maaddidayti simmana; istti yexxishe Xiyoone gelana; mernaa ufayssa kallachcha mala goxxana; injjenne ufays demmana; ceeceynne kayoy heeppe baqatana.

ኢሳያሳ ቲንቢቴ 51:11

GODAY wozzidayti simmana; yexxishekka Xiyoone gelana; mernaa ufayssa kallachcha hu7en goxxana; istti injjenne ufayssa duus demmana; ceeceynne yeehoy isttafe baqatana.

ኢሳያሳ ቲንቢቴ 51:3

«GODAY Xiyoono tumu minththeththana; izi laaleteththaa qadhetan xeellana; izi bazzo biittaza Edene mala, izi bazzo biittaza GODAA atakiltesoho mala ooththana; ishaloynne ufayssi, galataynne yeththa cenggurssi izin seetettana.

ኢሳያሳ ቲንቢቴ 52:9

Intteno Yerusalaamen qolettida sohotoo! Intte issi bolla ililisan yexxite; GODAY ba deraa minththeththides; Yerusalaame katamaakka wozzides.

ኢሳያሳ ቲንቢቴ 55:5

Be7a, neni erontta kawoteththata xeygana; nena erontta kawoteththati neekko eeson yaana. Gaasoykka GODAA ne Xoossay Isra7eele Geeshshay ba bonchchon nena dhoqqu dhoqqu histtides» gees.

ኢሳያሳ ቲንቢቴ 60:19

«Hessafe guye gallas awa poo7oy nees koshshenna; omarsika aginay poo7enna; gaasoykka GODAY nees mernaa poo7o gidana; ne Xoossay nees bonchcho gidana.

ኢሳያሳ ቲንቢቴ 60:22

Neeppe kaalozi shii, ubbaafe wurseththa kaalozi wolqqama kawoteth gidana; Tani GODAA; wodey gakkiza wode tani hessa eeson polana» gees.

ኢሳያሳ ቲንቢቴ 60:9

Tumukka haruroti tanan hidota ooththeettes; izi nena ba bonchcho mayzida gishshas, GODAA ne Xoossa bonchchos, Isra7eele Geeshshaas haakoppe ne attuma nayta, istta biraaranne worqqaara gaththi ehanaas Tarseese markabeti sinththati kezana.

ኤርማሳ ቲንቢቴ 17:26

Asay xuugettiza yarshonne hara yarsho, kaththa yarsho, exaanenne galata yarsho ekkidi, Yuhuda katamatappe, Yerusalaame yuushon diza mooththatappe, Biniyaame biittafe, gadhappenne gezzefe qasseka Negebe biittafe GODAA Keeth yaana.

ኤርማሳ ቲንቢቴ 3:16

Qasseka GODAY intte qooday biitta bolla corattiza wode, ‹GODAA Caaqo Qaala Taabotaa› gi xeygekketa. Izi isttas qofettennanne akeekettenna, dhayennanne haray oosettenna.

ኤርማሳ ቲንቢቴ 31:27

GODAY, «Tani Isra7eele biittaninne Yuhuda biittan asinne mehe kunththiza wodey yaana.

ኤርማሳ ቲንቢቴ 31:4

Isra7eele derezoo! Tani inttena zaara keexxana; intteka keexettana. Intte karabe zaari denththidi ufayssan hombocizaytara intte hombocana.

ኤርማሳ ቲንቢቴ 33:22

Tani ta oosanchcha Dawite zaretanne ta sinththan haggaziza Lewe qommota qooday baynda salo xoolintteta malanne makkiin wurontta abba shaamintta mala darsana» gees.

ሂዚቄላ ቲንቢቴ 36:37

«Ubbaa Haariza GODAY, ‹Qasseka Isra7eele asaa woosa ta ero ga siyana; izakka ta isttas polana; histtada istta qooda wude mala corasana.

ሂዚቄላ ቲንቢቴ 37:10

Hessa gishshas izi tana azazida mala tinbite yootadis; peenoykka istta giddo gelides; isttika paxida; keehippe daro olanchchata gididi eqqida.

ሂዚቄላ ቲንቢቴ 37:26

Tani isttara Saroteththa caaqo qaala gelana; he caaqo qaalaykka mernaas gidana. Tani istta minththana; corissana; ta Keeththaaka istta giddon mernaas woththana.

ዛካራሳ ቲንቢቴ 10:8

Tani istta wayqeththan xeygada issi bolla shiishshana; tumappe ta istta wozzana; kase mala ta istta darsana.

ዛካራሳ ቲንቢቴ 12:8

He gallas istta giddon daro laafa gididay Dawite mala mino gidana; Dawiteso asay qasse isttafe sinththe sinththe biza Xoossa malanne GODAA kiitanchcha mala gidana; Yerusalaamen dizaytas GODAY gondalle gidana.

ዛካራሳ ቲንቢቴ 2:4

Histtidi izas, «Woxxa baada hessa naateththa addezas, ‹Yerusalaamey izin diza asa daroteththafenne mehe daroteththafe dendoyssan katamaa yuushon gimbe dirsa koshshenna.

ዛካራሳ ቲንቢቴ 8:19

«Oydanththo aginan, ichchashanththo aginan, laappunththa aginaninne tammanththa aginan intte xoomiza xoomay Yuhuda deraas ufayssa gallassinne ba7aale gallas gidana; hessa gishshas intte tumateththinne saroteth koyite.»

ዮሃኒሳ ሚሺራቾ 17:22

Nuni nu giddon issino gidida mala isttika ba giddon issino gidana mala ne taas immida bonchchoza tanikka isttas immadis.

1ጴጽሮሳ ኪታ 1:7

Hessi he paacezi intte bolla gakkizay intte ammanozi tumu gididayssa qonccisanaassa. Dhayana worqqayka taman paacettees; worqqafe aadhdhi bonchcho gidida intte ammanoykka hessaththo paacettanaas bessees. Hessi paacettida intte ammanoy Yesus Kirstoosi qoncciza gallas galatas, bonchchossinne sabas inttena gaththana.