ኤርማሳ ቲንቢቴ 29:14 - Geeshsha Maxaafa

¹⁴ Tanikka inttes beettana. Ta intte di7etti bida biittafe zaarana; tani inttena laalla yeddida kawoteththafenne soho ubbaafe shiishshana; histtada tani inttena di7os yeddanaappe kase intte de7ida soho guye zaarada ehana› gees.

ጋሞ ማጻፋ

¹⁴ ታኒካ ኢንቴስ ቤታና። ታ ኢንቴ ዲኤቲ ቢዳ ቢታፌ ዛራና፤ ታኒ ኢንቴና ላላ ዬዲዳ ካዎቴፌኔ ሶሆ ኡባፌ ሺሻና፤ ሂስታዳ ታኒ ኢንቴና ዲኦስ ዬዳናፔ ካሴ ኢንቴ ዴኢዳ ሶሆ ጉዬ ዛራዳ ኤሃና› ጌስ።

ኤርማሳ ቲንቢቴ 29:14 ပူးပေါင်းရင်းမြစ်များ

1ታሪኬ ማጻፋ 28:9

«Ta naa Solomoone, ne aawaa Xoossaa era! Neni kumeththa wozinaninne lo7o qofan izas ooththa; GODAY wozina ubbaa pilggi xeellees; giddo qofa ubbaa izi erees; neni iza koykko izi nees beettana; gido attiin ne iza aggizaa gidikko izikka nena mernaas aggaagana.

ዬ ማጻፋ 126:1

GODAY nuna di7ettidayta zaaridi Xiyoone ehida wode nuus agumo misatides.

ዬ ማጻፋ 126:4

Abeet GODAWU! Negebe Bazzon ira bukisada shaafa haaththan kunththiza mala nu duussa ooraththa.

ዬ ማጻፋ 32:6

Hessa gishshas xillo asi neni beettiza wode nena woosso; di7oy izi diza heera meecci efikkoka iza bochchenna.

ዬ ማጻፋ 46:1

Xoossi nuni shiiqi attizasonne nuus wolqqa; nuna metoy gakkiza wode maaddanaas izi ubbato matan dees.

ኢሳያሳ ቲንቢቴ 14:1

GODAY Yaaqoobes nam7anththo qadhettana; Isra7eelekka zaareththidi doorana. Istta istta biittan woththana; imaththati yiidi Yaaqoobeso asaara walakettana.

ኢሳያሳ ቲንቢቴ 43:5

«Tani nenara diza gishshas yayyofa; tani ne nayta arshey mokkiza baggafe ehana; nena arshey wulliza baggafe shiishshana.

ኢሳያሳ ቲንቢቴ 43:6

Tani pudeha bagga, ‹Hamma› dugeha baggaka, ‹Yedda› gaana; ta attuma nayta haahoppe, ta macca naytakka biitta gaxappe,

ኢሳያሳ ቲንቢቴ 45:19

Ta dhuma biittan geeman yootabeekke; Yaaqoobe zereththatas, «Tana coo hada koyite» gabeekke. Tani GODAY tuma haasayays; suure yo7o awajjays.

ኢሳያሳ ቲንቢቴ 55:6

GODAY beettiza wode iza koyite; matan diza wode iza xeygite.

ኤርማሳ ቲንቢቴ 12:15

Gido attiin tani istta istta biittafe dhoqallidaappe guye zaarada maarana; tani istta dereninne istta xinxxon xinxxon zaara ehana.

ኤርማሳ ቲንቢቴ 3:14

Qasseka GODAY, «Intteno ammanettontta asatoo, simmite; tani inttes azina; Tani intte giddofe issi katamappe issaa, issi qommofe nam7ata doorada Xiyoone ehana.

ኤርማሳ ቲንቢቴ 30:10

«Hessa gishshas ta aylle Yaaqoobe zareto yayyofte! Intteno Isra7eeleto dagammofte! Intte haahoson dishin tani inttena ashshana; intte zaretakka istti di7ettida biittafe kessa ekkana; Yaaqoobe zareti simmidi saroninne woppan uttana; istta yashissana ay miishshika deenna.

ኤርማሳ ቲንቢቴ 30:18

GODAY, «Tani Yaaqoobe keeth zaara keexxana; izi dizasoskka qadhettana; katamayakka kase ba laalettidason simma keexettana; kawoteththa keeththayka kase ba dizason simmi keexettana.

ኤርማሳ ቲንቢቴ 30:3

Tani ta dere Isra7eelenne Yuhuda kase istta aawatas ta immida biitta isttas zaara ehana wodey gakkides; isttika laattana» gees.

ኤርማሳ ቲንቢቴ 31:16

GODAY, «Yeekkofanne afunxxofa; ne daaburay coo hada attenna; morkketa biittafe istti simmana.

ኤርማሳ ቲንቢቴ 31:17

Sinththafe nees hidotay diza gishshas ne nayti bantta biitta simmana» gees.

ኤርማሳ ቲንቢቴ 31:23

Ubbaafe Wolqqama GODAA Isra7eele Xoossay, «Tani isttafe di7ettida miishshaa ta isttas zaariza wode istti Yuhuda biittaninne izi katamatan, ‹Nenoo xilloteththi aqiza geeshsha zumazoo! GODAY nena anjjo!› giza qaala zaari go7ettana.

ኤርማሳ ቲንቢቴ 51:10

GODAY nu suureteththa gishshas markkattides; ane haa yiite; GODAA nu Xoossay ooththidayssa Xiyoonen awajjoos› gides.

ኤርማሳ ቲንቢቴ 8:3

Ha iita asaa kusheppe attidayti ubbay ta istta goodda yeddidaso ubbaan de7oppe hayqo doorana» gees.

ሂዚቄላ ቲንቢቴ 37:21

Neni isttas Ubbaa Haariza GODAY, ‹Tani Isra7eele asaa istti bida kawoteththata giddofe kessana; tani istta ubbasoppe shiishshada istta biitta zaara ehana.

ሂዚቄላ ቲንቢቴ 39:25

«Hessa gishshas Ubbaa Haariza GODAY, ‹Ha7i Yaaqoobey goodettidasoppe tani iza zaarada ishalsana; Isra7eele asaa ubbaas ta qadhettana; ta geeshsha sunththaa gishshas tani mishettana.

ኣሞጼ ቲንቢቴ 9:14

Di7etti bida Isra7eele asaa haa istta dere zaara ehana; laalettida katamata zaari keexxidi izan de7ana; istti woyne tokkidi izappe agettida ushshu uyana; dumma dumma ayfiza mith tokkidi iza ayfe maana.

ሚኪያሳ ቲንቢቴ 4:12

Gido attiin istti Xoossa qofa erettenna; bukettanaas balen shiiqiza mirqqe kaththa mala bana shiishshizaade qofa istti erettenna.

ሶፎናሳ ቲንቢቴ 3:20

He wode ta inttena shiishshana; intte dere ta inttena zaarana. Intte intte ayfera beyishin, inttefe di7ettida miishshaa ta inttes zaariza wode biitta bolla diza dere ubbaa sinththan ta inttes sabanne bonchcho immana» gees.

ኦሮሜ ኣሳስ 10:20

Isayaasikka xalateththan, «Tana koyonttaytas ta beettadis; tana oychchonttaytas tana qonccisadis» gides.

ዛሬ ማጻፋ 30:1

Nam7atappe issaa intte doorana mala hach ta intte sinththan anjjonne qanggeth woththadis; GODAA intte Xoossay inttena kawoteththata giddon dishe intte iza yuushshi qoppiza wode,

ዛሬ ማጻፋ 30:3

GODAA intte Xoossay inttes qadhettananne inttefe di7ettida intte miishshaa inttes zaarana; intte kase laaletti diza dereppe zaari ehidi qasseka duresana.

ዛሬ ማጻፋ 30:5

Hessaththo hanidi kase intte aawata biittaa intte zaari laattana; izikka inttena kase intte aawatappe aaththi duresananne intte qooda darsana.

ዛሬ ማጻፋ 4:7

GODAA nu Xoossay nu woossishin mata gidida mala iza GODAY izas mata gidida hara gita kawoteththi oonee?