ኤርማሳ ቲንቢቴ 25:38 - Geeshsha Maxaafa

³⁸ Gaammoy ba aqizasoppe yeggi biza mala un7eththizayssa mashshafenne GODAA hanqofe dendidayssan istta biittaya bula gidana.

ጋሞ ማጻፋ

³⁸ ጋሞይ ባ ኣቂዛሶፔ ዬጊ ቢዛ ማላ ኡንኤዛይሳ ማሻፌኔ ጎዳ ሃንቆፌ ዴንዲዳይሳን ኢስታ ቢታያ ቡላ ጊዳና።

ኤርማሳ ቲንቢቴ 25:38 ပူးပေါင်းရင်းမြစ်များ

ዬ ማጻፋ 76:2

Iza dunkaaney Saleemen dees; izas duussasoyka Xiyoone.

ኤርማሳ ቲንቢቴ 12:10

Daro heenththanchchati ta woyne tura soho moorida; tani izan ufayettiza ta gadeza bulasida.

ኤርማሳ ቲንቢቴ 12:13

Istti gistte zeridi agunth cakkana; istti daro daaburanaashin aykkoka demmettenna; daro zeridi GODAA hanqo gaason intte guuth demmidi yeellatana» gides.

ኤርማሳ ቲንቢቴ 25:11

Ha biittay mulera bulanne kays gidana; ha kawoteththatikka Baabiloone kawos laappun tammu layth haarettana.

ኤርማሳ ቲንቢቴ 25:30

Hessa gishshas GODAY Ermaasas, «Ha qaala ubbaa istta bolla tinbite yoota; ‹GODAY bollafe waassana; ba diza geeshsha sohoppe dadattiza ba gunththaa sissana; izi ba biitta bolla keehi waassana; woyne maxishe yexxiza mala sa7an diza ubbaa bolla izi guummana.

ኤርማሳ ቲንቢቴ 4:7

Gaammoy ba dizasoppe kezides; kawoteththata dhayssizay kiitettides; ne biittayokka bulasanaas ba dizasoppe kezides; ne katamati laalettana; kundidikka kayzi attana.

ኤርማሳ ቲንቢቴ 49:19

GODAY, «Gaammoy Yordaanoose woratappe mehe heemmiza demban kezi wodhdhiza mala tanikka Eedoomey qoppontta dishin keza wodhdhana; iza biittafe ta iza gooddana; ta dooridayssa iza bolla shuumana; ta malay oonee? tanara eqettana dandayzay oonee? tanara eqettana dandayza heenththanchchay oonee?» gees.

ኤርማሳ ቲንቢቴ 5:6

Hessa gishshas gaammoy worappe kezidi istta menththereththana; kana suytey bazzofe kezidi istta puuzereththana; Maahey istta katamata yuusho zamadi naagana. He katamatappe keziza ubbaa izi puuzana. Gaasoykka istta makkallateththinne kaddoy darides.

ኤርማሳ ቲንቢቴ 50:16

Baabilooneppe zereththi zerizayssa, kaththa shiisho wode cakkanaas baaca oykkidayssa dhayssite; un7eththizayta mashshafe dendidayssan issoy issoy ba asaakko simmo; ba derekka baqato.

ኤርማሳ ቲንቢቴ 50:44

Gaammoy Yordaanoose woratappe mehe heemmiza demban kezi wodhdhiza mala tanikka Baabilooney qoppontta dishin keza wodhdhana; izi biittafe ta izo gooddana; ta dooridayssa izi bolla shuumana; ta malay oonee? tanara eqettana dandayzay oonee? tanara eqettana dandayza heenththanchchay oonee?

ሆሴኤ ቲንቢቴ 11:10

«Tani GODAY istta ashshanaas xaaggiza gaammo mala tani ta qaala sissishin istti tana kaallana; ta nayti kokkorishe arshey mokkiza baggafe yaana.

ሆሴኤ ቲንቢቴ 5:14

Hessafe dendidayssan tani Isra7eeles gaammo mala Yuhudaska wodalla gaammo mala gidana; ta istta nififi histta menththereththa yeggana; bonqqa ekkada baana; oonikka istta ta kusheppe ashshanaas dandayenna.

ኣሞጼ ቲንቢቴ 8:8

Hayssa geedon biittay buro qaaxxana; biittay bolla dizay wurikka yeekkana; Abbaye shaafay kixxidi guummizayssaththo biitta ubbay qaaththi yoshikuyoshikana» giidi barkka banan caaqqides.

ዛካራሳ ቲንቢቴ 2:3

He tanara haasayza kiitanchchay bides. Hara kiitanchchayka izara gaagganaas yides.