ኤርማሳ ቲንቢቴ 25:31 - Geeshsha Maxaafa

³¹ GODAY kawoteththata bolla pirdiza wode iza cenggurssay biitta gaxa gakkanaas siyettana; izi as ubbaa bolla pirdana; iitatakka mashshas aaththi immana› » gides.

ጋሞ ማጻፋ

³¹ ጎዳይ ካዎቴታ ቦላ ፒርዲዛ ዎዴ ኢዛ ጬንጉርሳይ ቢታ ጋጻ ጋካናስ ሲዬታና፤ ኢዚ ኣስ ኡባ ቦላ ፒርዳና፤ ኢታታካ ማሻስ ኣ ኢማና› » ጊዴስ።

ኤርማሳ ቲንቢቴ 25:31 ပူးပေါင်းရင်းမြစ်များ

ኢሳያሳ ቲንቢቴ 33:3

Ne cenggurssay dada mala guummiza wode derey baqatees; neni denda eqqiza wode kawoteththati laaletteettes.

ኢሳያሳ ቲንቢቴ 34:2

GODAY kawoteth ubbaa hanqettides; iza hanqoyka iza olanchchata ubbaa bollana. Izi istta mulera dhayssana; shukaska aaththi immana.

ኢሳያሳ ቲንቢቴ 34:8

Hessika GODAY halo kessiza gallassinne Xiyoone gishshas morkketa oliza layth gidana.

ኢሳያሳ ቲንቢቴ 66:16

Tamaninne mashshan GODAY ba pirdaa asa ubbaa bolla ehana; daroti GODAA mashshan shukettana.

ኤርማሳ ቲንቢቴ 2:35

‹Tani xillo; tumappe iza hanqoy tana gakkenna› gaasa. Neni, ‹Tani nagara ooththabeekke› giza gishshas tani ne bolla pirdana.

ኤርማሳ ቲንቢቴ 23:19

GODAA hanqoy gote carko mala dendana; mino dambalay iita asata hu7e shocana.

ኤርማሳ ቲንቢቴ 45:5

Histtiin neni nees gita miish koyay? Asa nayta ubbaa bolla tani bash ehana gishshas ne hessa koyoppa; gido attiin neni bidaso ubbaan ta ne shemppo ashshana» gees.

ሂዚቄላ ቲንቢቴ 30:3

Gallassay matides! GODAA gallassay gakkides! He gallassay shaara gallassa; kawoteththata ubbaas bashsha gallassa.

ሂዚቄላ ቲንቢቴ 38:22

Tani iita hargeninne shemppo wodhon iza bolla pirdana; wolqqama ira, wolqqama shach, xuuggiza diine tama iza bolla, iza olanchchata bollanne izara diza cora kawoteththata bolla ta bukisana.

ሆሴኤ ቲንቢቴ 12:2

GODAY Yuhuda deraa bolla shiishshiza mootoy dees; izi Yaaqoobe iza hanota mala qaxxayana. Iza ooso mala izas immana.

ሆሴኤ ቲንቢቴ 4:1

Hanno biittay bolla diza asa ubbaa bolla GODAY shiishshiza mootoy dees. Hessa gishshas Isra7eele asawu! Izi inttena gizayssa siyite; «Hanno biittay bollafe ammaneteththay, siiqoynne Xoos eroy dhaydes.

ኢዩኤሌ ቲንቢቴ 3:2

Tani kawoteththata ubbaa shiishshada duge Iyoosaafixe zulle woththana; heenkka ta istta bolla pirdana; gaasoykka ta dere Isra7eele asaa kawoteththata giddon laallidi istti biitta gishetti ekkida gishshassa.

ሚኪያሳ ቲንቢቴ 6:2

Zumatoo! Xoossa mooto siyite; Intteno biitta mino xaphotoo siyite; Xoossas asara palamay dees; izi Isra7eele naytara pirdeettes.