ኤርማሳ ቲንቢቴ 25:15 - Geeshsha Maxaafa

¹⁵ GODAA Isra7eele Xoossay taas, «Hayssa ta hanqo woyne ushshazi kumida wanca hey; efada tani nena kiittiza kawoteththata ubbaa ushsha.

ጋሞ ማጻፋ

¹⁵ ጎዳ ኢስራኤሌ ጾሳይ ታስ፥ «ሃይሳ ታ ሃንቆ ዎይኔ ኡሻዚ ኩሚዳ ዋንጫ ሄይ፤ ኤፋዳ ታኒ ኔና ኪቲዛ ካዎቴታ ኡባ ኡሻ።

ኤርማሳ ቲንቢቴ 25:15 ပူးပေါင်းရင်းမြစ်များ

ኢዮቤ ማጻፋ 21:20

Nagaranchchati bantti ooththida qohon bantta qixaate ekketto; ubbaa dandayza Xoossi ba hanqoza istta bolla eho.

ዬ ማጻፋ 11:6

GODAY iitata bolla eexxiza tama bonqonne diine tama bukisana. Dhayssiza gote carkon istta qaxxayana.

ዬ ማጻፋ 60:3

Neni ne asaa meto bessadasa; neni nuna maththosiza woyne ushshu ushshadasa.

ዬ ማጻፋ 75:8

GODAA kushen wancay dees; izan hoommotiza hanqo woyne ushshi kumi uttides; he ushshaza gede kare gussides; sa7an diza makkallanchchati hessa uyida; istti orccoka ashshontta congorsida.

ዬ ማጻፋ 75:9

Tani gidikko hayssa mernaas awajjana; Yaaqoobe Xoossaka mazamuren sabbana.

ኢሳያሳ ቲንቢቴ 14:26

Sa7a ubbaas qofettida qofay hayssa; kawoteththata ubbaa bollan micettida kushey hayssa.

ኢሳያሳ ቲንቢቴ 34:2

GODAY kawoteth ubbaa hanqettides; iza hanqoyka iza olanchchata ubbaa bollana. Izi istta mulera dhayssana; shukaska aaththi immana.

ኢሳያሳ ቲንቢቴ 51:17

GODAA kusheppe hanqo ushshu uyidaaree, orccoka ashshontta, as gandigarssiza ushshu xixxi histta uyidaaree, hanne Yerusalaame denda! denda, denda eqqa!

ኢሳያሳ ቲንቢቴ 51:22

Ba deraa ashshiza ne GODAY Ubbaafe wolqqama Xoossay, «Be7a; nena gandigarssiza ushshaa ne kusheppe ta ekkadis, ta hanqo xuu7aappe nam7anththo uyakka.

ኢሳያሳ ቲንቢቴ 51:23

Tani hessa nena un7eththizayta kushen woththana. Istti nena, ‹Nuni ne bollara hemettidi aadhdhana mala zaqulla› gida. Histtiin istti aadhdhana gakkanaas ne zokko isttas biitta malanne oge mala ooththadasa» gees.

ኤርማሳ ቲንቢቴ 1:5

«Ermaasa! Tani nena ne aayey ulon medhdhanaappe kase erays. Neni yelettanaappe sinththan ta nena dummasa woththadis. Qasseka kawoteththatas nabe gidana mala shuumadis.»

ኤርማሳ ቲንቢቴ 36:2

«Xaaththa maxaafa ekkada tani Iyosiyaasa kawoteththa wodeppe doommada ta nees yooto oykkoosofe hach gakkanaas Isra7eele bolla, Yuhuda bollanne hara kawoteththata ubbaa bolla haasayda qaala ubbaa xaafa.

ኤርማሳ ቲንቢቴ 43:11

Izi yiidi Gibxe olana; hayqos bessizayta hayqos, di7os bessizayta di7os, mashshas bessizayta mashshas aaththi immana.

ኤርማሳ ቲንቢቴ 45:5

Histtiin neni nees gita miish koyay? Asa nayta ubbaa bolla tani bash ehana gishshas ne hessa koyoppa; gido attiin neni bidaso ubbaan ta ne shemppo ashshana» gees.

ኤርማሳ ቲንቢቴ 46:1

Kawoteththata gishshas nabe Ermaasakko yida GODAA qaalay hayssafe kaalli dizayssa;

ኤርማሳ ቲንቢቴ 48:26

«Izi GODAA kadhida gishshas Mo7aabe ushshan maththosite; Mo7aabey ba cooshsha bolla genderetto; qidhes atto.

ኤርማሳ ቲንቢቴ 49:12

GODAY, «Xawa uyana bessonttaytas xawa ushshi attonttayssa gidikko neni waana qixaateppe attanee? Nees qaxxayeteththi attenna; ne uyanaas bessees.

ኤርማሳ ቲንቢቴ 51:7

Baabilooney GODAA kushen worqqa xuu7a; biitta ubbaa maththosadus; kawoteththati ubbay izi woyne ushshaa uyida; hessa gishshas ha7i gooyida.

ሂዚቄላ ቲንቢቴ 23:32

«Ubbaa Haariza GODAY, « ‹Aakonne ciimma gidida xuu7a, ne michchey xuu7a ne uyana; xuu7azi daro oykkiza gishshas cashshenne naach ne kallana.

ሂዚቄላ ቲንቢቴ 23:33

Ne michcho Samaariya xuu7an, shirochchizanne laalliza xuu7an, maththoninne ceecen ne kumana.

ሂዚቄላ ቲንቢቴ 29:12

Tani Gibxe biittaa dhayda biittatappe issiney mala bulasana; izi katamatikka laalettida katamata giddon oyddu tammu layth gakkanaas kays gidana; Gibxetakka tani kawoteththata giddon laallana; dereta giddon ta istta zerana.

ሂዚቄላ ቲንቢቴ 36:5

Ubbaa Haariza GODAY, ‹Tumappe eexxiza ta qanaateteththan attida dereta ubbaa bollanne Eedoome ubbaa bolla haasayadis. Istti wozinappe ufayettishenne kadhen kumidi ta heemmiza biitta oykkidi bonqqi ekkanaas baas xinxxo ooththida› gees.

ኣብዲዩ ቲንቢቴ 1:16

Anjjettida ta zuma bolla intte waaye ushshu uyida mala intte yuushon diza hankko derey waaye ushshu uyana; uyidayti wurikka dhayana.

ኢምባቆ ቲንቢቴ 2:16

Neni bonchcho gishshas yeellatana; hessika ha7i taray nees gidida gishshas uyada gandigara; ne kallotta. GODAA ushachcha kushen diza hanqo xuu7ay ne bolla simmana; kase nees diza bonchchoza kawushshateththan laammana.

ዮሃኒሳ ኣጁታ 14:10

Xoossa hanqo woyne cajjeza uyana; hessika he woyne cajjezi harara walakettontta iza hanqo xuu7aappe duuqettidayssa; hessaththoka hankko geeshsha kiitanchchata sinththaninne dorsaza sinththan tamaninne diine taman xuugettana.

ዮሃኒሳ ኣጁታ 14:19

Kiitanchchazikka baacaza duge biitta bolla yeddidi biittan diza woyne miththa ayfeza cakkidi Xoossa hanqoy izan qoncciza woyne ayfe izan gum7iza wogga ollaan yeggides.