ኤርማሳ ቲንቢቴ 22:15 - Geeshsha Maxaafa

¹⁵ «Ne kawoteththa keeththa daro ziga miththan keexxidayssi nees kawotidaa misatizee? Ne aaway suure pirdanne xillo ooththida gishshas mizaazinne uyizaazi paccidee? Izas ubbaa miishshika injjetides.

ጋሞ ማጻፋ

¹⁵ «ኔ ካዎቴ ኬ ዳሮ ዚጋ ሚን ኬጺዳይሲ ኔስ ካዎቲዳ ሚሳቲዜ? ኔ ኣዋይ ሱሬ ፒርዳኔ ጺሎ ኦዳ ጊሻስ ሚዛዚኔ ኡዪዛዚ ፓጪዴ? ኢዛስ ኡባ ሚሺካ ኢንጄቲዴስ።

ኤርማሳ ቲንቢቴ 22:15 ပူးပေါင်းရင်းမြစ်များ

2ሳሜላ ማጻፋ 8:15

Dawiti kumeththa Isra7eele bolla kawotides; deraas suure pirdanne woga essides.

1ካዎታ ማጻፋ 10:9

Nenan ufayettidi nena Isra7eele kawota araatan utisida GODAA ne Xoossay galatetto! GODAY Isra7eele asaa mernaas siiqida gishshas suure pirdaynne xilloteththi daana mala izi nena kawoththides» gadus.

2ካዎታ ማጻፋ 22:2

Iyosiyaasi GODAA sinththan lo7o ooththides; kase iza aawa Dawiti bida ogera bides; hadirsika ushachchika gibeenna.

2ካዎታ ማጻፋ 23:25

Kase Muse wogan xaafettida mala ba kumeththa wozinappe, ba kumeththa shemppofe, ba kumeththa wolqqafe GODAAKKO simmida Iyosiyaasa mala kawoy izappe sinththan gidiin woykko izappe guyen mulekka dendibeenna.

1ታሪኬ ማጻፋ 3:15

Iyosiyaasi oyddu attuma nayta yelides; bayrazi Yohanaane, iza kaaloti Iyo7aaqeme, Sedeqiyaasanne Shaloome;

2ታሪኬ ማጻፋ 34:2

Iyosiyaasi GODAA sinththan suure miish ooththides; ushachchinne hadirs gontta ba aawa Dawite ogera bides.

2ታሪኬ ማጻፋ 35:22

Gido attiin Iyosiyaasi Xoossi Nika baggara izas yootidayssa siyonttanne guye simmontta ixxidi olas kezides; ba kawoteththa may7o laammidi Magiddo demban olettanaas kezides.

2ታሪኬ ማጻፋ 35:26

Iyosiyaasa kawoteththa wode oosettida hara oosoti, GODAA woga maxaafan xaafettida mala izi ooththida lo7o oosoti,

ሌሚሶ ማጻፋ 20:28

Kiyateththinne tumateththi kawo naagettees; iza kawoteththa araataykka siiqon minnees.

ሌሚሶ ማጻፋ 21:3

Yarshofe bollara xillonne suure pirda GODAY dosees.

ሌሚሶ ማጻፋ 25:5

Kawo sinththafe iitata diggaycha; histtiko iza kawoteththa araatay xilloteththan minni eqqana.

ሌሚሶ ማጻፋ 29:4

Tumaa pirdiza kawoy ba dere woppu histtees; gido attiin matta7e maanaas yiiqetizay ba deraa laallees.

ሌሚሶ ማጻፋ 31:9

Haasayada isttas suure pirda pirda; hiyeesatanne metotanchchata maata bonchchisa» gaada tamaarsadus.

ኤራንቻታ ማጻፋ 10:17

Hanne ne kawoy bonchchettida zareppe gididaaree! maththottanaas gidontta minettanaas koshshiza wode miza daannati diza biittayee! Neni anjjettidaaro.

ኤራንቻታ ማጻፋ 2:24

Asas muussafenne ushshafe qasse ba ooththida ooson ufayeteththafe hara lo7iza miishshi deenna; hessika Xoossa kusheppe imettizayssa ta beyadis.

ኢሳያሳ ቲንቢቴ 3:10

Xillotas, «Xilloti ba lo7o ooso ayfe maana; hessa gishshas isttas lo7o gidana» ga yoota.

ኢሳያሳ ቲንቢቴ 33:16

Hessaadey dhoqqasohon daana; zuma miixay izas shiiqi attizaso gidana; izas qumay imettana; haaththika izas paccenna.

ኢሳያሳ ቲንቢቴ 9:7

Iza kawoteththa aakoteththaassinne iza saroteththaas zaway deenna; hachchife doommidi mernaa gakkanaas ba kawoteththaa, suure pirdaninne xilloteththan essana; lo7eththi oykkidi minththana; Dawite kawoteththa araatan izi uttana; deraa ubbaa haarana; Ubbaafe Wolqqama GODAA qanaatey hessa polana.

ኤርማሳ ቲንቢቴ 21:12

Intteno Dawite soo asawu! Intte ooththida iita ooso gaason eexxiin oonikka toyssana dandayontta tama mala ta hanqoy intte bolla eexxontta mala wonttan wonttan suure pirdite; bonqqettidayta un7eththizayta kusheppe ashshite› gees ga.

ኤርማሳ ቲንቢቴ 22:18

Hessa gishshas GODAY Yuhuda Kawo Iyosiyaasa naa Iyo7aaqeme gishshas, «Woo ta ishawu! Waay waay ta michchee! Qasse, ‹Ta godawu woo woo! Ne gitateththaa woo woo!› giidi zilalettenna.

ኤርማሳ ቲንቢቴ 22:3

GODAY, «Suure pirdanne xillo ooththite; bonqqettidayta un7eththizayta kusheppe ashshite; beteta, yi7otanne am7eta qohopite; ha sohonkka xillo suuth gussofte.

ኤርማሳ ቲንቢቴ 23:5

GODAY, «Tani Dawites xillo zare denththana wodey yaana; izi tumu pirdanne xilloteth ooththizaade, aadho erateththan haariza kawo gidana.

ኤርማሳ ቲንቢቴ 42:6

GODAA nu Xoossaas azazettiin nuus lo7o gidana mala nuus giigiin giigontta aggiin nena nu izakko kiittiza GODAAS nu Xoossaas nu azazettana» gida.

ኤርማሳ ቲንቢቴ 7:5

Intte intte ogenne intte ooso lo7eththiko, intte giddon suureteththi diikko,

ሉቃሳ ሚሺራቾ 11:41

Yo7on gidikko giddon dizayssa muxuwaata immite; he wode wurikka inttes geesh gidana.

ሃዋሬታ ኦሶ 2:46

Gallas gallas Xoossa Keeththan issife shiiqeettes; ba keeththankka quma issife ufayssaninne suure wozinan issifeteththan meettes.

1ቆሮንቶሴ ኣሳስ 10:31

Histtiko intte ay miikkoka, ay uyikkoka woykko aykko ooththiko wursika Xoossa bonchchos ooththite.

ዛሬ ማጻፋ 4:40

Inttessinne inttefe guyen yaana intte zereththaas lo7o gidana mala qasse GODAA intte Xoossay mernaas inttes immiza xinxxoyn intte layththi aduqqana mala tani hach inttena azaziza wogaanne maaraa naagite» gides.