ኤርማሳ ቲንቢቴ 20:18 - Geeshsha Maxaafa

¹⁸ Tani metonne ceece be7anaassinne ta de7o layththaa ubbaa kawushshateththan wursanaas ta aayi uloppe ays kezadinaa?

ጋሞ ማጻፋ

¹⁸ ታኒ ሜቶኔ ጬጬ ቤኣናሲኔ ታ ዴኦ ላይ ኡባ ካዉሻቴን ዉርሳናስ ታ ኣዪ ኡሎፔ ኣይስ ኬዛዲና?

ኤርማሳ ቲንቢቴ 20:18 ပူးပေါင်းရင်းမြစ်များ

1ካዎታ ማጻፋ 19:4

Issi gallassa oge bazzon hemettides. Bishe sankkara miththa kuwa garsan uttidi, «Abeet GODAWU! Taas gidana; tani ta aawatappe aadhdhike. Ta shemppoyo ne ekka» giidi hayqo amotti woossides.

ኢዮቤ ማጻፋ 14:1

«Asho may7ida asas layththay qaanththa; hessika meton kumides.

ኢዮቤ ማጻፋ 14:13

«Hayqqidayta giddon ne tana qottidaakko aazee dizay! Ne hanqozi aadhdhana wodey gakkanaas ne tana qottidaakko! Qaxaro gallas qachchada ne tana qoppidaakko!

ኢዮቤ ማጻፋ 3:20

«Xoossi un7o bolla dizaytas poo7o, duussazi camo qofan kumidaades de7o ays immizee?

ኢዮቤ ማጻፋ 5:7

Tama finxeththi bonqofe dendidi pude finxiza mala, asikka waayes yelettees.

ዬ ማጻፋ 102:3

Ays giikko ta layththay cuwa mala dhayees; ta meqeththaykka tama bonqo mala eexxees.

ዬ ማጻፋ 69:19

Ta bolla gakkida cashsha, yeellateththaanne kawushshateththaa ne eraasa; ta morkketakka hu7en hu7en ne demmaasa.

ኢሳያሳ ቲንቢቴ 1:6

Hessa gaason hirki toho xugunththafe biidi hu7e iske gakkanaas paxateththi inttes baawa. Madunth, kixanne uzas xalla gidides. He madunththay meecettibeenna; qashettibeenna; zaytenkka shuggibeenna.

ኢሳያሳ ቲንቢቴ 51:7

GODAY, «Intteno xilloteth erizaytoo, ta wogaa intte wozinan woththida asatoo ta gizaa siyite. Asay inttena kadhishin babbofte; istti inttena cayishin dagammofte.

ኤርማሳ ቲንቢቴ 15:10

Ta aayee! Hanno poora! Tani as ubbaas ooshshasinne palamas gidana mala ays tana yeladii? Tani oonaska tal7e immabeekke; oonappeka tal7e ekkabeekke; gido attiin asi ubbay tana qanggees.

ኤርማሳ ቲንቢቴ 15:18

Ta bolla hargey ays minnidee? Ta madunththay ays dari dari bidee? Ays paxontta ixxidee? Neni taas baleththiza shaafa malanne cimmiza pultto mala ays gidadii?

ኤርማሳ ቲንቢቴ 3:25

Nuni yelagateththafe doommidi hach gakkanaas, nunikka nu aawatikka GODAA nu Xoossa bolla nagara ooththidos; GODAAS nu Xoossaas azazettibeekko; hessa gishshas ane nuni yeellateth gullunttidi ichchoos; qasse kawushshateththi nuna afala mala kammo» geettes.

ኤርማሳ ቲንቢቴ 8:18

Ta ceeciza wode tana minththeththizayssoo! Ta wozinay keehi meqqides.

ኤርማሳ ዚላስ 1:12

«Godaa Xoossi ba wolqqama hanqoza nu bolla yeddida wode nu bolla gakkida meto mala metoy gakkida asi dizaa gidikko intteno ogera aadhdhi biza ubbato ane be7ite! Ha metoy inttes kawushsha misatizee?

ኤርማሳ ዚላስ 3:1

Godaa hanqo guufen waaye be7ida asi tana.

ኢምባቆ ቲንቢቴ 1:3

Ne tana aazas qohoy darshin bessay? Hayssa mala gene oosoy oosettishin ne waana co7u gaada xeellay? Mooroynne makkallay ta sinththan dees. Ooshshinne palamay biitta bolla darides.

ዮሃኒሳ ሚሺራቾ 16:20

Ta inttes tuma gays; intte waassananne yeekkanashin alamey gidikko ufayettana. Intte muuzottishin intte muuzoy ufayssan laamettana.

ሃዋሬታ ኦሶ 5:41

Hawaaretikka iza sunththa gishshas kawuyanaas bessiza gishshas daro ufayettishe dere cimata achchafe kezi bida.

2ጺምቶሳስ 1:12

Tani meto be7izaykka hessa gishshassa; gidikkoka ta oona ammanizaakko tani ta ammanizaade shaakka eriza gishshas izan yeellatikke. Ta izas immida hadaraa he gallassiya gakkanaas izi naaganaas dandayzayssa ta shaakka eradis.

Ibirawe 10:36

Intte Xoossa shene polidi izi inttes immida ufayssa qaalaa ekkanaas minni eqqanaas inttena koshshees.

Ibirawe 11:36

Issi issi asati asan kaa7ettida; garafettida; baggayti qasse qasho keeth gelida.

Ibirawe 12:2

Nu ammaniza ammanozas koyronne polo gidida Yesusa ane xeelloos; izi ba sinththan diza ufayssaa gishshas masqale bolla hayqo dandaydi masqale bolla bana gakkana kawushshateththaa leqqidi Xoossa algaas ushachchan uttides.

Ibirawe 13:13

Hessa gishshas nunikka izi tookkidi kawushshateththaa tookkidi nu dizasoppe gede izakko kare ane kezoos.