ኤርማሳ ቲንቢቴ 18:20 - Geeshsha Maxaafa

²⁰ Lo7o ooththidaades iita zaarizoo? Istti gidikko taas olla bookkida; ne hanqoy isttafe simmana mala ne sinththan eqqada istta gishshas ta yootidayssa qoppa.

ጋሞ ማጻፋ

²⁰ ሎኦ ኦዳዴስ ኢታ ዛሪዞ? ኢስቲ ጊዲኮ ታስ ኦላ ቦኪዳ፤ ኔ ሃንቆይ ኢስታፌ ሲማና ማላ ኔ ሲንን ኤቃዳ ኢስታ ጊሻስ ታ ዮቲዳይሳ ቆፓ።

ኤርማሳ ቲንቢቴ 18:20 ပူးပေါင်းရင်းမြစ်များ

ኢዮቤ ማጻፋ 6:27

Yi7o nayta bolla saama yeggeeta; intte intte siiqo laggeta bayzanaas miishshan marshetteetii?

ዬ ማጻፋ 106:23

Hessa gishshas Xoossi istta dhayssana gides; gido attiin dhayssontta mala iza hanqoza zaaranaas Xoossi doorida Musey giddon eqqides.

ዬ ማጻፋ 119:95

Iitati tana dhayssanawu zamadidi naageettes; gido attiin neni yootidayssa tani yuushsha qoppays.

ዬ ማጻፋ 35:12

Tana bizzasida; ta lo7o ooththoyssa kushe iita zaarida.

ዬ ማጻፋ 35:7

Coo tana oykkanawu bantta narxa woththida; qasseka coo tana kundisanaas olla bookkida.

ዬ ማጻፋ 38:20

Tani lo7o ooso ooththiin taas iita zaarizayti tani lo7o kaalliza gishshas tanara eqetteettes.

ዬ ማጻፋ 57:6

Istti ta tohos woximade woththida; ta asateththaa kuunissida; istti ta ogen olla bookkida; gido attiin he ollan banttas kundida.

ዬ ማጻፋ 7:15

Hara asatas olla bookkida asi ba bookkida ollan simmi kundees.

ሌሚሶ ማጻፋ 17:13

Lo7o ooththidaades iita zaarizaadesoppe iitay mulekka dhayenna.

ሌሚሶ ማጻፋ 26:27

Haratas olla bookkiza asi he ollan baas kundana; harata bolla shuch bululiza asa bolla he shuchchay simmi iza bolla kundana.

ኤራንቻታ ማጻፋ 10:8

Olla bookkiza asi he ollan izi kundana; qasse dirsa laalliza as shooshshi dukkana.

ኤርማሳ ቲንቢቴ 11:14

«Ermaasa, istti metotidi tana woossiko ta siyontta gishshas ne istta gishshas tana woossofa; istta gishshas gaannatoppa woykko oychchofa.

ኤርማሳ ቲንቢቴ 14:20

Abeet GODAWU! Nuni nu iitateththaa eridos; Nu aawata qohokka akeekidos; tumappeka ne bolla nagara ooththidos.

ኤርማሳ ቲንቢቴ 15:1

Hessafe guye GODAY taas, «Museynne Sameeli ta sinththan eqqidaakkoka ta wozinay ha deraas mishettenna; istta ta sinththafe digga; istti betto.

ኤርማሳ ቲንቢቴ 17:18

Tana yedeththizayti yeellatetto; tana yeellasoppa; istti dagammetto; gido attiin tana dagamappe qotta; istta bolla iita gallas eha; istta bolla dakko bash eha.

ኤርማሳ ቲንቢቴ 18:19

Abeet GODAWU! Ta gizaaz siya; ta morkketi ta bolla haasayzayssa ezga.

ኤርማሳ ቲንቢቴ 18:22

Istti tana kundisanaas olla bookkiza gishshassinne ta tohoska woximade woththida gishshas istti qoppontta neni istta bolla bonqqizayta yeddiin istta keeththan waasoy kezo.

ኤርማሳ ቲንቢቴ 27:18

Istti tumu nabeta gidikko, tumukka GODAA qaalay dizaa gidikko GODAA Keeththan, Yuhuda kawo keeththaninne Yerusalaamen attida miishshati Baabiloone di7etti bontta mala ane GODAA Ubbaafe Wolqqama Xoossaako shoobbi woossetto.

ኤርማሳ ቲንቢቴ 5:26

GODAY, «Ta asaa giddon iita asati deettes. Kafota oykkanaas naagiza asa mala istti woximade woththidi asaa oykkanaas naageettes.

ኤርማሳ ቲንቢቴ 7:16

GODAY, «Ermaasa, ne woossiinkka ta siyontta gishshas ne hayssa deraas woossofa; isttas shoobbofa woykko isttas gaannatoppa.

ኤርማሳ ዚላስ 3:59

GODAWU! Ne ta bolla gakkida qohoza beyadasa; ne taas pirda.

ዮሃኒሳ ሚሺራቾ 10:32

Yesusikka, «Aawappe gidida daro gita malaatata ta inttena bessadis. Histtiin ha ta bessidaytappe awaari gishshas tana shuchchara caddeetii?» gides.

ዮሃኒሳ ሚሺራቾ 15:25

Hessika haniday kase, ‹Tana gaasoykka baynda dishin ixxida› geetettidi istta wogan xaafettida qaalay polettanaassa.

1ሳሜላ ማጻፋ 19:4

Yoonataaney ba aawa Sa7ooles, «Kawoy ba oosanchcha Dawite bolla iita miish ooththofo; izi nena qohibeenna; izi ooththidayssi nena daro go7iza miishsha.