ኤርማሳ ቲንቢቴ 16:17 - Geeshsha Maxaafa

¹⁷ Ta ayfey istta oge ubbaa be7ees; istti taappe geemmettenna; istta nagaraykka ta ayfeppe geemmibeenna.

ጋሞ ማጻፋ

¹⁷ ታ ኣይፌይ ኢስታ ኦጌ ኡባ ቤኤስ፤ ኢስቲ ታፔ ጌሜቴና፤ ኢስታ ናጋራይካ ታ ኣይፌፔ ጌሚቤና።

ኤርማሳ ቲንቢቴ 16:17 ပူးပေါင်းရင်းမြစ်များ

2ታሪኬ ማጻፋ 16:9

Ba kumeththa wozinappe GODAA ammanettiza as minththeththanaas GODAA ayfey sa7aa bollan ubbaso xeellees. Neni ha yo7ozan eeyateththa ooso ooththida gishshas hachchife doommiin neeppe olay duuxxenna» gides.

ኢዮቤ ማጻፋ 10:14

Ta qohidaa gidikko ne ayfeti beyana; ta nagara gishshas tana qaxxayontta aadhdhaka.

ኢዮቤ ማጻፋ 31:4

Xoossay ta ooththizayssa ubbaa beyennee? Ta hemetakka shaakki erennee?

ዬ ማጻፋ 109:15

Istta nagaray GODAA sinththan ubbato beetto; istta akeekissiza miishshi biitta bolla dooppo.

ዬ ማጻፋ 139:3

Tani bizaasonne shempizaso xomosaasa; ta ogeta ubbaa neni eraasa.

ዬ ማጻፋ 33:15

Izi ubbaa wozina medhdhides; istti ooththiza miish ubbaa erees.

ዬ ማጻፋ 51:9

Ne sinth ta nagarappe haraso zaara; ta qoho ubbaaka qucca digga.

ዬ ማጻፋ 90:8

Neni nu iita ooso ne sinththan woththadasa; qasse nu genththida nagara ne sinththa poo7okko aaththadasa.

ሌሚሶ ማጻፋ 15:3

GODAA ayfeti ubbaso xeelleettes; iitatanne lo7ota ubbaa lo7eththi be7eettes.

ሌሚሶ ማጻፋ 5:21

Gaasoykka asi ooththiza ubbaa GODAY beyees; izi hemettiza hemetaa ubbaa pilggi xeellees.

ኢሳያሳ ቲንቢቴ 29:15

Bantta halchcho GODAAPPE genththanaas duge ciimma ollan wodhdhizaytas bantta ooso dhuman ooththizaytas «Nuna ooni be7anee? Nuna ooni eranee?» gizaytas aayye ana!

ኢሳያሳ ቲንቢቴ 66:18

«Tani istta oosonne istta qofa eriza gishshas, kawoteththata ubbaanne dumma dumma qaalan haasayza ubbata issife shiishshanaas yaana; isttika yiidi ta bonchcho be7ana.

ኤርማሳ ቲንቢቴ 2:22

Neni hadinccen meecettikokka, woykko daro saamunan meecettikokka ne mooro qitay ha7ikka ta sinththan dees» gees Ubbaa Haariza GODAY.

ኤርማሳ ቲንቢቴ 23:24

Tani be7ontta mala geemason qotetti attana asi dizee? Salonne sa7a kumiday tana gidikkinaa!» gees GODAY.

ኤርማሳ ቲንቢቴ 29:23

Istti ba laggeta machchetara laymateththan ta isttas yootontta qaala ta sunththan wordo yooton Isra7eele bolla qoho gaththida; hessa tani erays; tani hessas markka» gees GODAY.

ኤርማሳ ቲንቢቴ 32:19

Ne halchchoy gita; neni ne ooson mino; ne ayfeti asa oge ubbaa xeelleettes; issaas issaas iza oge malanne iza ooso mala ne immana.

ኤርማሳ ቲንቢቴ 7:11

Ta sunththan xeygettida ha Xoossa Keeththay inttes pangati qotettiza gongolo gididee? Intte ooththizayssa ubbaa tani ta ayfera be7adis» gees.

ሂዚቄላ ቲንቢቴ 8:12

Qasse Xoossi tana, «Haysso asa nawu! Isra7eele keeththaa cimati issoy issoy qol7a giddon dhumason bantta eeqa misle keeththan istti ooththizayssa beyay? Gaasoykka istta, ‹GODAY nuna beyenna; GODAY biittaa aggides› geettes» gides.

ሂዚቄላ ቲንቢቴ 9:9

Izi zaaridi taas, «Isra7eele keeththa nagaraynne Yuhuda keeththa nagaray keehi darides; biittaya suuth xalla gidadus; qasse katamaya geellateththan kumadus; gaasoykka asay, ‹GODAY biittaa aggides; GODAY be7enna› geettes.

ሶፎናሳ ቲንቢቴ 1:12

He wode ta Yerusalaame giddoza xomppera koyana; aykko hirgay baynda badhdhi gi uttidayta, woyne ushshu gacci ekkichchiin orcco bolla attida woyne ushsha mala gididayta, ‹Iita gidiin woykko lo7o gidiin GODAY aykkoka ooththenna› gizayta ta qaxxayana.

ዛካራሳ ቲንቢቴ 4:10

«Guuththa miishshati haniza gallassi kadhiday oonee? Asay Zerubaabele kushen tumbe be7idi ufayettana; heyti laappun xomppeta istta bolla woththiza laappun ballati alame bolla yuuyi xeelliza GODAA ayfeta.»

1ቆሮንቶሴ ኣሳስ 4:5

Hessa gishshas pirdana wodey gakkontta haara ay yo7okka pirdofte; Goday yaana gakkanaas naagite; izi dhuma giddon qotettidayssa buro qoncce kessana. Asa wozina giddon diza qofaakka qoncce kessana; he wode issi issi asi baas bessiza galata Xoossa achchafe ekkana.

Ibirawe 4:13

Xoossa ayfeppe geemettida medhetay mulekka deenna; nu izas nu gishshas zaaro immanaas bessiza iza sinththan hanoy wurikka kallo qonccen beettana.