ኤርማሳ ቲንቢቴ 14:22 - Geeshsha Maxaafa

²² Kawoteththata eeqa xoossati ira bukisana dandayzoo? Saloti ba shenen puuse duge yeddanaas dandayzoo? Dandayettenna; Abeet nu GODAWU! Hessa ubbaa ooththana dandayzay nena; hessa gishshas nuni nenan hidota ooththoos.

ጋሞ ማጻፋ

²² ካዎቴታ ኤቃ ጾሳቲ ኢራ ቡኪሳና ዳንዳይዞ? ሳሎቲ ባ ሼኔን ፑሴ ዱጌ ዬዳናስ ዳንዳይዞ? ዳንዳዬቴና፤ ኣቤት ኑ ጎዳዉ! ሄሳ ኡባ ኦና ዳንዳይዛይ ኔና፤ ሄሳ ጊሻስ ኑኒ ኔናን ሂዶታ ኦስ።

ኤርማሳ ቲንቢቴ 14:22 ပူးပေါင်းရင်းမြစ်များ

1ካዎታ ማጻፋ 17:1

Gala7aaden Tesibe geetettizasoppe yida nabe Eelaasi kawo Akaabes, «Tani izas ooththiza GODAA Isra7eele Xoossay beyiin hayssafe yaana layththatan tani yootontta dishin sa7an iray bukkenna woykko xaazaykka xaazatenna» gides.

1ካዎታ ማጻፋ 17:14

Gaasoykka GODAA Isra7eele Xoossay, ‹Sa7a bollan GODAY ira bukisana gakkanaas dhiillezi otoppe wurenna; zaytezikka xaaroppe mulekka wurenna› gees» gides.

1ካዎታ ማጻፋ 18:1

Iray dhayoosofe heedzdzanththo layththan, daro wodeppe guyen GODAY Eelaasa, «Baada Kawo Akaabes qoncca. Tani ha biittaa bolla ira bukisana» gides.

1ካዎታ ማጻፋ 8:36

Histtada ne ashkara Isra7eele deraa nagara atto ga; istti hemettanaas bessiza lo7o oge istta tamaarsa; hessafe guye neni ne deraa laatissida biittan ira bukisa.

ኢዮቤ ማጻፋ 28:26

irassinne wolqqanththara diza dadas woga woththida wode,

ኢዮቤ ማጻፋ 5:10

Biitta bolla ira bukisees; goshshatakka haaththan shugisees.

ዬ ማጻፋ 130:5

Tani GODAA laamotan naagays; ta shemppoya dandayan naagawus; iza qaalaakka hidota ooththawus.

ዬ ማጻፋ 135:7

Kareththa shaara sa7a gaxappe izi denththees; izi irara wolqqanth kiittees; ba minjji woththidasoppe carko kessi yeddees.

ዬ ማጻፋ 147:8

Izi salo shaara mayzees; sa7as ira bukisees; zumata bollaka maata mokisees.

ዬ ማጻፋ 25:21

Ne taas hidota gidida gishshas suureteththaynne tumateththay tana naago.

ዬ ማጻፋ 25:3

Nena hidota ooththizayti yeellatettenna; gido attiin gene ooththizayti yeellatana.

ዬ ማጻፋ 27:14

GODAAN ammanetta; minna, hidota qanxxofa, GODAAN ammanetta.

ኢሳያሳ ቲንቢቴ 30:18

Gido attiin GODAY inttes kiya ooththanaas naagees; inttena ba qadheteththa bessanaas dendees; GODAY tumu pirdiza Xoossa gidida gishshas ammanettidi iza naagizayti anjjettidayta.

ኢሳያሳ ቲንቢቴ 30:23

Ne zerida kaththas izi ira immana; biittafe mokkida kaththay muurutanne daro gidana. He wode intte mehey aaho demban heemettana.

ኢሳያሳ ቲንቢቴ 41:29

Be7ite istti ubbayka hada; istta oososka go7ay deenna; istta misletikka aykkoy baynda carko mala» gees.

ኤርማሳ ቲንቢቴ 10:12

Ba wolqqan sa7a medhdhiday, ba aadho erateththan alame essiday, ba akeekan salo micciday GODAA.

ኤርማሳ ቲንቢቴ 10:13

Izi guummiza wode, salon diza ubbay qaaxxees. Izi shaara sa7a gaxappe pude denththees. Izi irara dada yeddees; carkoka ba minjjasoppe kessees.

ኤርማሳ ቲንቢቴ 10:15

Istti coo qidhes medhettida miishsha. Pirday istta bolla gakkiza wode istti dhayana.

ኤርማሳ ቲንቢቴ 10:3

Gaasoykka dereta wogay hada. Istti mith worappe qanxxeettes; hiillay massi giigssees.

ኤርማሳ ቲንቢቴ 16:19

Taas minoteththinne miixa gidada meto gallas ta shiiqa attizaso gidida GODAWU! Kawoteththati sa7a gaxaappe neekko yiidi, «Kase nu aawati bana aykkoka maaddontta eeqa xoossatas goynnida.

ኤርማሳ ቲንቢቴ 5:12

Istti GODAA bolla wordo haasayda; «Izi nuna aykkoka ooththenna; iita miishshika nu bolla gakkenna; olanne kosha nuni mulekka be7okko.

ኤርማሳ ቲንቢቴ 5:24

Istti bantta wozinan, ‹Nuus sila iranne gabba ira woden woden bukissiza, kaththa shiishsho wode nuus wodera ehiza GODAA nu Xoossaas ane yayyoos› gibeettenna.

ኤርማሳ ቲንቢቴ 51:16

Izi ba cenggurssa sissiza wode salon diza haaththati guummeettes; shaarata izi sa7a gaxappe ehees; irara wolqqanth kiittees; ba minjjasohoppeka carko kiittees.

ሆሴኤ ቲንቢቴ 2:7

Iza ba laggeththota demmanaas woxxana shin isttako gakkanaas dandayukku. Iza istta daro koyana shin demmuku; hayssafe guye, ‹Hayssa ha duussafe taas kase duussay lo7o; hessa gishshas beni ta azinaakko ta simma baana› gaana.

ኢዩኤሌ ቲንቢቴ 2:23

Intteno Xiyoone deretoo, GODAAN intte Xoossan ufayssi ooththite; izi tumu pirdidi badhdhesa iranne ofinththa ira wogara immides.

ኣሞጼ ቲንቢቴ 4:7

Intte kaththay gakkanaappe buro heedzdzu aginay dishin sinththata ta inttes iray bukkontta mala diggadis; issi kataman bukkishin hara kataman bukkontta mala diggadis; issi gaden bukkishin hankko issaa gaden iray dhayiin melides.

ሚኪያሳ ቲንቢቴ 5:6

Asoore derey mashshan Namuruude derey koohoppe shodettida giththa mashshan haarettana; Asoore asay nu biitta worajjishininne nu dhas bochchishin izi nuna ashshana.

ሚኪያሳ ቲንቢቴ 7:7

Tani gidikko Xoossa hidota ooththays; tana ashshida ta Xoossaa naagays; ta GODAYKKA taas siyana.

Maatosa 5:45

Intte hessaththo ooththiko intte salo Aawaas nayta gidana. Izi arshe iitatassinne lo7otas issi bolla gaththi immees. Irakka xillotassinne nagaranchchatas issi bolla bukisees.

ዛሬ ማጻፋ 28:12

Ne kushe ooso ubbaa anjjanaassinne GODAY ne biittaas ira wodera bukisanaas ba minjja keeththaa, salo penge nees doyana; qasse neni daro kawoteththatas tal7anaappe attiin ooppeka haa tal7e ekkaka.

ዛሬ ማጻፋ 32:21

Tumu gidontta xoossatan tana mishisida; go7ay baynda ba eeqa xoossatan tana hanqeththida. Tanikka istta kadhettida kawoteththata istti miigettana mala ooththana. Ta istta akeekontta deretan hanqeththana.