ኤርማሳ ቲንቢቴ 14:14 - Geeshsha Maxaafa

¹⁴ Histtiin GODAY taas, «Nabeti ta sunththan wordo yooteettes. Tani istta kiittabeekke, azazabeekke, isttaskka yootabeekke. Istti inttes wordo ajjuuta, muurenno yo7o, hada yo7onne bantta wozinan diza baleththo yo7o yooteettes.

ጋሞ ማጻፋ

¹⁴ ሂስቲን ጎዳይ ታስ፥ «ናቤቲ ታ ሱንን ዎርዶ ዮቴቴስ። ታኒ ኢስታ ኪታቤኬ፥ ኣዛዛቤኬ፥ ኢስታስካ ዮታቤኬ። ኢስቲ ኢንቴስ ዎርዶ ኣጁታ፥ ሙሬኖ ዮኦ፥ ሃዳ ዮኦኔ ባንታ ዎዚናን ዲዛ ባሌ ዮኦ ዮቴቴስ።

ኤርማሳ ቲንቢቴ 14:14 ပူးပေါင်းရင်းမြစ်များ

ኢሳያሳ ቲንቢቴ 56:10

Isra7eele asaa naagizayti qooqe; isttas erateththi deenna istti ubbay boccontta kana mala; boccanaas dandayettenna; istti ichchidi agumetteettes; istti dhiskanchcha.

ኢሳያሳ ቲንቢቴ 9:15

Cimatinne bonchchettidayti hu7e; wordo tamaarsiza nabeti goyna.

ኤርማሳ ቲንቢቴ 20:6

Pashkure! Neninne ne sohon diza ubbayka di7ettidi Baabiloone baana. Neninne ne isttas wordo tinbite yootida ne laggeti ubbay heen hayqqananne moogettana› gees» gides.

ኤርማሳ ቲንቢቴ 28:11

Histtidi Hanaaniyay asaa ubbaa sinththan, «GODAY, ‹Tani nam7u layththata giddon Baabiloone kawo Nabukadanaxoore qambara kawoteththata ubbaa morgefe denththada hayssaththo menththana› gees» gides. He wode nabe Ermaasi aggaagidi ba oge bides.

ኤርማሳ ቲንቢቴ 28:13

«Baada Hanaaniyas, ‹Neni miththa qambara menththadasa; tani gidikko iza gishshas birata qambara giigsana› gees GODAY gaada yoota.

ኤርማሳ ቲንቢቴ 28:15

Hessafe guye nabe Ermaasi nabe Hanaaniyas, «Hanaaniya siya! GODAY nena kiittibeenna; gido attiin neni ha asay wordo miishshan ammanettana mala ooththadasa.

ኤርማሳ ቲንቢቴ 29:21

Ubbaafe Wolqqama GODAA Isra7eele Xoossay ta sunththan wordo tinbite inttes yootiza Qolaaya naa Akaabe gishshassinne Ma7isaya naa Sedeqiyaasa gishshas tani istta Baabiloone Kawo Nabukadanaxoores aaththa immana; intte xeellishin izi istta wodhana.

ኤርማሳ ቲንቢቴ 29:31

«Hayssa ha kiitaa di7eteththan dizaytas ubbaas, ‹Nehelaame dere as Shama7ey tani kiittontta tinbite yootides; intte wordon ammanettana mala ooththides› ga kiita.

ኤርማሳ ቲንቢቴ 37:19

‹Ane Baabiloone kawoy inttenanne ha biittayo yiidi olenna› giidi inttes tinbite yootida nabeti ha7i awan dizoo?

ኤርማሳ ቲንቢቴ 5:31

Nabeti wordo tinbite yooteettes; qeesetikka istta zoren aysseettes. Ta asaykka hessa mala miish dosees! Histtiin wurseththan intte ay ooththanee?» gees.

ኤርማሳ ቲንቢቴ 8:10

Hessa gishshas tani istta machcheta hara azinatas, istta biittatakka allagatas immana; guuththayka gitaykka ubbay bantta go7as yiiqeteettes. Nabetinne qeesetikka ubbay as baleththeettes.

ኤርማሳ ቲንቢቴ 8:11

Istti ta dereza madunththaa qeeri miishshan qoodidi maaddontta dhale immeettes; saroy baynda, ‹Saro, saro› geettes.

ኤርማሳ ዚላስ 2:14

Ne nabeta ajjuutay wordonne coo hada; ne nagara qonccisidi nena di7eteththafe ashshettenna; istti nees yootiza tinbitey baleththizaazinne ogeppe kare kessizaaza.

ኤርማሳ ዚላስ 2:9

Izi pengeti duge biittan gelida; kare gordiza birata kolatati meqeretti wodhdhida; izi kawozinne daannati ayzaabetan di7etti bida; hayssafe guye kase isttas diza wogay ooththenna; izi nabetaska hayssafe guye GODAAPPE ajjuutay qonccenna.

ሂዚቄላ ቲንቢቴ 12:24

Hayssafe guye Isra7eele deraa giddon wordo ajjuutaynne as muurenno oosoy deenna.

ሂዚቄላ ቲንቢቴ 13:2

«Haysso asa nawu! Tinbite yootiza Isra7eele nabeta bolla neni tinbite yoota; baappe medhdhi ekkidi tinbite yootizayta, GODAA qaala siyite!

ሂዚቄላ ቲንቢቴ 13:23

Hessa gishshas hayssafe guye wordo ajjuuta be7ekketa; muurennoka muurenneketa; ta deraa intte kusheppe woththa ekkana; tani GODAA gididayssa intte he wode erana› gees» gides.

ሂዚቄላ ቲንቢቴ 21:29

Ne gishshas be7ida wordo ajjuutay, nees yootettida muurennoy diikkoka, isttas gene xuu7ay kumishin, istta barey gakkishin siifettana bessiza iitata qoodhe bolla wodhdhana.

ሚኪያሳ ቲንቢቴ 3:11

Kaaleththizayti matta7es pirdeettes; qeeseti miishsha gishshas tamaarseettes; Nabetikka miishshe mida gishshas yooteettes. Hessa ubbaa ooththidikka, «Xoossi nu giddon dees gidennee? Ay iitaykka nu bolla gakkenna» gishe Xoossan ceeqeteettes.

ዛካራሳ ቲንቢቴ 10:2

Eeqa xoossati baleththo yo7o yooteettes; Maroti wordo ajjuuta beyeettes; kaayizayti wordo agumo agumetteettes; asakka coo hada yo7on minththeththeettes; hessa gishshas derey heemmizaadey baynda dorsa mala coo mela toylattishe qohettides.

ዛካራሳ ቲንቢቴ 13:3

Oonikka tani nabe giikko izaade yelida aawaynne aayeya iza ne GODAA sunththan wordo haasayda gishshas nees hayqoy bessees getto; izi tinbite haasayshin iza yelidayti iza caddetto.

ዛሬ ማጻፋ 18:20

Gido attiin ta iza azazontta xalateththan ta sunththan yootiza nabey woykko eeqa xoossata sunththan yootiza nabey hayqqo.

1ጺምቶሳስ 4:2

Hessa mala timirtey istta qofay bonqo biratan xuugettida mala geellateththan doccida qoodheppe qommon haniza wordanchcha asatappe yaana.

1ዮሃኒሳ ኪታ 4:1

Ta ishatoo! Ayana wursi ammanopite; gido attiin ayanati Xoossafekkonne paacci xeellite; gaasoykka daro wordo nabeti biitta bolla laalettida.