ኤርማሳ ቲንቢቴ 10:6 - Geeshsha Maxaafa

⁶ Abeet GODAWU! Ne malay oonikka deenna. Neni gita; ne sunththayka gitanne wolqqama.

ጋሞ ማጻፋ

⁶ ኣቤት ጎዳዉ! ኔ ማላይ ኦኒካ ዴና። ኔኒ ጊታ፤ ኔ ሱንይካ ጊታኔ ዎልቃማ።

ኤርማሳ ቲንቢቴ 10:6 ပူးပေါင်းရင်းမြစ်များ

2ሳሜላ ማጻፋ 7:22

«Ubbaa Haariza GODAWU, ne ay mala gitaa! Mulekka nena misatizay oonikka deenna; nuni nu hayththara siyida mala neeppe attiin hara Xoossi deenna.

1ታሪኬ ማጻፋ 16:25

GODAY gita; izas bessiza galataykka dhoqqa; xoossata ubbaafe aadhdhees; izas yayyanaas bessees.

ናሂሚያ ማጻፋ 4:14

Asay keehi hirgizayssa tani beyada kaaleththizayta, daannatanne hara asata ubbaa, «Babbofte! Yashshiza Wolqqama Xoossa qopite! Intte dabbotas, naytas, machchetassinne haarotas olettite!» gadis.

ናሂሚያ ማጻፋ 9:32

Gita, wolqqamanne yashshiza nu Xoossawu! Neni ne caaqo qaalanne mernaa gakkanawu diza ne siiqo naagaasa; nu bolla, nu kawota bollanne nuna kaaleththizayta bolla nu qeeseta bollanne nu nabeta bolla nu aawata bolla, qasseka dere ubbaa bolla, Asoore kawotappe doommidi hach gakkanaas gakkida meto ubbaa ne qoppa.

ዬ ማጻፋ 145:3

GODAY gita; gita galatay izas bessees; iza gitateththay asa qofappe bolla.

ዬ ማጻፋ 147:5

Nu GODAY gita; izi keehippe wolqqama; iza erateththaas zaway deenna.

ዬ ማጻፋ 35:10

Ta kumeththa asateththay nena, «Abeet GODAWU! Qohettidayta qohizayta kusheppe ashshizay, hiyeesatanne metotanchchata bonqqizayta kusheppe naagizay hara ne malay oonee?» gaana.

ዬ ማጻፋ 48:1

GODAY gita; nu Xoossa kataman geeshsha zumazan gita galatay izas bessees.

ዬ ማጻፋ 96:4

GODAY gita; gita galataykka izas bessees; ubba xoossatappe aadhdhidi izi yayettanaas bessees.

ኬሳ ማጻፋ 15:11

«Abeet GODAWU! Eeqa xoossata giddon ne malay oonee? Geeshshateththan bonchchettizay, bonchchon babisizaynne, malalisiza miish ooththizay ne malay oonee?

ኬሳ ማጻፋ 8:10

Histtiin kawozi, «Wonto gido» gides. Museykka, «GODAA nu Xoossa malay oonikka bayndayssa neni erana mala ne gida mala ooththana.

ኬሳ ማጻፋ 9:14

Ne yeddontta ixxiko ne bolla, daannata bollanne ne asaa bolla ta wolqqama hanqo ha7i yeddana; hessankka biitta bollan ta malay bayndayssa neni erana.

ኢሳያሳ ቲንቢቴ 12:6

Intte giddon diza Isra7eele Geeshshay gita gidida gishshas Xiyoone asawu ilili giite; ufayssankka yexxite» gaandeta.

ኢሳያሳ ቲንቢቴ 40:18

Histtiin intte Xoossaa oonara giniseetii? Ay mislera gaththi giniseetii?

ኢሳያሳ ቲንቢቴ 40:25

Geeshshazi isttas, «Tana oonara giniseetii? Tanara ginattizay oonee?» gees.

ኢሳያሳ ቲንቢቴ 46:5

«Tana oonara giniseetii? Tana oonara likkiseetii? Nuni issino misatana mala tana oonara geeddareetii?

ኢሳያሳ ቲንቢቴ 46:9

Kase beni wode hanida yo7ota akeekite; tani Xoossa; taappe haray deenna; tani Xoossa; ta malay oonikka deenna.

ኤርማሳ ቲንቢቴ 10:16

Gido attiin Yaaqoobe qaaday heyta mala gidenna. Gaasoykka izi ubbaa medhdhidayssa; Isra7eeley doorettida dere. Iza dooridayssa sunththay Ubbaafe Wolqqama GODAA Xoossa.

ኤርማሳ ቲንቢቴ 32:18

Neni ne siiqonne kiyateth shii yeleta gakkanaas bessaasa; gido attiin aawata mooro istta nayta bolla zaaraasa. Abeet gitanne wolqqama Xoossawu! Ne sunththay GODAA Ubbaafe Wolqqama Xoossa.

ዳኔላ ቲንቢቴ 4:3

Xoossi bessiza malatay ay mala gitaa! malalisiza iza oosoti ay mala minoo! Xoossi mernaas kawo; iza kawoteththay yeletappe yeleta gakkanaas de7ees.

ዳኔላ ቲንቢቴ 4:34

Kawo Nabukadanaxoorey, «Laappun layththati aadhdhidaappe guye tani ta ayfeta pude salo denththadis; taas wozina kahay simmides; Ubbaafe Dhoqqa Xoossa galatadis; mernaas diza Xoossa sabbadis; bonchchoka izas immadis; iza kawoteththay mernaassa; iza kawoteththay yeletappe yeleta gakkanaas daana.

ሚልካሳ ቲንቢቴ 1:11

Awa arshey kezizasoppe doommidi arshey wullizaso gakkanaas ta sunththay dere ubbaa giddon bonchchettana; beettooson ubbaan ta sunththas exaaneynne geeshsha yarsho asay shiishshana; ta sunththi asa ubbaa achchan bonchchettana.

ዛሬ ማጻፋ 32:31

Haray attoshin nu morkketi istta xoossay laafa gididayssanne Isra7eele Xoossaa mala gidonttayssa ereettes.

ዛሬ ማጻፋ 33:26

Isra7eele asawu! Saloppe inttena maaddanaas ba teemara shaara bolla hemettiza intte Xoossa mala hara Xoossi deenna.