ኤርማሳ ቲንቢቴ 1:14 - Geeshsha Maxaafa

¹⁴ GODAY taas, «Pudeha baggafe bashshi dhuuqqidi ha biittan diza asaa ubbaa bolla gukkana.

ጋሞ ማጻፋ

¹⁴ ጎዳይ ታስ፥ «ፑዴሃ ባጋፌ ባሺ ቂዲ ሃ ቢታን ዲዛ ኣሳ ኡባ ቦላ ጉካና።

ኤርማሳ ቲንቢቴ 1:14 ပူးပေါင်းရင်းမြစ်များ

ኢሳያሳ ቲንቢቴ 14:31

«Nenoo pengezoo! Wuu! Wuy ga; Nenoo katamazoo! Waassa; Intteno Filisxeeme asatoo! Intte ubbayka hirgan seerite! Gaasoykka pudeha baggafe cuway intte bolla yides; he cifraappe duuxxi attanay deenna.

ኢሳያሳ ቲንቢቴ 41:25

«Tani pudeha baggafe issaa denththadis; izikka yees. Arshey mokkiza baggara yizayssi ta sunththaa xeygizayssa; manay urqqa yedhdhiza mala izi kaaleththizaytakka yedhdhees.

ኤርማሳ ቲንቢቴ 10:22

Siyite! Iita yo7oy yuussa bolla dees; hessi, «Pudeha baggara diza kawoteththan gita bul7aketeththi yuussan dees» gizayssa. Iza olanchchati yiidi Yuhuda katamata bazzonne worakanata duussaso kessana.

ኤርማሳ ቲንቢቴ 11:17

«Isra7eele asatinne Yuhuda asati Ba7aales exaane cuwasidi tana yiillosida gishshas inttena tokkida Ubbaafe Wolqqama GODAY intte bolla iita miish ehanaas awajjadis» gides.

ኤርማሳ ቲንቢቴ 25:9

tani pudeha bagga deraa ubbaanne ta aylle gidida Baabiloone kawo Nabukadanaxoore xeygana. Histtada istta ha biitta bolla, ha biittan diza asaa bollanne heeran diza kawoteththata ubbaa bolla ehana; tani inttena mulera dhayssana; qasse mernaas asi kadhizanne qidhiza bula kessana.

ኤርማሳ ቲንቢቴ 31:8

Be7ite tani istta pudeha baggafe ehana; biitta gaxappeka tani shiishshana; istta giddon qooqetinne wobbeti, abbey baynda maccassatinne miixattizayti daana; keehi daridi bantta dere simmana.

ኤርማሳ ቲንቢቴ 4:6

Xiyoone gelanaas bandira oykkite! eeson baqati attite; Ays giikko tani pudeha baggafe hanqonne bash ehana.

ኤርማሳ ቲንቢቴ 46:20

Gibxe biittay lo7o ussa mala; gido attiin saxxiza boxey pudeha baggafe yaana.

ኤርማሳ ቲንቢቴ 47:2

GODAY, «Be7ite, pudeha baggan haaththi kumi kumi bees; wolqqama di7o gidana; dereyonne izi giddon dizayta ubbaa izi katamatanne katamatan diza asaa ubbaa mittana. Derezikka ba qaala dhoqqu histti waassana; he biittan diza asay ubbay camo yeeho yeekkana.

ኤርማሳ ቲንቢቴ 50:41

«Be7ite! Pudeha baggafe asay yeeththa bolla dees; issi wolqqama kawoteththinne daro kawoti sa7a gaxappe dendida.

ኤርማሳ ቲንቢቴ 50:9

Tani pudeha baggafe wolqqama kawoteththata Baabiloone bolla denththeththana; isttika izi bolla salfana; histtidi izo heeppe oykkana; istta wondafey yeddontta loohida olanchchata mala.

ኤርማሳ ቲንቢቴ 6:1

GODAY, «Intteno Biniyaame zaretoo! Pudeha baggafe iita miishshinne bashshi yaana giza gishshas intte shemppo ashshanaas baqatite! Yerusalaameppe kezite! Tequhe kataman zaye punnite! Beeti-Hakarimen malata bessite!

ኤርማሳ ቲንቢቴ 6:22

Qasseka GODAY, «Hekko pudeha baggafe olanchchati yeettes; gita kawoteththi sa7a gaxappe denththa bolla dees.

ሂዚቄላ ቲንቢቴ 1:4

Tani dhoqqu ga xeellishin pudeha baggafe gote carkoy yizayssa be7adis; izappe wolqqanththi wawaci giza dhippi gida shaaraa gita poo7oy giddoththi woththides; tamazas giddo adday birata bonqqo misatees.

ሂዚቄላ ቲንቢቴ 24:3

Ha makkallanchcha keeththaas hayssafe kaalli diza leemisoza yoota; Ubbaa Haariza GODAY, « ‹Birata distte tama bolla woththa; hessafe guye izan haath gujja.

ኢዩኤሌ ቲንቢቴ 2:20

Pudehappe yaana olanchchata ta inttefe haassana; duge bazzo zaara gooddana; sinththati yizayta duge hayqo abban yeddana; guyera yizayta Mediteraane abban yeddana; heen istta ahay zeeqqana; tumappe tani GODAY gita miish ooththadis.

ዛካራሳ ቲንቢቴ 6:6

Kareththa parati goochchiza gaarey pudeha bagga, booththa parati goochchiza gaarey arshe geloso bagga, masara parati goochchiza paray dugeha baggara diza dere beettes» gides.