ዳናታ ማጻፋ 9:54 - Geeshsha Maxaafa

⁵⁴ Iza gondalle oykki kaalliza naateththaza eeson xeygidi, «Tana asi, ‹Iza maccassi wodhadus› gontta mala ne giththa mashshaa koohoppe shoddada tana wodha» gides; he ayllezikka caddiin izi hayqqides.

ጋሞ ማጻፋ

⁵⁴ ኢዛ ጎንዳሌ ኦይኪ ካሊዛ ናቴዛ ኤሶን ጼይጊዲ፥ «ታና ኣሲ፥ ‹ኢዛ ማጫሲ ዎዱስ› ጎንታ ማላ ኔ ጊ ማሻ ኮሆፔ ሾዳዳ ታና ዎ» ጊዴስ፤ ሄ ኣይሌዚካ ጫዲን ኢዚ ሃይቂዴስ።

ዳናታ ማጻፋ 9:54 ပူးပေါင်းရင်းမြစ်များ

2ሳሜላ ማጻፋ 1:10

Histtiin tani izi kundichchidaappe guye izi attonttayssa erada ta izakko shiiqada iza wodhadis. Iza hu7e bolla diza kallachchazanne iza qese sagayoza ekkada hekko ta godaas ehadis» gides.

2ሳሜላ ማጻፋ 1:7

Izikka guye simmi xeellidi tana be7idi xeygides; tanikka, ‹Ta nees ay ooththoo?› gadis.

2ሳሜላ ማጻፋ 1:9

«Izikka taas, ‹Ta hayqqanaas toqqays; gido attiin taas shemppoy kezontta ixxides; zay haa ya; tana shempisa› gides.

2ሳሜላ ማጻፋ 23:37

Amoone dere as Zallaqa, Xuriya naa Iyo7aabes gondalle oykkiza Bi7eroote dere as Nahiraye,

1ታሪኬ ማጻፋ 10:4

Sa7ooli ba ola massara tookkiza wottadaraza, «Ha qaxxarettontta Filisxeeme asati yiidi ta bolla kaa7ontta mala ne giththa mashshan tana wodha» gides. Gido attiin iza ola massaraa tookkiza wottadarazi keehi yayyida gishshas ixxides; histtiin Sa7ooli ba giththa mashsha bolla kundidi hayqqides.

1ታሪኬ ማጻፋ 10:5

Iza ola massara tookkizayssi Sa7ooli hayqqidayssa be7idaappe guye izikka ba giththa mashsha sa7an essidi iza bolla kundi hayqqides.

1ታሪኬ ማጻፋ 11:39

Amoone as Zallaqa, Xuriya naa Iyo7aabe ola massara tookkiza Bi7oroote as Nahiraye,

ዳናታ ማጻፋ 4:9

Dibooraykka, «Ero, buussaa ta nenara baana; gido attiin GODAY Sisaara maccassa kushen aaththi immana gishshas ta buussay nees bonchcho gidenna» gadus; hessafe guye Dibooray dendada Baraaqera olas Qaadeese badus.

ዳናታ ማጻፋ 9:55

Isra7eele asay ubbay Abimelekkey hayqqidayssa be7idi ba soo ba soo bides.

1ሳሜላ ማጻፋ 14:12

Hessafe guye Filisxeemeta heeran diza ola asay, «Ane haa nuukko kezite; nu inttena issi miish bessi aggana» giidi Yoonataane bollanne iza gondalle oykkiza naateththaza bolla waassida. Hessa gishshas Yoonataaney iza gondalle oykkizayssa, «GODAY istta Isra7eeleta kushen aaththi immida gishshas haa ya tana kaalla» gides.

1ሳሜላ ማጻፋ 14:13

Yoonataaney zuummidi baas gondalle oykkizayssa kaaleththi ekkidi kezides; Filisxeemeti Yoonataane kushen kundida; izas gondalle oykkizayssi iza guyera kaallishe istta wodhides.

1ሳሜላ ማጻፋ 14:14

Yoonataaneynne iza gondalle oykkizayssi koyro gallas issi waaxa peyshshiza gaden nam7u tammu gidiza as wodhida.

1ሳሜላ ማጻፋ 14:17

Sa7ooli banara diza asatas, «Ane olanchchata qoodite; nu giddofe ooni bidaakko be7ite» gides. Istti qoodiza wode Yoonataaneynne iza gondalle oykkizayssi heen deettenna.

1ሳሜላ ማጻፋ 14:7

Izas gondalle oykkiza naateththazi, «Ne wozinan qoppida ubbaa ooththa; guye gooppa; tanikka kumeththa wozinappe nenara days» gides.

1ሳሜላ ማጻፋ 16:21

Dawiti Sa7oolekko yiidi izas haggazo doommides; Sa7oolikka iza keehi dosides; izikka Sa7oole gondalle tookkizaade gidides.

1ሳሜላ ማጻፋ 31:6

Sa7oolinne iza naa heedzdzati, iza gondalle oykkizayssinne izara diza asati ubbay he gallas hayqqida.