ዳናታ ማጻፋ 8:34 - Geeshsha Maxaafa

³⁴ Histtidi Isra7eele asay istta yuushon diza morkketa ubbaafe istta ashshida GODAA bantta Xoossaa dogida.

ጋሞ ማጻፋ

³⁴ ሂስቲዲ ኢስራኤሌ ኣሳይ ኢስታ ዩሾን ዲዛ ሞርኬታ ኡባፌ ኢስታ ኣሺዳ ጎዳ ባንታ ጾሳ ዶጊዳ።

ዳናታ ማጻፋ 8:34 ပူးပေါင်းရင်းမြစ်များ

ዬ ማጻፋ 106:18

Qasse istta maabaraa giddon tamay eexxiin, lacoy he iita asata xuuggides.

ዬ ማጻፋ 106:21

Istti banttana ashshida Xoossa dogida; izi Gibxen gita ooso,

ዬ ማጻፋ 78:11

Istti izi ooththida ooso balida; izi istti bessida malalisiza hanotakka dogida.

ዬ ማጻፋ 78:42

Izi istta morkketappe wozzida gallassatanne iza wolqqaa dogida.

ኤራንቻታ ማጻፋ 12:1

Meto gallassati yontta dishin neni, «Tana ufayssettenna» giza wodeti gakkontta dishin ne yelagateththa layththan nena Medhdhidayssa qoppa.

ኤርማሳ ቲንቢቴ 2:32

Geela7oy ba alleqo woykko mishiraya ba mishirateththa may7o bala erazee? ta derey gidikko tana daro wode gakkanaas balides.

ኤርማሳ ቲንቢቴ 23:27

Istta aawati Ba7aale geetettiza eeqaza gaason ta sunththaa dogida mala, istti issoy issaas yootiza agumon ta asay ta sunththaa dogana mala ooththidaa isttas misatees.

ሆሴኤ ቲንቢቴ 2:15

Kase izi woyne atakilteza ta izis zaarana; meto shoobba ta izis hidota penge histtana; heen iza Gibxeppe kezida gallas naateththan dashe yexxida mala yexxana.

ዛሬ ማጻፋ 4:9

«Histtiko intte diza wode ubbaan hayssa intte intte ayfera be7idayssa ubbaa balontta malanne intte wozinappe dhayontta mala naagettite; intte naytanne intte nayta naytakka tamaarsite.

ዳናታ ማጻፋ 3:7

Isra7eele asay GODAA sinththan iita miish ooththides; istti GODAA bantta Xoossa aggidi Ba7aalenne Asheero geetettiza eeqa xoossatas goynnida.