ዳናታ ማጻፋ 4:10 - Geeshsha Maxaafa

¹⁰ Baraaqey Niftaalemenne Zaabiloone zareta Qaadeese xeygiin tammu shii asay iza kaalli kezides; Dibooraykka izara badus.

ጋሞ ማጻፋ

¹⁰ ባራቄይ ኒፍታሌሜኔ ዛቢሎኔ ዛሬታ ቃዴሴ ጼይጊን ታሙ ሺ ኣሳይ ኢዛ ካሊ ኬዚዴስ፤ ዲቦራይካ ኢዛራ ባዱስ።

ዳናታ ማጻፋ 4:10 ပူးပေါင်းရင်းမြစ်များ

1ካዎታ ማጻፋ 20:11

Isra7eele kawoy kiitetti yidaytas, « ‹Tumu olanchchay olappe simmidi gayrees attiin buro olas bishe gayrenna› giidi yootite» gides.

ዬ ማጻፋ 68:28

Abeet Xoossawu! Ne wolqqa qonccisa. Hayssafe kase ne nuus ooththidayssaththo ha7ikka ne minoteth nuna bessa.

ኬሳ ማጻፋ 11:8

Ne sunththida daannati wuri taakko yiidi, ta sinththan gufanni ziggidi, ‹Kezada barkkii! Nena kaalliza asay wurikka bo!› gaana. Hessafe guye tani baana» gides. Musey daro hanqettidi iza sinththafe kezidi bides.

ዳናታ ማጻፋ 4:14

Dibooray Baraaqe «Denda! Hekko hach GODAY Sisaara ne kushen aaththi immiza gallassa. Beya! GODAY neeppe sinththati bees» gadus; Baraaqey tammu shii asaa kaaleththidi Taaboore zuma bollafe wodhdhides.

ዳናታ ማጻፋ 4:6

Issi gallas Diboora Abino7aame naa Baraaqe Niftaaleme biittan diza Qaadeese katamappe kiittada xeygisadus; «GODAA Isra7eele Xoossay nena, ‹Niftaaleme zareppenne Zaabiloone zareppe tammu shii as ekkada Taaboore zumaa bolla keza.

ዳናታ ማጻፋ 5:15

Yisakoore zereththafe daannati Diboorira yida; ee, Yisakooreynne Baraaqeykka yida; isttika Baraaqe kaallidi duge zulleza wodhdhida. Gido attiin Oroobeele zareti qofan shaaketti wodhdhida; Yaanaakkonne yonttaakko sidhida.

ዳናታ ማጻፋ 5:18

Zaabiloone zareti bantta shemppo hayqos aaththi immida. Niftaaleme zaretikka isttaththoka ola demban ooththida.

ዳናታ ማጻፋ 6:35

Minaase zare ubbaas as kiittidi bana kaallana mala isttaka xeyssides; hessaththoka Aaseere zaretas, Zaabiloone zaretasinne Niftaaleme zaretas as kiittides; isttika izara olaso baanaas kezida.

1ሳሜላ ማጻፋ 25:27

Ta ne aylleya ta godaas ehida ha imotay nena kaalliza ha naateththatas imetto.