ዳናታ ማጻፋ 3:1 - Geeshsha Maxaafa

¹ He wode Kanaanen ay olakka oletti erontta Isra7eele kawoteththaa paaccana mala GODAY ha asata ashshides.

ጋሞ ማጻፋ

¹ ሄ ዎዴ ካናኔን ኣይ ኦላካ ኦሌቲ ኤሮንታ ኢስራኤሌ ካዎቴ ፓጫና ማላ ጎዳይ ሃ ኣሳታ ኣሺዴስ።

ዳናታ ማጻፋ 3:1 ပူးပေါင်းရင်းမြစ်များ

1ካዎታ ማጻፋ 9:21

Istta Isra7eele asati biittaafe wursi dhayssanaas dandayontta aggiin he biittaan attida asata zereththata; Solomooney istta shaakki ayllesidi gabbarateththan oosisides; istti hach gakkanaaska aylleteththan ooththeettes.

2ታሪኬ ማጻፋ 32:31

Gido attiin Yuhuda biittan hanida malalisiza malaata gishshas oychchanaas Baabiloone haarizayti kiittida asati Hizqiyaasakko yida wode Xoossi iza paaccanaassinne iza wozinan dizayssa ubbaa eranaas iza yeddi bessides.

ኢዮቤ ማጻፋ 23:10

Izi ta tanggo ubbaa erees; tana izi paaccikokka tani worqqa mala geesh gida dishin izi tana demmana.

ኬሳ ማጻፋ 15:25

Musey GODAAS waassiin GODAY iza issi mith bessides; Musey he miththaa haaththaan yeggiin haaththay mal7ides. Heen GODAY isttas woganne maara kessidessinne istta paaccides.

ሌሚሶ ማጻፋ 17:3

Worqqaynne biray taman paacettizayssa mala GODAY asaa wozina pilggi xeellees.

ኤርማሳ ቲንቢቴ 6:27

GODAY Ermaasa, «Ermaasaa! Birata paaccizaade mala neni ta dereza ogenne istta hemeta paaccana mala ta nena woththadis;

ዛካራሳ ቲንቢቴ 13:9

He attida issi kushe asaa ta gede taman yeggana; bira taman geeshshiza mala ta geeshshana; worqqa malakka paaccana; istti ta sunth xeygana; tanikka isttas koyana; ta isttas, ‹Ta dereta› gaana; isttika, ‹Nu GODAA› gaana» gides.

ዮሃኒሳ ሚሺራቾ 2:24

Qasse Yesusi asaa ubbaa eriza gishshas oonakka ammanibeenna.

ዛሬ ማጻፋ 7:22

GODAA intte Xoossay hayta kawoteththata guuththara guuththara shoddi kessana; intte istta ubbaa issito dhayssofte; intte issito dhayssiko biitta bolla do7ay daridi inttena waayisana.

ዛሬ ማጻፋ 8:16

Inttena ashkesanaasinne paaccanaas wurseththankka lo7o gidana mala kase intte aawati mi erontta manna bazzo biittan inttes immides.

ዛሬ ማጻፋ 8:2

GODAA intte Xoossay inttes immida azazota intte naagizaakkonne naagonttaakko intte wozinan diza qofa eranaas, inttena paaccanaassinne inttena ashkesanaas oyddu tammu layth kumeth meto giddora aaththidi izi inttena wostti wostti kaaleththidaakko ane yuushshi qopite.

1ጴጽሮሳ ኪታ 1:7

Hessi he paacezi intte bolla gakkizay intte ammanozi tumu gididayssa qonccisanaassa. Dhayana worqqayka taman paacettees; worqqafe aadhdhi bonchcho gidida intte ammanoykka hessaththo paacettanaas bessees. Hessi paacettida intte ammanoy Yesus Kirstoosi qoncciza gallas galatas, bonchchossinne sabas inttena gaththana.

1ጴጽሮሳ ኪታ 4:12

Ta siiqotoo! Intte tama mala paacciza meto giddon geliza wode hessa malay kase baynda ooraththa miishshi gakkidaaz inttes misatiin malalettofte.

ዮሃኒሳ ኣጁታ 2:23

Tani izi nayta hayqon qaxxayana; asa qofanne asa amo shaakka erizay tana gididayssa woosa keeththati wuri erana; tani inttes issaas issaas izaade ooso mala immana.

ዳናታ ማጻፋ 1:1

Iyaasoy hayqqidaappe guye Isra7eele asay, «Kanaane biitta asaa olanaas nu zaretappe koyrottidi kezanay oonee?» giidi GODAA oychchides.

ዳናታ ማጻፋ 2:10

He yeleta ubbay hayqqidaappe guye GODAANNE izi Isra7eele asaas ooththida lo7o ooso ubbaa erontta ooraththa yeletay dendides.

ዳናታ ማጻፋ 2:23

Hessa gishshas GODAY he kawoteththa asay kezontta gam7ana mala ooththides. Izi istta eeson yedeththi kessibeenna; Iyaasoska istta aaththi immibeenna.

ዳናታ ማጻፋ 3:2

Izi hessa ooththiday hayssafe kase ola oletti erontta Isra7eele yeletaa ola tamaarsanaassa.