ዳናታ ማጻፋ 17:2 - Geeshsha Maxaafa

² Issi gallas Mikiyaasi ba aayo, «Neeppe issi asi 1,100 saqile bira kaysotida wode neni he kaysotida bitaneza qanggishin tani siyadis. Beya! He miishshay ta achchan dees; ta ekkadis» gides. Iza aayeya, «Ta naazoo nena Xoossi anjjo!» gadus.

ጋሞ ማጻፋ

² ኢሲ ጋላስ ሚኪያሲ ባ ኣዮ፥ «ኔፔ ኢሲ ኣሲ 1,100 ሳቂሌ ቢራ ካይሶቲዳ ዎዴ ኔኒ ሄ ካይሶቲዳ ቢታኔዛ ቃንጊሺን ታኒ ሲያዲስ። ቤያ! ሄ ሚሻይ ታ ኣቻን ዴስ፤ ታ ኤካዲስ» ጊዴስ። ኢዛ ኣዬያ፥ «ታ ናዞ ኔና ጾሲ ኣንጆ!» ጋዱስ።

ዳናታ ማጻፋ 17:2 ပူးပေါင်းရင်းမြစ်များ

ሜቴ ማጻፋ 14:19

Izi Abraame hizgi anjjides; «Ubbaafe Dhoqqa Xoossi salonne sa7a medhdhidayssi Abraame anjjo.

ናሂሚያ ማጻፋ 13:25

Tani he asata hanqada qanggadis; wadhdhadissinne istta hu7e binanakka buucadis; hessafe guye istta gidiin istta nayti allaga asatara ekettontta malanne gelettontta mala Xoossa sunththan caaqeththadis.

ዬ ማጻፋ 10:3

Iita asi ba wozina amon ceeqettees; Yoray GODAA cayeessinne kaddees.

ኬሳ ማጻፋ 20:7

«GODAA ne Xoossaa sunth hadan denththofa; ays giikko GODAA ne Xoossay ba sunth hadan denththizayta qaxxayana.

ሌሚሶ ማጻፋ 28:24

Ba aawappenne ba aayppe kaysidi, «Tani aykkoka nagara ooththabeekke» giza asi bashshiza asara issi mala.

ኤርማሳ ቲንቢቴ 48:10

«GODAA oosos wudu gonttaadey qanggettidaade gido! iza mashshay suuth gussontta mala diggizaadey qanggettidaade gido.

Maatosa 26:74

Izikka caaqishenne amatishe, «Hessa addeza ta erikke!» gides. Heerakka kuttoy waassides.

ኦሮሜ ኣሳስ 9:3

Ta dabbota gishshas ta qanggetadanne Kirstoosappe shaaketta wora wodhdhidaakko dosays.

1ቆሮንቶሴ ኣሳስ 16:22

Godaa dosonttaadey diikko izi qanggettidaade gido! Godoo haa ya!

ዛሬ ማጻፋ 27:16

«Ba aawa woykko ba aayo kawushshizaadey qanggettidaade gido!» Derezi wurikka, «Amiin!» go.

2ዮሃኒሳ ኪታ 1:11

Mokki ekkidi baso gelththizaadey hessaade ooson izara issino gidees.

ዳናታ ማጻፋ 17:1

Efreemen bolla gezzen Mikiyaasa geetettiza issaadey dees.

ዳናታ ማጻፋ 17:3

Naazi 1,100 saqile bira ba aayeys zaarides; iza aayeya, «Tani ta naaza gishshas Xoossas dummasana; he biraara miththafe oosettidi biran meeshettida eeqa xoos medhdhetto; tani zaarada nees immana» gadus.

ዳናታ ማጻፋ 5:23

GODAA kiitanchchay, ‹Merooze qanggite! heen diza asaa issife qanggite! Gaasoykka istti GODAA asaa olan maaddontta ixxida. Wolqqama istta morkketara olettanaas kezibeettenna› gides.

ኡሩቲ ማጻፋ 3:10

Boo7eezey zaaridi, «Ta nayee, GODAY nena anjjo! Hayssafe kase ne ooththoyssafe ha7i ne ooththoyssi aadhdhees. Dure gidiin woykko manqo yelaga attuma koshshu babeekka.

1ሳሜላ ማጻፋ 14:24

Sa7ooli, «Hach ta morkketa bolla halo kessanaappe sinththan omars gakkanaas kath mida asi qanggettidaade gido» giidi izi dereza caaqeththida gishshas he gallas Isra7eele asay ceecen pe7ides; hessa gishshas deraappe issaadeyka kath doonan gelththibeenna.

1ሳሜላ ማጻፋ 14:28

Hessafe guye issi wottadarazi, «Ne aaway ola asaa, ‹Hach kath doonan gelththida asi oonikka qanggettidaade gido› giidi minththi caaqeththides. Asi ubbay daaburday hessa gaasonna» gides.

1ሳሜላ ማጻፋ 15:13

Sameeli Sa7oole demmiin Sa7ooli, «GODAY nena anjjo; GODAA azazo ta poladis» gides.

1ሳሜላ ማጻፋ 23:21

Sa7ooli isttas, «Intte taas mishettida gishshas GODAY inttena anjjo!

1ሳሜላ ማጻፋ 26:19

Ha7ikka ta godaa kawoy, ba aylleza cenggurs ezgi siyo; GODAY nena ta bolla denththeththidaa gidikko izi yarsho mo; gido attiin hayssa asi ooththidaa gidikko GODAA achchan qanggettidayta gidetto; gaasoykka, ‹Ba, baada hara eeqatas goynna› giidi GODAA achchan xinxxoy dontta mala hach yedeththida.