ያቆቤ ኪታ 5:16 - Geeshsha Maxaafa

¹⁶ Hessa gishshas intteka intte garsan issoy issaara intte nagara paaxettite; paxana mala issoy issaas woossite; xillo asa woosay wolqqara dees; wolqqama oosokka ooththees.

ጋሞ ማጻፋ

¹⁶ ሄሳ ጊሻስ ኢንቴካ ኢንቴ ጋርሳን ኢሶይ ኢሳራ ኢንቴ ናጋራ ፓጼቲቴ፤ ፓጻና ማላ ኢሶይ ኢሳስ ዎሲቴ፤ ጺሎ ኣሳ ዎሳይ ዎልቃራ ዴስ፤ ዎልቃማ ኦሶካ ኦስ።

Gamo Geesha Maxxafa New Testamen

¹⁶ Hessa gish intekka inte garisan issay issara inte nagara paxxetite; paxana mala issay issas wossite. Xiillo asa wossay wolliqara dees. Wollqama oothokka ooththees.

ያቆቤ ኪታ 5:16 ပူးပေါင်းရင်းမြစ်များ

ሜቴ ማጻፋ 19:29

Xoossi he shoobban diza katamata dhayssida wode, Abrahaame qoppidi Looxey kase diza katamata dhayssida wode Looxe dhayssafe ashshides.

ሜቴ ማጻፋ 20:17

GODAY Abrahaame machcheyo Saara geedon Abimelekke keeththa asa ubbaa yeliza ulo makkarssida gishshas Abrahaamey Xoossaa woossiin Abimelekkey iza machcheyanne iza macca aylleti naa yelana mala Xoossi istta paththides.

ሜቴ ማጻፋ 20:7

Ha7i hanno maccassayo izi azinaas zaara; gaasoykka izi nabe gidida gishshas izi nees Xoossaa woossiko neni paxana; gido attiin ne izo zaarontta ixxiko neninne nees dizaazi wuri hayqqanayssa tumappe ne era» gides.

ሜቴ ማጻፋ 32:28

Addezikka iza, «Hayssafe sinththan ne sunththi Isra7eele geetetto attiin Yaaqoobe geetettofo; ays giikko neni Xoossaranne asara baaxetada xoonadasa» gides.

2ሳሜላ ማጻፋ 19:19

«Ta godawu ta nena qohidayssa qoodoppa; ta godaa kawo ne Yerusalaameppe kezida gallas ta ooththida mooroza maara; ne wozinan woththofa.

1ካዎታ ማጻፋ 13:6

Histtiin kawo Iyorba7aamey Xoossaadeza, «Ta kushey kaseyssaththo hanana mala taas gaannatada GODAA ne Xoossaa taas woossarkkii!» gides. Hessa gishshas Xoossaadezi kawozas gaannatidi GODAA woossiin kawoza kushey simmidi kaseyssa mala hanides.

2ታሪኬ ማጻፋ 30:20

GODAY Hizqiyaasa woosa siyidi isttas atto gides.

ኢዮቤ ማጻፋ 42:8

Hessa gishshas ha7i laappun wofanotanne laappun dharshota ekkidi ta oosanchcha Iyoobekko biite. Heen intte nagara gishshas xuugettiza yarsho shiishshite. Ta oosanchcha Iyoobi inttes woossana; tanikka iza woosa siyada inttena intte nagara mala qaxxaykke. Intte taas Iyoobe mala lo7o miish haasaybeekketa» gides.

ዬ ማጻፋ 34:15

GODAA ayfey xillotakko xeellees; qasse iza hayththi istta woosa ezgees.

ኬሳ ማጻፋ 17:11

Musey ba kushe pude denththishin Isra7eele asay xoonees shin izi ba kushe ziqqisishin Amaaleeqe asay xoonees.

ኬሳ ማጻፋ 9:33

Hessafe guye Musey kawoza achchafe dendidi katamappe gaxa kezidi ba kushe GODAAKKO miccides; histtiin dadaynne shachchay eqqides; iraykka biitta bolla bukkizayssa aggides.

ሌሚሶ ማጻፋ 15:29

GODAY iitatappe haakon dees; gido attiin xillota woosa siyees.

ሌሚሶ ማጻፋ 15:8

GODAY iitata yarsho shaatettees; suureta woosay gidikko iza ufayssees.

ሌሚሶ ማጻፋ 28:9

Wogaa siyanaappe ba hayth wora zaariza asa woosay Xoossa harassees.

ኤርማሳ ቲንቢቴ 15:1

Hessafe guye GODAY taas, «Museynne Sameeli ta sinththan eqqidaakkoka ta wozinay ha deraas mishettenna; istta ta sinththafe digga; istti betto.

ኤርማሳ ቲንቢቴ 33:3

«Ne haa taakko waassa; tanikka nees zaarana; ne erontta miish hessika wolqqamanne pilggiin erettontta miish ta nees qonccisana.

ኤርማሳ ቲንቢቴ 42:2

nabe Ermaasas, «Nuni kase daro, ha7i ne be7iza mala guuth attidos; hessa gishshas nu nena woossiza woosa siya; hayssa attida deraa gishshas GODAA ne Xoossaa woossa.

ታይቦ ማጻፋ 11:2

Asaykka bana GODAARA giigsana mala Musekko waassides; Museykka GODAA woossiin tamazi to7ides.

Maatosa 21:22

Inttes ammanoy diikko intte woosan oychchida miish ubbaaka ekkana.

Maatosa 3:6

ba nagarakka izas paaxishe Yordaanoose Shaafan iza kushen xammaqettides.

ማርቆሳ ሚሺራቾ 1:5

Yuhuda derey kumeth Yerusalaame asay wuri Yohannisakko bi biidi ba nagara nagara paaxi paaxi Yordaanoose Shaafan Yohannisa kushen xammaqettides.

ሉቃሳ ሚሺራቾ 9:6

Isttika Goday gida mala kezidi Mishiraachcho qaalaa yootishenne harganchchata paththishe gutan gutan yuuyida.

ዮሃኒሳ ሚሺራቾ 9:31

Xoossi baas yayyizaadessinne iza shene ooththizaades attiin nagaranchcha as siyonttayssa nu eroos.

ሃዋሬታ ኦሶ 10:38

Xoossi Naazirete Yesusa Xillo Ayananinne wolqqan tiydes; izikka Xoossi izara diza gishshas ba gakkidason ubbaan lo7o ooththishe Xala7e godateththa giddon dizayta ubbaa paththides.

ሃዋሬታ ኦሶ 19:18

Ammanida asaappe daroy shiiqidi ba iita ooso qonccen paaxides.

ሃዋሬታ ኦሶ 8:24

Simoonikka zaaridi, «Intte gida yo7otappe aykkoyka ta bolla gakkontta mala taas Godaa woossite» gides.

ኦሮሜ ኣሳስ 3:10

«Xilloy oonikka deenna; issaadeyka deenna.

ኦሮሜ ኣሳስ 5:19

Issaadey azazettontta ixxida gishshas daro asay nagaranchcha gidida mala issaade azazeteththan qasse daroti xillana.

ቆላሲያሴ ኣሳስ 1:9

Nu qasse hessa siyoosoppe haa simmiin intte Xoossa shene erateththaninne akeekan inttena kunththana mala intte gishshas woosa qanxxibeekko.

1ታሶሎንቄ ኣሳስ 5:17

Qanxxontta woossite.

1ታሶሎንቄ ኣሳስ 5:23

Saroteththa Goday izi ubba miishshan inttena dummaso; intte ayanay, intte shemppoynne intte ashoy Godaa Yesus Kirstoosi yiza wode wosoy baynda naagetto.

1ታሶሎንቄ ኣሳስ 5:25

Nu ishatoo! Nu gishshassika woossite.

Ibirawe 11:4

Aabeeli Xoossas Qayeele yarshofe aadhdhiza yarsho ammanon shiishshides; Xoossi iza yarshoza gishshas haasayshe izi ammanon geesh gididayssa markkattides; izi hayqqiinka iza ammanoy ha7i gakkanaas haasayettees.

Ibirawe 11:7

Nohes Xoossi buro Nohey ba ayfen be7ontta miishshaa gishshas naagettana mala yootiin Nohey Xoossas babbidi baso asa ashshanaas ammanon markabe keexxidi alame asaa pirdisides; ammanon beettiza xilloteth laattizaade gidides.

Ibirawe 12:13

Wobbey paxana mala attiin kaseppe aaththi wobbontta mala intte tohos lo7o oge giigsite.

Ibirawe 13:18

Nuuska woossite; Ubbasorakka lo7o duus daanaas laamotiza lo7o qofay nuus dizayssa nu sidhokko.

ኢያሶ ማጻፋ 10:12

GODAY Amooreta Isra7eele asaa kushen aaththi immida gallas Isra7eele asaa sinththan Iyaasoy GODAAS, «Arshey Geba7oonen eqqo; Aginaykka Ayaaloone shoobban eqqu» gides.

1ጴጽሮሳ ኪታ 2:24

Nuni nagarappe shaakettidi xilloteththan daana mala izi barkka ba ashon nu nagaraa masqale bolla tookkides; intte iza madunththaan paxideta.

1ዮሃኒሳ ኪታ 3:22

Nuni azazota naagiza gishshassinne iza ufayssizaaz ooththiza gishshas nu iza woossizaaz wursi nu izappe ekkana.

1ሳሜላ ማጻፋ 1:12

Haannay GODAA aggontta woossashe takkiin Eeley izi doona xeellides.

1ሳሜላ ማጻፋ 12:17

Hayssi ha7i gistte maxa wode gidennee? Dadanne ira yeddana mala tani GODAAKKO waassana; intteka inttes kawoy kawotana mala intte oychchoyssan GODAA sinththan ay keena iita ooso ooththidaakko he wode intte erana» gides.

1ሳሜላ ማጻፋ 12:18

Hessafe guye Sameeli GODAAKKO waassides; he gallassika GODAY dadanne ira yeddides. Hessa gishshas derezi GODAASSINNE Sameelas keehi yayyides.