ያቆቤ ኪታ 3:6 - Geeshsha Maxaafa

⁶ Inxarsika ba baggara tama mala; qasse nu asateththaa giddon diza iita alame. Asateththaa wursa tunisawussinne asateththaa bolla tama gujjawus; baaska gaanname taman xuugettana.

ጋሞ ማጻፋ

⁶ ኢንጻርሲካ ባ ባጋራ ታማ ማላ፤ ቃሴ ኑ ኣሳቴ ጊዶን ዲዛ ኢታ ኣላሜ። ኣሳቴ ዉርሳ ቱኒሳዉሲኔ ኣሳቴ ቦላ ታማ ጉጃዉስ፤ ባስካ ጋናሜ ታማን ጹጌታና።

Gamo Geesha Maxxafa New Testamen

⁶ Inxxarasikka ba bagara tama malakko. Nu asatetha gidon diza iitta alamekko. Asatetha wursa tuniisaysunne asatetha bolla tama gujawusu, besiika gaaname taman xugistana.

ያቆቤ ኪታ 3:6 ပူးပေါင်းရင်းမြစ်များ

2ሳሜላ ማጻፋ 16:20

Abeseloomey Akxofeele, «Ane nuus zore imma; nu ay ooththinoo?» gides.

2ሳሜላ ማጻፋ 19:43

Hessafe guye Isra7eele asay Yuhuda asaas, «Nuna kawozappe tammu kushey gakkees; hessafe bollarakka inttefe nuus aadhdhiza maatay dees; histtiin intte nuna aazas kadhidetii? Nu kawozi simmana mala koyro oychchiday nuna gidokkonii?» gida. Gido attiin Yuhuda asay immida zaaroy Isra7eele asay immida zaaroppe keehi mino.

2ታሪኬ ማጻፋ 13:17

Abiyaynne iza olanchchati istta suppu histtida; Isra7eele olanchchatappe 500,000 doorettida olanchchati hayqqida.

ዬ ማጻፋ 140:3

Istti haso shooshsha mala inxars qaraseettes; istta doonappe goppe marze mala qaalay kezees.

ዬ ማጻፋ 64:3

Istti bantta inxarsaa mashsha mala leefida; qasse marze qaalata wondafe yiishsha mala dukkanaas giigsida.

ሌሚሶ ማጻፋ 15:1

Liiqo zaaroy hanqo irxxisees; pordolo qaalay gidikko hanqo denththeththees.

ሌሚሶ ማጻፋ 16:27

Iita asi iitateth qoppees; iza haasayaykka xuuggiza tama mala.

ሌሚሶ ማጻፋ 6:19

wordo bolla wordo gujji gujjidi yootiza wordo markka, ishantta giddon oosh medhdhiza asa.

ሌሚሶ ማጻፋ 7:5

Istti nena layma maccassafenne ba qaalan baleththiza hawusha maccassafe naagana.

ኢሳያሳ ቲንቢቴ 30:27

Be7ite, GODAA sunththay eexxiza hanqora, shaara mala dhippi gida cuwara haakoppe yaana; iza metershati hanqon kumida; iza inxarsayka xuuggiza tama mala.

ኢሳያሳ ቲንቢቴ 50:11

Ha7i gidikko intte tama eeththidi, laciza intte xomppe xomppe oykkida ubbati intte poo7on biite; intte oyththida xomppe poo7on simerettite; Intte ta kusheppe ekkanayssi hayssa; intte iita meton kundana.

ኤርማሳ ቲንቢቴ 20:10

«Ubbason shiroy dees; hilite ane nunikka hiloos» giidi daroti saasukettishin ta siyadis; ta kundeth naagettishe diza ta laggeti ubbay, «Oonee erizay balettana dandayzaakko histtiko nuni iza xoonanakkonne nu halo kessanakko» geettes.

ኤርማሳ ቲንቢቴ 28:16

Hessa gishshas GODAY, ‹Tani nena ha sa7a bollafe diggana; neni GODAA bolla makkalla haasayda gishshas ne ha layth hayqqana› gees» gides.

ሌዌታ ማጻፋ 24:11

He aayey baggara Isra7eele as gididayssi ooyettishe GODAA sunth cayides; histtiin izaade Musekko ehida; he addeza aaya Daane baggafe gidida Dibraye naa Shalomito geetettawus.

ታይቦ ማጻፋ 25:2

He Mo7aabe maccassati eeqa xoossatas yarshiza yarsho kaththaafe maana mala Isra7eele asaa xeygiin isttika he kaththaafe miidi eeqa xoossas goynnida.

ታይቦ ማጻፋ 31:16

Nuni kase Pe7ooren dishin hayti Balaame zore ekkidi Isra7eele asay ba GODAAPPE haakkana malanne boshan wurana mala ooththiday istta gidettennee!

Maatosa 12:24

Gido attiin Farsaaweti hessa siyidi, «Hayssi addezi daydanth kessizay daydanththa halaqa Bi7elizeebula wolqqan xalla gidanaas bessees» gida.

Maatosa 5:22

Ta qasse inttes gizay ba isha bolla ogey baynda hanqettizaade bolla pirdettana; oonikka ba isha, ‹Nappay› gizaadey duulata sinththan oyshettana. ‹Eeyay› gizaade Gaanname tama pirday naagees.

ማርቆሳ ሚሺራቾ 7:15

Kareppe ulo gido gelidi as tunisiza issi miishshika deenna; harappeka ase tunisizay keeththa aawappe gede kare keziza miishsha.

ሉቃሳ ሚሺራቾ 16:24

«Dure addezi, ‹Aawaa Abrahaamee! Hayssan waayettiza taas mishettarkkii! gi Alazaarey ba biradhdhe xeera irxxa haaththan bochchidi ta inxars irxxisana mala haa yeddarkkii!› gi waassides.

ሃዋሬታ ኦሶ 20:30

Hessaththoka issi issi asati intte giddofe dendidi geella yo7o inttena tamaarsidi ammaniza asaappe darota gede baakko zaarana.

ሃዋሬታ ኦሶ 5:3

Qasse Phexroosi, «Haysso Hanaaniya! Neni Xillo Ayana bolla wordotanaassinne gadeza miishshaafe ashshana mala Xala7ey ays ne wozinan gelidee? Bayzanaappe kase gadezi neyssa gidennee? Ne bayzidaappe guye qasse miishshay ne kushen deennee? Histtiin ne hayssa mala wostta ne wozinan qoppadii? Neni Xoossa bolla wordotadasa attiin asa bolla gidenna» gides.

ሃዋሬታ ኦሶ 6:13

Iza bolla «Hayssi addezi hayssa Xoossa Keeththaa bollanne wogaa bolla cashsha qaala haasaya mulekka aggibeenna.

ዛሬ ማጻፋ 13:6

Intte aayi naa ishay, intte attuma naytinne intte macca nayti, intte siiqiza intte machcheti, intte siiqiza intte laggeti inttena, «Kase intteninne intte aawati goynni erontta xoossas ane goynnoos» giikko,

Titosas 1:11

Heytantta co7u histteth bessees; gaasoykka istti bessontta ogera baas go7a demmanaas bessontta timirte tamaarson keeththa asaa wursi mooron deettes.

ያቆቤ ኪታ 2:7

Inttenan xeygettida bonchcho Xoossaa sunth zigirzayti istta gidettennee?

ያቆቤ ኪታ 3:7

Mehe, do7a, kafota, biitta bolla gooshettizaytanne abba giddon diza medheteththata ubbaa asi haarana dandayees; isttika haarettida.

2ጴጽሮሳ ኪታ 3:3

Hara ubbaafe kasetidi hayssa yuushshi qopite; wurseththa gallassatan qidhizaytinne ba iita amo kaallishe as kadhizayti yaana.

3ዮሃኒሳ ኪታ 1:10

Hessa gishshas ta hee biikko izi ba iita qaalaan nu sunth mooranaas ooththidayssa ta inttes qonccisana; hessika izas gidontta ixxiin ammaniza asaa mokki ekkenna; mokki ekkana koyzaytakka diggeessinne Woosa Keeththafe kessi gooddees.

ዮሃኒሳ ኣጁታ 12:9

He gita dawezi duge yegettides; izikka kumeththa alameza baleththiza daabulosa woykko Xala7e geetetti xeygettiza beni wode shooshshaza; izi duge biitta bolla yegettides; iza kiitanchchatikka izara issife yegettida.

ዮሃኒሳ ኣጁታ 13:14

Izi koyro do7aza sinththan malaata ooththana mala izas imettida malaata gaason biitta bolla diza asaa izi baleththides; mashshan madunxidi paxida do7aza bonchchos misle ooththana mala biitta bolla diza asaa wursi izi azazana.

ዮሃኒሳ ኣጁታ 18:23

Tama poo7oy hayssafe guye nenan poo7enna; addenne macca mishira qaalay hayssafe guye nenan seetettenna; ne zal7anchchati kase alamen erettidayta; neni qasse asaa wursa muurennon baleththadasa.

ዮሃኒሳ ኣጁታ 19:20

Gido attiin he do7azi oykettides; kase izara daro malaata ooththida wordo nabezikka izara oykettides; izi he do7aza malatay istta bolla dizaytanne he do7aza mislezas goynnidaytanne gita malaatata ooththi ooththidi istta baleththishe gam7ides; heyti nam7ati diine geetettiza eexxiza tama abban hayqqontta paxa dishe yegettida.