ያቆቤ ኪታ 1:21 - Geeshsha Maxaafa

²¹ Hessa gishshas tunateththinne dalgida iitateththi inttefe kessi yeggidi intte shemppo ashshanaas dandayza intte giddon tokettida qaalaa ashketeththara ekkite.

ጋሞ ማጻፋ

²¹ ሄሳ ጊሻስ ቱናቴኔ ዳልጊዳ ኢታቴ ኢንቴፌ ኬሲ ዬጊዲ ኢንቴ ሼምፖ ኣሻናስ ዳንዳይዛ ኢንቴ ጊዶን ቶኬቲዳ ቃላ ኣሽኬቴራ ኤኪቴ።

Gamo Geesha Maxxafa New Testamen

²¹ Hessa gish tunatethinne dalggida iittatethi intefe kessi yegidi inte shemppo ashanaas danda7iza inte gidon toketida qaala ashketethara ekkite.

ያቆቤ ኪታ 1:21 ပူးပေါင်းရင်းမြစ်များ

ኤፌሶኔ ኣሳስ 4:22

Intte kase diza duussay baleththiza amon qitattida gishshas kase ceega asateth inttefe qaari yeggana mala tamaardeta.

ኤፌሶኔ ኣሳስ 1:13

Intteka qasse tumaa qaalaa hessika inttena ashshiza Mishiraachcho qaalaa siyidi Kirstoosan ammanideta; iza ammanidi kase imettana geetettida Xillo Ayana maatamen attamettideta.

1ጴጽሮሳ ኪታ 2:11

Ta siiqotoo! Intte hayssa alameza bolla imaththenne bete as gidida gishshas shemppora olettiza asho amoteththatappe haakkana mala ta inttena hadara gays.

ዮሃኒሳ ሚሺራቾ 6:63

Asas de7o immizay Xoossa Ayanakko! Asa wolqqay qasse aykkoka go7enna; ta inttes yootida qaalay de7o immiza ayana.

ዬ ማጻፋ 25:9

Ashketa suure ogera kaaleththees; isttaka ba oge tamaarssees.

1ጴጽሮሳ ኪታ 2:1

Hessa gishshas iitateth wursi, baleththo wursi, qoodheppe qommon hano, qanaateteth aykko qommo zigirs inttefe diggite.

Ibirawe 12:1

Hessa gishshas shaara mala nuna yuuyi aadhdhida daro markkati nuus dishin nuna deexxiza toohonne qasse nuna qachchi oykkiza nagara wursi nuuppe wora yeggidi nu sinththan diza woththaa genccaninne dandayan ane woxxoos.

ያቆቤ ኪታ 4:8

Xoossako shiiqite; izikka intteko shiiqana; intteno nagaranchchatoo! Intte intte kushe geeshshite; intteno nam7u qofan qaaxxizaytoo! Intte intte wozina geeshshite.

Titosas 2:11

Asas izappe maaroy beettiza Xoossa kiyateththi asa ubbaas qonccides.

ኦሮሜ ኣሳስ 1:16

Ammanizayti wuri attana mala Xoossa wolqqa gidida gishshas tani mishiraachcho qaalan yeellatikke; hessika koyro Ayhudatas kaallidi Ayzaabetassa.

Ibirawe 4:2

Heytanttas sabbakettida mala nuuska mishiraachcho qaalay sabbakettides; gidikkoka siyida asatara siyida qaalay isttara ammanon walakettontta aggida gishshas istta go7ibeenna.

Ibirawe 2:3

Nu qasse hessa mala gita maaroteth coo leppi histtiko waani attanee? Hayssi maaroteththay koyro Godaa baggara nuus yootettides; izappe siyidaytikka nuus geeshshi yootida.

1ቆሮንቶሴ ኣሳስ 15:2

Ta inttes sabbakida qaalaa intte lo7eththi oykkiko he Mishiraachcho qaalaan intte attana; hessa mala gidontta aggiko intte ammanoy hada.

ኦሮሜ ኣሳስ 6:17

Intte kase nagaras aylleta gidikko inttes imettida timirtezas intte wozinappe azazettida gishshas Xoossi galatetto.

ኢሳያሳ ቲንቢቴ 29:19

Ashketi GODAAN, hiyeesati Isra7eele Geeshshan zaari zaari ufayettana.

ዮሃኒሳ ሚሺራቾ 6:68

He wode Simoona geetettiza Phexroosi, «Godoo, nees mernaa de7o qaalay dishin nu oonakko baanee?

1ታሶሎንቄ ኣሳስ 2:13

Intte nuuppe siyida Xoossa qaalaa ekkida wode ammaniza intte achchan tumu ooththiza Xoossa qaalaa mala ekkideta attiin coo asa qaala mala intte ekkontta aggida gishshas nuni Xoossaa qanxxoy baynda galatoos.

2ቆሮንቶሴ ኣሳስ 7:1

Hessa gishshas ta siiqotoo! Hayssi hidotay nuus imettida gishshas ashonne ayana tunisiza ay miishshafekka ane nuna geeshshoos; Xoossas yashshan nu geeshshateththaa ane kumeth histtoos.

ኢሳያሳ ቲንቢቴ 30:22

Hessafe biran meeshettida intte eeqa xoossatanne worqqan meeshettida misleta intte moorana; «Nuuppe haakkite» giidi tuna carqqa mala intte wora yeggana.

ኢሳያሳ ቲንቢቴ 2:20

He gallas asay goynnanaas medhdhida bantta bira, worqqa misleta girossinne kafotas olana.

ሃዋሬታ ኦሶ 13:26

«Intteno Abrahaame zereththafe yelettida nu ishatoo! Qasseka intte giddonkka Xoossas yayyizayti wuri hayssi atoteththa kiitay kiitettiday nuus ubbatassa!

ኢሳያሳ ቲንቢቴ 61:1

Ubbaa Haariza GODAA Ayanay ta bolla dees; hiyeesatas mishiraachcho yootana mala, GODAY tana tiydes. Izi tana wozinay meqqidayta koolana mala, di7ettidayta la7a kessana mala, qashettidaytas birsheth awajjana mala kiittides.

1ጴጽሮሳ ኪታ 1:9

Intte naagiza intte shemppoys atoteth intte ammanon demmideta.

ኦሮሜ ኣሳስ 11:17

Keeththa matan diza wogara miththa haggata malati intte meqqi wodhdhiin hankko woran diza wogara miththata misatiza Ayzaabeti intte kichchoosan gididi intte haaronne intte anjjo shaakki ekkizaadentta gidikko,

ሃዋሬታ ኦሶ 10:33

Tanikka heerakka neekko as kiittadis; ne yuussayka lo7o; histtiko Goday nena azazidayssa ne nuus yootikko Xoossi yootidayssa neeppe siyanaas nu wurikka hayssan Xoossa sinththan doos» gides.

Maatosa 5:5

Ashketi anjjettidayta; ays giikko istti biitta laattana.

ሶፎናሳ ቲንቢቴ 2:3

Intteno biitta bolla diza ashketoo; iza azazokka polizaytoo! GODAA koyite; Xilloteththinne ashketeth koyite; GODAA hanqo gallassafe intte attanaakko oonee erizay!

ሂዚቄላ ቲንቢቴ 36:25

Tani inttena xillo haaththan aracana; intteka geeyana; histtada ta inttena intte eeqa xoossata ubbaafenne intte tunateth ubbaafe geeshshana.

ሂዚቄላ ቲንቢቴ 18:31

Intte ta bolla ooththida qoho ubbaa wora olite; inttes ooraththa wozinaynne ooraththa ayanay de7o; intteno Isra7eele asatoo ays hayqqeetii?

1ታሶሎንቄ ኣሳስ 1:5

Gaasoykka Mishiraachcho qaalay intteko yiday wolqqara Xillo Ayananinne lo7eththi shaakki eriin attiin coo qaala xallan gidenna; qasseka nu intte gishshas giidi waani de7idaakko intte ereeta.

ኤፌሶኔ ኣሳስ 5:4

Intte galata galatizayta gidite attiin ase yeellachchiza laafa haasayay, coo eeyateththa yo7oy inttes bessontta gishshas hessa malay intte garsan dooppo.

ኤፌሶኔ ኣሳስ 4:25

Nu wurikka issi asho gidida gishshas wordoteth diggidi nuni nu garsan issoy issaara ane tumaa haasayoos.

1ጴጽሮሳ ኪታ 1:22

Intte ammanizayta suure wozinappe siiqana mala tumaas azazeteththan intte intte asateth geeshshideta; hessa gishshas intte intte giddon issoy issaara lo7eththi siiqettite.